ايماقتار • 18 قاڭتار، 2020

الماتى وبلىسىندا تاعى ءبىر تۇرعىن ءوزىن ءوزى تونادى

87 رەتكورسەتىلدى

ادامدار قارجىلىق قيىندىقتان شىعۋ مەن قارىزدى قايتارماۋدىڭ ءتۇرلى جولدارىن ويلاپ تابا باستاعان سياقتى. جانە ويلانباي ارەكەت ەتۋدىڭ سالدارىنان وزدەرى زيان شەگىپ، ءتىپتى قىلمىستىق جاۋاپكەرشىلىككە تارتىلۋعا دەيىن باراتىنىن بىلمەي قالۋدا.

الماتى وبلىسىندا قارىزىن جاسىرۋ ءۇشىن «وزىنە ءوزى شابۋىل ۇيىمداستىرۋ» دەرەگى وسىمەن ەكىنشى رەت تىركەلدى. بۇعان دەيىن ەڭبەكشىقازاق اۋدانىنداعى جاعداي تۋرالى جازعانبىز. ءدال سوعان ۇقساس وقيعا تالعار اۋدانىندا دا بولعان ەكەن. بۇل جولى بانكتەن كوپ مولشەردە نەسيە العان ايەل، شىققان شىعىندى جاسىرۋ ءۇشىن پوليتسياعا ءوزىن بەلگىسىز قىلمىسكەرلەردىڭ توناپ كەتكەنىن ايتىپ، شاعىم جازىپتى. ءتارتىپ ساقشىلارى  جەدەل قيمىلداپ، ءىس بويىنشا قۇرىقتاۋ وپەراتسياسىن باستايدى. الايدا، ءىز كەسۋ جۇمىستارى تەرەڭدەگەن سايىن، ايەل ادامنىڭ ارىزىندا سۋرەتتەلگەن قىلمىس كەيپى كۇدىك تۋدىعىزعان. تەرگەۋشىلەر 39 جاستاعى كەلىنشەكتى قايتا سۇراققا العان كەزدە ول شىنىن ايتىپ، ەشقانداي توناۋ بولماعانىن مويىنداعان.

قازىر پوليتسيانى جالعان مالىمەت بەرۋ ارقىلى ابىگەرگە سالعان كەلىنشەكتىڭ وزىنە قاتىستى قىلمىستىق ءىس قوزعالعان. ال جالعان ارىز بەرۋشى بۇل قادامعا نەسيەگە العان اقشانى ماقساتسىز جۇمساپ قويعانىن، مۇنى ۇيدەگى وتاعاسىنا تۇسىندىرۋگە قورىققاندىقتان توناۋشىلار تۋرالى وقيعانى ويلاپ تاپقانىن ايتىپ اقتالۋدا. وكىنىشتىسى، كەلىنشەك ەندى 10 ملن تەڭگەگە دەيىن ايىپپۇل تولەۋى نەمەسە 5 جىلعا دەيىن باس ەركىنەن ايىرىلۋى مۇمكىن.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار