ۇكىمەت • 18 قاڭتار، 2020

رومان سكليار تيلو كليننەرمەن كەزدەستى

118 رەتكورسەتىلدى

ەلشىمەن كەزدەسۋ بارىسىندا ەكىجاقتى ءوزارا ءىس-قيمىلدىڭ نەگىزگى اسپەكتىلەرى، نەمىس ينۆەستورلارىمەن ينۆەستيتسيالار سالاسىنداعى ىنتىماقتاستىقتى نىعايتۋ جونىندەگى جۇمىس توبىنىڭ قىزمەتى، سونداي-اق ەكى ەلدىڭ ديپلوماتيالىق قارىم-قاتىناستارىن ودان ءارى نىعايتۋ پەرسپەكتيۆالارى تالقىلاندى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

وسىلايشا، تيلو كليننەرمەن اڭگىمەلەسۋ بارىسىندا پرەمەر-ءمينيستردىڭ ورىنباسارى رومان سكليار بۇگىندە گەرمانيا فەدەراتيۆتىك رەسپۋبليكاسى قازاقستاننىڭ حالىقارالىق ارەناداعى ەڭ ماڭىزدى سەرىكتەستەرىنىڭ ءبىرى ەكەندىگىن، ال ەكى ەل اراسىنداعى قارىم-قاتىناس كوپتەگەن جىلدار بويى دوستىق پەن ءوزارا تۇسىنىستىك رۋحىندا قالىپتاسىپ كەلە جاتقاندىعىن اتاپ ءوتتى.

قازاقستاندىق تاراپ ەكى ەلدىڭ ينۆەستيتسيالىق ءوزارا قارىم–قاتىناستارىن نىعايتۋ ماقساتىندا جاڭا تەحنولوگيالار مەن يننوۆاتسيالار سالاسىندا تانىلعان كوشباسشى نەمىس كومپانيالارىن تسيفرلىق تەحنولوگيالاردى قولدانا وتىرىپ قۇرىلاتىن جاڭا وندىرىستەردى دامىتۋعا تارتۋ، سونداي-اق يندۋستريا 4.0 ەلەمەنتتەرىن ەنگىزۋ باسىمدىققا يە باعىتتار ەكەنىن اتاپ ءوتتى. بۇل رەتتە نەمىس كاسىپكەرلەرىنە جان-جاقتى قولداۋ كورسەتىلەدى.

تاراپتار قارىم-قاتىناستاردى دامىتۋدىڭ وڭ باعىتىن ودان ءارى ساقتاۋعا جانە ولاردى ەكونوميكالىق، ساياسي، سونداي-اق الەۋمەتتىك سالالاردا ودان ءارى نىعايتۋ جونىندە بارلىق كۇش-جىگەرىن سالۋعا كەلىستى.

سوڭعى جاڭالىقتار

ۇقساس جاڭالىقتار