ۇكىمەت • 17 قاڭتار، 2020

ۇكىمەت باسشىسى ءىرى اۆتوجول جوبالارىن بيىل اياقتاۋدى تاپسىردى

139 رەتكورسەتىلدى

پرەمەر-مينيستر ا. مامين 2020 جىلى ءىرى اۆتوجول جوبالارىن ىسكە اسىرۋدى اياقتاۋدى تاپسىردى. بۇل تۋرالى primeminister.kz حابارلادى.

ۇكىمەت باسشىسى اسقار ءماميننىڭ توراعالىعىمەن 2020-2025 جىلدارعا ارنالعان «نۇرلى جول» مەملەكەتتىك باعدارلاماسى اياسىندا اۆتوجول سالاسىن دامىتۋ جونىندە كەڭەس ءوتتى. اۆتوجول سالاسىنداعى قۇرىلىس ماۋسىمىنا دايىندىق تۋرالى يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ، بيتۋممەن قامتاماسىز ەتۋ جاعدايى جونىندە ەنەرگەتيكا ءمينيسترى ن. نوعاەۆ، ەڭبەكتى قورعاۋ جانە قاۋىپسىزدىك تەحنيكاسىن قامتاماسىز ەتۋ شارالارى بويىنشا، سونداي-اق، شەتەلدىك جۇمىس كۇشىن تارتۋعا كۆوتا بەرۋ تۋرالى ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ، تابيعاتتى قورعاۋ شارالارىنىڭ ساقتالۋى تۋرالى ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆ، جەرگىلىكتى جۇمىسشى كادرلاردى دايارلاۋ تۋرالى الماتى وبلىسىنىڭ اكىمى ا. باتالوۆ، شىعىس قازاقستان وبلىسىنىڭ اكىمى د. احمەتوۆ، قاراعاندى وبلىسىنىڭ اكىمى ج. قاسىمبەك، جامبىل وبلىسىنىڭ اكىمى ا. مىرزاحمەتوۆ، اۆتوجول جوبالارىنىڭ ىسكە اسىرىلۋ بارىسى تۋرالى مەردىگەرلىك ۇيىمدار مەن «قازاۆتوجول» ۇك» اق وكىلدەرى باياندادى.

2019 جىلى رەسپۋبليكالىق ماڭىزى بار 4،4 مىڭ شاقىرىم اۆتوجول سالىندى جانە رەكونسترۋكتسيالاندى. جىل قورىتىندىسى بويىنشا 641 شاقىرىم جولدا قوزعالىس اشىلدى. 1،1 مىڭ شاقىرىم رەسپۋبليكالىق ماڭىزى بار جانە 3،5 مىڭ شاقىرىم جەرگىلىكتى جەلىلەردەگى اۆتوجولعا كۇردەلى جانە ورتاشا جوندەۋ جۇمىستارى جۇرگىزىلدى.

جاقسى جانە قاناعاتتانارلىق جاعدايداعى رەسپۋبليكالىق ماڭىزى بار اۆتوجولداردىڭ ۇلەسى 88%-عا، جەرگىلىكتى ماڭىزى بار جولدار 71%-عا جەتكىزىلدى. رەسپۋبليكالىق ماڭىزى بار ءى جانە ءىى تەحنيكالىق ساناتتاعى جولداردىڭ ۇزىندىعى 34%-عا (8،2 مىڭ شاقىرىمعا) دەيىن ارتتىرىلدى. اۆتوجول سالاسىنىڭ 2020 جىلعا ارنالعان بيۋدجەتى 750 ملرد تەڭگەنى قۇرايدى، رەسپۋبليكالىق جانە جەرگىلىكتى ماڭىزى بار 9،8 مىڭ شاقىرىم اۆتوجول جوندەۋ جۇمىستارىمەن قامتىلادى.

قۇرىلىس جۇمىستارىمەن 4 مىڭ شاقىرىم اۆتوجول قامتىلادى. جىل قورىتىندىسى بويىنشا جالپى ۇزىندىعى 2،6 مىڭ شاقىرىم اۆتوجول ۋچاسكەلەرىندە قوزعالىستى اشۋ جوسپارلانۋدا، سونىڭ ىشىندە تالدىقورعان – وسكەمەن (763 كم)، قاراعاندى – بالقاش – قاپشاعاي (645 كم)، قالباتاۋ – مايقاپشاعاي (415 كم)، مەركى – بۋرىلبايتال (266 كم)، اقتوبە – اتىراۋ – استراحان (279 كم) جانە باسقالار.

رەسپۋبليكالىق جانە جەرگىلىكتى جەلىنىڭ جول-قۇرىلىس جۇمىستارىنا بارلىعى 100 مىڭعا جۋىق ادام جۇمىلدىرىلاتىن بولادى، «ا» ساناتىنداعى جول بويىنداعى سەرۆيستىڭ 18 كوپفۋنكتسيونالدى كەشەنىن سالۋ ءۇشىن ينۆەستيتسيالار تارتۋ، 304 سانيتارلىق-گيگيەنالىق توراپتى سالۋ جانە قىزمەت كورسەتۋ جوسپارلانعان.

«بيىل اۆتوموبيل جولدارىن سالۋ بويىنشا اۋقىمدى جۇمىس كولەمىن اتقارۋ قاجەت. العا قويىلعان مىندەتتەردى ۋاقىتىلى ءارى ساپالى ورىنداۋ جانە جىل سوڭىنا دەيىن اۆتوموبيل جولدارىن جاڭعىرتۋدىڭ نەگىزگى جوبالارى بويىنشا قوزعالىستى قامتاماسىز ەتۋ ماقساتىندا قۇرىلىس ماۋسىمىنا الدىن الا دايىندالۋ كەرەك» دەدى ۇكىمەت باسشىسى.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار