قازاقستان • 18 قاڭتار، 2020

2019 جىلى يندۋستريالاندىرۋ باعدارلاماسى اياسىندا 76 جوبا ىسكە قوسىلدى

105 رەتكورسەتىلدى

يندۋستريالاندىرۋ ارقىلى ەل ەكونوميكاسىن ءارتاراپتاندىرۋ باعىتىن تۇڭعىش پرەزيدەنت – ەلباسى نۇرسۇلتان نازارباەۆ 2010 جىلى ايقىنداپ بەرگەن ەدى. سودان بەرگى كەزەڭدە ەلىمىزدىڭ وڭدەۋ ونەركاسىبى كاسىپورىندارى 70 ترلن. تەڭگەنىڭ ءونىمىن ءوندىردى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

ونىڭ 44 تريلليونى - 2015-2019 جىلدارى ىسكە اسىرىلعان ەكىنشى بەسجىلدىق ۇلەسىندە. ەڭبەك ونىمدىلىگى ءبىر ادامعا 35،3 مىڭ اقش دوللارىنا جەتتى. يندۋستريالاندىرۋدىڭ ەكىنشى بەسجىلدىعى ءۇشىن قورىتىندى كەزەڭ بولعان 2019 جىلى جالپى سوماسى 360،6 ملرد تەڭگەگە 76 جوبا ىسكە قوسىلدى. 6 مىڭ تۇراقتى جۇمىس ورنى اشىلدى.

ەلىمىزدىڭ يندۋستريالىق-يننوۆاتسيالىق دامۋىندا ماشيناجاساۋ - باسىم باعىتتاردىڭ ءبىرى. يندۋستريالاندىرۋ باعدارلاماسى شەڭبەرىندە سالاداعى ءوندىرىس كولەمى 3 ەسە ارتتى. 2018 جىلى ونىڭ كولەمى 1 ترلن تەڭگەدەن استى. 2019 جىلى 19،2% كولەمىندە ءوسىم بولىپ، 1 ترلن 180 ملرد تەڭگەنىڭ ءونىمى ءوندىرىلدى. وتكەن جىلدىڭ وزىندە 7 جاڭا جوبا ىسكە قوسىلدى. سونىڭ ءبىرى – قوستانايداعى «كيروۆەتس» تراكتورلارىن شىعاراتىن زاۋىت. وعان سالىنعان ينۆەستيتسيا كولەمى 7،3 ملرد تەڭگە. وندىرىستىك قۋاتى – جىلىنا 700 تراكتور شىعارادى.

تاۋ-كەن ءوندىرۋ سالاسىنا كەلسەك، وتكەن جىلى ءتۇستى مەتالل كەندەرىن ءوندىرۋ كولەمى 17،5% ءوستى.

جەڭىلدەتىلگەن نەسيەلەر بەرۋدى قاراستىراتىن «قاراپايىم زاتتار ەكونوميكاسى» باعدارلاماسىنىڭ قابىلدانۋى وڭدەۋ ونەركاسىبى سالاسى ءۇشىن قوسىمشا ءوسىم درايۆەرى بولدى. باعدارلاما اياسىندا بولىنگەن 600 ملرد تەڭگە قارجىنىڭ 400 ملرد تەڭگەسى وڭدەۋ ونەركاسىبى سالاسىن دامىتۋعا باعىتتالدى. بيزنەستى جەڭىلدەتىلگەن نەسيەمەن قارجىلاندىرۋ ناتيجەسىندە 2025 جىلى 16 مىڭداي تۇراقتى جۇمىس ورنى اشىلىپ، بيۋدجەتكە تۇسەتىن سالىق 1،1 ترلن تەڭگەگە ارتۋى ءتيىس. «قاراپايىم زاتتار ەكونوميكاسى» ونىمدەرىنىڭ يمپورتتىق ۇلەسى 59%-تەن 37%-كە دەيىن ازايادى.

جەڭىل، جيھاز، قۇرىلىس ماتەريالدارى ونەركاسىبىن دامىتۋ بويىنشا جول كارتالارى ازىرلەنىپ، قابىلداندى. وتاندىق ماقتا تالشىعىن وڭدەۋدى ارتتىرۋ ماقساتىندا 2019 جىلعى جەلتوقساندا شىمكەنتتە «Alliance» ساۋدا-ونەركاسىپ كومپانياسى» ءجىپ ءيىرۋ فابريكاسى اشىلدى. جوبانى قازاقستاننىڭ ينۆەستيتسيالىق قورى مەن وزبەكستاننىڭ «Alliance Textile» جەڭىل ونەركاسىپ كاسىپورىندارى قاۋىمداستىعى بىرلەسىپ ىسكە اسىردى. جوبا اياسىندا العاشقى كەزەڭدە 120 جاڭا جۇمىس ورنى اشىلىپ، ماقتا تالشىعىن وڭدەۋ كولەمى جىلىنا 6 مىڭ تونناعا جەتەدى.

ارناۋلى ەكونوميكالىق ايماقتاردى دامىتۋعا ۇلكەن كوڭىل بولىنۋدە. وسى ماقساتتا 2019 جىلعى ساۋىردە «ارناۋلى ەكونوميكالىق جانە يندۋستريالىق ايماقتار تۋرالى» زاڭ قابىلداندى. بۇل باعىتتا Qyzyljar ارناۋلى ەكونوميكالىق ايماعىنىڭ قۇرىلۋى ماڭىزدى وقيعا بولدى. وندا ەكسپورتقا باعدارلانعان زاماناۋي ءوندىرىس ورىندارى ىسكە قوسىلىپ، 3 مىڭ جاڭا ورنى اشىلادى. بۇل – تاماق ونىمدەرى، قۇرىلىس ماتەريالدارى، جيھاز، ەلەكترونيكا جانە ماشينا جاساۋ ونىمدەرى ءوندىرىسىن قامتيتىن قازاقستان مەن رەسەيدىڭ شەكارالاس ايماقتارىندا ورنالاسقان جالعىز ارناۋلى ەكونوميكالىق ايماق.       

يندۋستريا جانە ينفراقۇرىلىمدىق دامۋ مينيسترلىگى 4.0  يندۋسترياسى قاعيداتىنا كوشۋ بارىسىندا وتاندىق وندىرۋشىلەردىڭ باستامالارىن بەلسەندى تۇردە قولدايدى. 2019 جىلى 102 وڭىرلىك ونەركاسىپ كاسىپورىندارى ءۇشىن 4.0 يندۋسترياسى ەلەمەنتتەرىن ەنگىزۋ جانە اۆتوماتتاندىرۋ ستراتەگياسى بويىنشا ادىستەمەلىك ۇسىنىمدار ازىرلەندى. قاجەتتى ەكوجۇيە قۇرۋعا باعىتتالعان تسيفرلىق ترانسفورماتسياسىن قولداۋ شارالارى قابىلداندى.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار