ايماقتار • 18 قاڭتار، 2020

الماتى وبلىسىندا قوسالقى قۋات ستانساسى ىسكە قوسىلدى

155 رەتكورسەتىلدى

قاراساي اۋدانىنىڭ باتان اۋىلىندا ورنالاسقان «قاسكەلەڭ-220» ەنەرگەتيكالىق ستانسانىڭ اشىلۋىن ايماق تۇرعىندارى ۇزاق جىل كۇتتى دەسە بولادى.

ويتكەنى، وڭىردە ەلەكتر قۋاتىنىڭ تاپشىلىعى باستى ماسەلە بولىپ كەلگەن. وعان وبلىستاعى ءىرىكاسىپورىنداردىڭ 70 پروتسەنتكە جۋىعى وسى ايماقتا ورنالاسقاندىعى دا سەبەپ ەدى. وندىرىلگەن ەنەرگيانىڭ ەداۋىر مولشەرىن ءوندىرىس تۇتىناتىن. ەندى ىرگەدەگى قاراساي، جامبىل اۋداندارىمەن بىرگە ىلە اۋدانىنىڭ اۋىلدارى دا ۇزدىكسىز جارىقپەن قامتىلماق.

جالپى ۇزىندىعى 53 شاقىرىم بولاتىن كەرنەۋ سىمدارى ارقىلى ەلەكتر قۋاتىن تاسىمالدايتىن جاڭا قوسالقى ستانسانىڭ قۇرىلىسىنا 4،7 ملرد تەڭگە قارجى جۇمسالىپتى. جوبانى «سامۇرىق-قازىنا» ۇلتتىق ءال-اۋقات قورى مەن الماتى وبلىسىنىڭ اكىمدىگى بىرلەسىپ جۇزەگە اسىردى.

- قوسالقى ستانسانىڭ اشىلۋى الماتىنىڭ باتىس ايماعى مەن وبلىستىڭ 3 اۋدانىنداعى ەنەرگيا تاپشىلىعىن جويۋعا مۇمكىندىك بەرەدى. ەندىءتورت جۇزدەن استام ءوندىرىس ورنى مەن 6200 تۇرعىن ۇيگە ۇزدىكسىز جارىق بەرىلەدى. ستانسانىڭ قۇرىلىسىنا 4،7 ملرد تەڭگە قاراجات قۇيىلدى. قولدانىلعان قۇرال جابدىقتار ساپالى، جاڭا زامانعى تەحنولوگياعا ساي جاراقتاندىرىلدى، دەدى قوسالقى ستانسانىڭ اشىلۋىندا «سامۇرىق-قازىنا» ۇلتتىق ءال-اۋقات قورىنىڭ باسقارما توراعاسى احمەتجان ەسىموۆ.

جالپى، الماتى وبلىسىنىڭ ەنەرگەتيكالىق سۇرانىسى جىل سايىن ارتىپ كەلەدى ەكەن. ماسەلەن، 2019 جىلى وبلىس تۇرعىندارى 6946 ملن كۆت/ساعات ەلەكتر قۋاتىن تۇتىنسا، بيىل بۇل كورسەتكىش 7008 ملن كۆت/ساعاتقا جەتەدى دەگەن بولجام بار. ال وڭىردەگى ەلەكتر قۋاتىن تاسىلدايتىن كەرنەۋ جولدارىنىڭ ۇزاقتىعى 29 000 شاقىرىمنان اسادى.

-    وبلىس الماتى ماڭىنداعى اۋدانداردىڭ ەنەرگياعا دەگەن سۇرانىسىن رەتتەۋگە بارىنشا ۇلەس قوسىپ كەلەدى. قاپشاعاي قالاسىنىڭ ماڭىنان 100 مۆت قۋات وندىرەتىن كۇن ەلەكتر ستانساسى سالىنىپ، پايدالانۋعا بەرىلدى. ەڭبەكشىقازاق، ىلە اۋداندارى اۋماعىندا دا 50 مۆت ەنەرگيا الاتىن ەكى كۇن ستانساسىن ىسكە قوستىق. تۇرعىندار مەن ءوندىرىس ورىندارىن ۇزدىكسىز ەلەكتر ەنەرگياسىمەن قامتۋ ادامداردىڭ ءال-اۋقاتىن ارتتىرىپ، كاسىپورىنداردىڭ ونىمدىلىك قۋاتىن كوتەرەدى، دەيدى الماتى وبلىسىنىڭ اكىمى اماندىق باتالوۆ.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار