قوعام • 17 قاڭتار، 2020

ەلباسى قورى ۇكىمەتپەن بىرلەسىپ سالالىق مەنەدجەرلەردى دايارلاۋ باعدارلاماسىن ىسكە اسىرادى

223 رەتكورسەتىلدى

باعدارلاما ەلباسىنىڭ «ەل ءۇمىتى» باستاماسى اياسىندا ازىرلەنگەن جانە «100 ناقتى قادام» ۇلت جوسپارىن، سونداي-اق، قازاقستان پرەزيدەنتى ق. توقاەۆتىڭ ەكونوميكا مەن الەۋمەتتىك سالانى مەملەكەتتىك باسقارۋدا جاڭا تاسىلدەردى ەنگىزۋ قاجەتتىگى تۋرالى تاپسىرماسىن ساپالى ورىنداۋعا باعىتتالعان. بۇل تۋرالى primeminister.kz حابارلادى. 

باعدارلامانى تۇڭعىش پرەزيدەنت قورى ۇكىمەتپەن جانە احقو-ىمەن بىرلەسىپ جۇزەگە اسىرادى. ونىڭ باستى ماقساتى — سالالىق كاسىبي تۇلعالاردى تابۋ جانە ولاردى ەكونوميكانىڭ باسىمدىقتى سالالارىندا وزگەرىستەردى باسقارۋدا كوشباسشىلار رەتىندە ودان ءارى دايارلاۋ.

ماسەلەن، 2019 جىلى 27 قاراشادا تالانتتى جاستارمەن وتكەن كەزدەسۋدە قر تۇڭعىش پرەزيدەنتى – ەلباسى ن. ءا. نازارباەۆ ەكونوميكانىڭ ءتۇرلى سالالارىندا كاسىبي مامانداردىڭ قالىپتاسۋىنىڭ ماڭىزدىلىعىن اتاپ ءوتتى.

«باستى تالاپ – ەڭ ۇزدىك ءبىلىم مەن الەمنىڭ جەتەكشى كومپانيالارىندا تاجىريبە جيناۋ عانا ەمەس، كوماندادا جۇمىس ىستەي ءبىلۋ، كۇردەلى مىندەتتەر ءۇشىن جاۋاپكەرشىلىك الا ءبىلۋ جانە ولاردى سوڭىنا دەيىن جەتكىزە ءبىلۋ. باعدارلاما بويىنشا ىرىكتەلگەن ءاربىر مامان وزگەرىستەر باسقارۋ مەنەدجەرىنە دەيىنگى وقىتۋدان وتەدى»، — دەدى ەلباسى.

باعدارلامانىڭ وزەكتىلىگى مەملەكەت باسشىسى العا قويعان مەملەكەتتىك باسقارۋدىڭ جاڭا مودەلىن قالىپتاستىرۋ بويىنشا مىندەتتەر اياسىندا ارتا تۇسەدى. ەل پرەزيدەنتى ق. توقاەۆ «بىزگە ءتۇرلى سالالاردا جاڭا فورماتسياداعى باسقارۋشىلار كومانداسى كەرەك» دەگەن بولاتىن.

باعدارلاما قازاقستاندىق كاسىبي مامانداردى مەملەكەتتىك باسقارۋعا تارتۋ ءۇشىن قوسىمشا جاعدايلار جاسايدى. بۇل رەتتە، ازاماتتاردىڭ مەملەكەتتىك اپپاراتپەن ىنتىماقتاستىعىنىڭ جاڭا فورماتتارى ۇسىنىلادى، بۇل ولاردى مىندەتتى تۇردە مەملەكەتتىك قىزمەتتە لاۋازىمعا يە بولۋعا تارتۋدى كوزدەمەيدى.

باعدارلاما اياسىندا ءبىرىنشى كەزەڭدە ساۋدا جانە لوگيستيكا، قۇرىلىس، اۋىل شارۋاشىلىعى، گەولوگيالىق بارلاۋ جانە ونەركاسىپ (سونىڭ ىشىندە – جاڭا يندۋستريا)، سۋ رەسۋرستارى، وڭىرلىك دامۋ جانە قالالاردى باسقارۋ، تۋريزم، مادەنيەت جانە سپورت، ءبىلىم بەرۋ، دەنساۋلىق ساقتاۋ جانە مەديايندۋستريا سەكىلدى 11 سالاداعى ناقتى مىندەتتەردى جۇزەگە اسىرۋعا 200 قازاقستاندىق كاسىبي ماماندى تارتۋ كوزدەلگەن.

باعدارلاماعا قاتىسۋعا مەملەكەتتىك جانە جەكەمەنشىك سەكتوردا جۇمىس ىستەيتىن، سونىڭ ىشىندە شەتەلدە تۇراتىن، تابىستى پراكتيكالىق تاجىريبەسى، كاسىبي ءبىلىمى جانە ەڭ باستىسى – مەملەكەتتىڭ وركەندەۋىنە جەكە ۇلەسىن قوسۋعا نيەتى بار قر ازاماتتارى شاقىرىلادى.

باعدارلاماعا قاتىسۋشىلار الەمنىڭ جەتەكشى ينستيتۋتتارى مەن كومپانيالارىندا كۋرستار مەن تاعىلىمدامالار تۇرىندە فۋنكتسيونالدىق جانە سالالىق وقىتۋدان وتەدى.

وزگەرىستەردى باسقارۋ بويىنشا مەنەدجەرلەردى دايارلاۋ باعدارلاماسىنىڭ ماڭىزدى كومپونەنتى — ونىڭ قاتىسۋشىلارىنىڭ جوعارىدا اتالعان 11 سالاداعى ەڭ وزەكتى 49 پراكتيكالىق مىندەتتەردى شەشۋى.

باعدارلاماعا قاتىسۋشىلار وزدەرىنىڭ تالىمگەرلەرى رەتىندە ارەكەت ەتەتىن جەتەكشى وتاندىق جانە حالىقارالىق ساراپشىلارمەن، ۇكىمەت باسشىلىعىمەن تىكەلەي جانە جۇيەلى ءوزارا ءىس-قيمىل جاساۋ مۇمكىندىگىنە يە بولادى.

باعدارلاماعا جالپى باسشىلىق ەتۋدى قر پرەمەر-ءمينيسترى اسقار مامين باستاعان باسقارۋشى كوميتەت جۇزەگە اسىرادى. باعدارلامانى ىسكە اسىرۋدى تپق ۇكىمەتتىڭ جوبالىق وفيسىمەن بىرگە قامتاماسىز ەتەدى.

باعدارلاماعا قاتىسۋ ءۇشىن ۇمىتكەرلەردىڭ وتىنىمدەرىن قابىلداۋ 15 قاڭتاردا باستالدى. سالالىق كوماندالاردى ىرىكتەۋ جانە قالىپتاستىرۋ پروتسەسى وسى جىلدىڭ 15 ناۋرىزىنا دەيىن اياقتالادى. بۇل جۇمىسپەن ارنايى تاۋەلسىز كوميسسيا اينالىسادى. كانديداتتاردى باعالاۋعا، ىرىكتەۋدىڭ وبەكتيۆتىلىگى ءۇشىن حالىقارالىق ساراپشىلار تارتىلاتىن بولادى. باعدارلاماعا قاتىسۋعا ءوتىنىم بەرۋ ءۇشىن cv@elumiti.kz ەلەكتروندىق پوشتاسىنا كەرى بايلانىس ءۇشىن بايلانىس دەرەكتەرىن كورسەتە وتىرىپ، تۇيىندەمە جىبەرۋ قاجەت. 

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار