- بۇگىندە 1411 بايلانىس ورتالىعىنا ورتاشا ەسەپپەن بەس مىڭ قوڭىراۋ كەلىپ تۇسەدى. ازاماتتار دەمالىس جانە مەرەكە كۇندەرى دە قوڭىراۋ شالىپ, ءوز ساۋالدارىنا جاۋاپ الا الادى. جىل باسىنان بەرى 22 مىڭ قوڭىراۋ كەلىپ تۇسكەن. ونىڭ ىشىندە 1500 استام قوڭىراۋ ماڭعىستاۋ وبلىسىنان. ولاردىڭ باسىم بولىگى زەينەتاقى جانە الەۋمەتتىك قامسىزداندىرۋ, كوپ بالالى انالاردىڭ اي سايىنعى جاردەماقىسى, اتاۋلى الەۋمەتتىك كومەك ماسەلەلەرىن قامتيدى. قىزمەت الۋشىلار حقو-عا بارماس بۇرىن, 1411-گە حابارلاسىپ, الەۋمەتتىك قىزمەتتەردى راسىمدەۋگە قاجەت قۇجاتتار ءتىزىمىن دە الدىن الا ءبىلىپ وتىرا الادى», – دەيدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ كە اق موف ديرەكتورى ەربول بايجىگىت.
1411 بىرىڭعاي قىسقا نومىرىنە تەگىن قوڭىراۋ شالا وتىرىپ, كەز كەلگەن وپەراتوردان زەينەتاقى مەن جاردەماقى راسىمدەۋ, كوپ بالالى وتباسىنىڭ مەملەكەتتىك جاردەماقىسى, اتاۋلى الەۋمەتتىك كومەك, الەۋمەتتىك قىزمەتتەر پورتالى, ەڭبەك قاتىناستارى جانە حالىقتى جۇمىسپەن قامتۋ, مۇگەدەك بالالاردى تاربيەلەپ وتىرعان ادامدارعا ونلاين-پسيحولوگيالىق كونسۋلتاتسيا بەرۋگە وتىنىمدەر قابىلداۋ ماسەلەلەرى تۋرالى كەڭەس الۋعا بولادى.
بۇدان باسقا, الەۋمەتتىك تولەمدەر مەن زەينەتاقى جانە ەڭبەكپەن قامتۋ ماسەلەسىنە قاتىستى نەگىزگى ساۋالداردىڭ جاۋابىن www.info.mintrud.kz سايتى ارقىلى دا بىلۋگە بولادى.
ماڭعىستاۋ وبلىسى
