ەلوردادا گاز قوندىرعىلارىنا تەكسەرىس جۇرگىزىلۋدە

قازاقستان • 18 قاڭتار، 2020

ەلوردادا گاز قوندىرعىلارىنا تەكسەرىس جۇرگىزىلۋدە

21 رەت كورسەتىلدى

نۇر-سۇلتان قالاسىنىڭ قالالىق ورتا ساپاسى جانە باقىلاۋ باسقارماسى ەلوردانىڭ تۇرعىن ءۇي شارۋاشىلىقتارىندا گاز قوندىرعىلارىنىڭ جۇمىسىنا تەكسەرىس جۇرگىزىپ جاتىر، دەپ حابارلادى قالا اكىمدىگىنىڭ ءباسپاسوز قىزمەتى.

Egemen Qazaqstan

وتكەن جىلى باسقارما قىزمەتكەرلەرى 1 400 رەزەرۆۋارلىق قوندىرعىلاردى تەكسەرىستەن وتكىزدى. ونىڭ ناتيجەسى بويىنشا «استاناگازقىزمەت» جشس-ءنىڭ مەنشىك يەسىنە ەسكەرتۋلەردى جويۋ ماقساتىندا 340 انىقتاما بەرىلدى. قازىرگى ۋاقىتتا سەرىكتەستىك يەسى اتالمىش ماسەلەلەردىڭ بارلىعىن رەتكە كەلتىرگەن.

بۇگىنگى كۇنى قالادا 340 جيناقتاما رەزەرۆۋارلىق قوندىرعىلار، 1400 جەر استىنداعى رەزەرۆۋارلارى بار.

قازاقستان رەسپۋبليكاسىنىڭ № 532-IV «گاز جانە گازبەن جابدىقتاۋ تۋرالى» زاڭىنا سايكەس ەكى قاباتتان اساتىن كوپ پاتەرلى تۇرعىن ۇيلەردە تۇرمىستىق باللونداردا سۇيىتىلعان مۇناي گازىن ساقتاۋعا جانە (نەمەسە) پايدالانۋعا تىيىم سالىنادى.

بۇگىنگى كۇنى پاتەر يەلەرىمەن، باسقارۋشى ۇيىمدارمەن (پيك، تقك)، زاڭدى تۇلعالارمەن تۇرمىستىق باللونداردا سۇيىتىلعان گازدى پايدالانۋ ماسەلەسىن ءتۇسىندىرۋ بويىنشا 556 وقىتۋ جۇمىسى جۇرگىزىلدى. ونىڭ بارىسىندا ەكى قاباتتان جوعارى قاباتتى عيماراتتاردا باللونداردى پايدالانۋدىڭ 34 جاعدايى انىقتالدى.

سونىمەن قاتار 807 تقش-نىڭ ىشكى گاز قۇبىرلارىنىڭ تەكسەرىلۋى جۇرگىزىلىپ، ونىڭ ناتيجەسىندە كرانداردى اۋىستىرۋ بويىنشا 807 انىقتاما بەرىلدى. قازىرگى تاڭدا 914 كران اۋىستىرىلدى. وسى ماسەلەنى كەشەندى تۇردە شەشۋ ءۇشىن قالالىق ورتا ساپاسى جانە باقىلاۋ باسقارماسى «استاناگازقىزمەت» جشس جانە «بايتەرەك» پيك قاۋىمداستىعىنىڭ اراسىنداعى كەلىسىمگە قول قويدى. كەلىسىمنىڭ شەڭبەرىندە، «استاناگازقىزمەت» جشس 104 گاز قىزمەتىنىڭ ءنومىرى بويىنشا نۇر-سۇلتان قالاسىنىڭ تۇرعىندارىنان وتىنىمدەرگە اقىسىز تاۋلىك بويى جاۋاپ قايتارادى.

ال بۇرىن، اپاتتىق قىزمەتىن شاقىرۋ ءۇشىن استانالىقتار 5000 تەڭگە سوماسىنداعى اقى تولەيتىن. سونداي-اق كومپانيا قالاداعى گازعا قوسىلعان بارلىق كوپپاتەرلى تۇرعىن ۇيلەرىندەگى كىرەبەرىس ىشكى جۇيەلەرىندە قىزمەت كورسەتەدى. باسقارمانىڭ بەرىلگەن انىقتامالارىنا سايكەس اۋىستىرۋدى تالاپ ەتەتىن ىشكى كىرەبەرىس گاز قۇبىرلارىنداعى بارلىق قرانداردى الماستىرادى. جۇرگىزىلگەن جۇمىستار ناتيجەسىندە، جازباشا وتىنىشتەر سانى 95%-عا تومەندەدى.

ال iكومەككە كەلىپ تۇسەتىن تۇرعىن ۇيلەردىڭ اۋلالارى مەن كىرەبەرىستەرىندەگى گاز اعۋى بويىنشا وتىنىشتەر سانى 90%-عا ازايعاندىعىن ايتا كەتكەن ءجون.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز