مەديتسينا • 17 قاڭتار، 2020

ماڭعىستاۋدا تۋبەركۋلەزگە بايلانىستى ءولىم-ءجىتىم تومەندەگەن

117 رەتكورسەتىلدى

ماڭعىستاۋ وبلىسى تۋبەركۋلەزگە قارسى ديسپانسەرىنىڭ ديرەكتورى قۋات تيتانوۆتىڭ ايتۋىنشا، 2017-2019 جىلدارى تۋبەركۋلەزبەن اۋرۋشاڭدىقتىڭ تومەندەۋ قارقىنى رەسپۋبليكا بويىنشا 12،8% -دى، وبلىس بويىنشا 6،3 %-دى قۇراسا، ءولىم-ءجىتىم كورسەتكىشى رەسپۋبليكا بويىنشا 33،3%-دى، وبلىس بويىنشا 23،1%-دى كورسەتتى. بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى حابارلادى.

2019 جىلدىڭ قورىتىندىسى بويىنشا اۋرۋشاڭدىقتىڭ وبلىستىق كورسەتكىشى 2،1%-عا تومەندەپ،100 مىڭ ادامعا شاققاندا 52،3-ءتى قۇرادى، 2018 جىلعى كورسەتكىش 53،4-ءتى قۇراعان بولاتىن. ءولىم-ءجىتىم كورسەتكىشى 2018 جىلى 100 مىڭ ادامعا شاققاندا 2،2-ءنى قۇراسا، 2019 جىلى كورسەتكىش 2،0-ءدى قۇرادى، ياعني ءولىم-ءجىتىم دەڭگەيى 9،1%-عا تومەندەدى.

تۋبەركۋلەز بويىنشا احۋالدىڭ جاقسارۋىنا قازاقستان رەسپۋبليكاسىندا 2016-2019 جىلدارعا ارنالعان دەنساۋلىق ساقتاۋدى دامىتۋدىڭ «دەنساۋلىق» مەملەكەتتىك باعدارلاماسىنا سايكەس جۇيەلى نەگىزدە تۋبەركۋلەزگە قارسى ءىس-شارالاردى جۇرگىزۋ ناتيجەسىندە قول جەتكىزىلدى. بۇل باعدارلاما ءىس-شارالارى اياسىندا وبلىستا تۋبەركۋلەزگە قارسى قىزمەت قايتا قالىپتاستىرىلدى، 55 توسەك-ورىندى اۋداندىق تۋبەركۋلەزگە قارسى اۋرۋحانا وڭتايلاندىرىلىپ، سەزىمتالدىعى ساقتالعان تۋبەركۋلەزدى ەمدەيتىن 25 توسەك-ورىن مۋلتيرەزيستەنتتى تۋبەركۋلەزدى ەمدەۋ ءبولىمى بولىپ قايتا بەيىندەلدى.

تۋبەركۋلەز ناۋقاستارىنا مۋلتيديستسيپلينار ەنگىزىپ، تۇرعىندارعا تۋبەركۋلەزگە قارسى ساپالى كومەك كورسەتۋدى جەتىلدىرۋدى قامتاماسىز ەتۋ ماقساتىندا تۋبەركۋلەزگە قارسى قىزمەتتى باستاپقى سانيتارلىق كومەك ۇيىمدارىمەن ينتەگراتسيالاۋ جۇرگىزىلدى. بمسك مەكەمەلەرىن فتيزياتر ماماندارىمەن قامتۋ - 91،6%، فتيزيوپەدياترلارمەن قامتۋ 93،1%-دى قۇرادى.

وبلىستا تۋبەركۋلەزدى زەرتحانالىق دياگنوستيكالاۋدىڭ جەدەلدەتىلگەن ءادىسى ۋاقىتىلى ەنگىزىلىپ، ۇزدىكسىز قولدانۋدا. اتاپ ايتقاندا، جاھاندىق قور جوباسىن جۇزەگە اسىرۋ اياسىندا «قر ۇلتتىق فتيزيوپۋلمونولوگيا عىلىمي ورتالىعى» رمك تاراپىنان وتقد باكتەريولوگيالىق زەرتحاناسىنا 2010 جىلى قاجەتتى ماتەريالدارىمەن «Baktek MGIT-960» باكاناليزاتورى، 2013 جىلى قاجەتتى ماتەريالدارىمەن «Gene-Xpert» اپپاراتى ساتىپ الىندى. سپيد-پەن، تۋبەركۋلەزبەن جانە بەزگەكپەن كۇرەس بويىنشا جاھاندىق قور جوباسىن جۇزەگە اسىرۋ اياسىندا 2019 جىلدىڭ 4-توقسانىندا USAID «CallengeTB» جوباسىن جۇزەگە اسىرۋدا وبلىستىڭ بمسك ۇيىمدارى ءۇشىن 14 953 423 تەڭگەگە 3 دانا قوسمودۋلدى «Gene-Xpert» اپپاراتى ساتىپ الىندى. باتەريولوگيالىق اناليزاتور قاجەتتى ماتەريالدارىمەن ۇزدىكسىز قامتاماسىز ەتىلۋدە، سونىڭ ناتيجەسىندە قاتتى جانە سۇيىق قورەكتىك ورتالاردا ءوسىندى زەرتتەۋ ادىسىمەن ناۋقاستار 100%-عا قامتىلدى.

ەم باستالماس بۇرىن بارلىق ناۋقاستاردىڭ دارىگە سەزىمتالدىعىنا تەست جۇرگىزىلىپ، تەست ناتيجەسىنە سايكەس ەمدەۋ سحەماسى تاڭدالادى. 2018 جىلدىڭ اقپان ايىنان باستاپ وبلىستا تۋبەركۋلەزدى ەمدەۋدىڭ جاڭا سحەمالارى ەنگىزىلدى: اۋقىمدى دارىگە ءتوزىمدى ناۋقاستاردى ەمدەۋ ءۇشىن جەكە رەجيم جانە شەكتەۋلى پروتسەسستەرىمەن كوپ دارىگە ءتوزىمدى ناۋقاستار ءۇشىن قىسقا مەرزىمدى ەمدەۋ رەجيمى (9-12 اي).

جىل سايىن وبلىس بويىنشا 670-700 ادامعا تۋبەركۋلەزگە قارسى ەم تاعايىندالىپ، ەم ستاتسيونارلى تۇردە دە، امبۋلاتورلى تۇردە دە جۇرگىزىلەدى. امبۋلاتورلى ەم جۇرگىزۋ ءۇشىن وبلىستىڭ بارلىق امبۋلاتورلىق-ەمحانالىق ۇيىمدارىندا سەرتيفيكاتتارى بار ماماندارمەن قامتاماسىز ەتىلگەن حيميزاتور كابينەتتەرى اشىلدى، حيميزاتورلار جىلدا وتقد بازاسىندا وقىتۋ ساباقتارىن الادى.

2018 جىلدىڭ قازان ايىنان باستاپ بەينە باقىلاۋلى ەم (ۆنل) ءادىسى ەنگىزىلدى. 2019 جىل ەمدەۋدىڭ مۇنداي ادىسىمەن 031 ناۋقاس قامتىلدى. 2019 جىلى USAID «CallengeTB» جوباسىن جۇزەگە اسىرۋ اياسىندا ورتالىق ازياداعى تۋبەركۋلەزبەن كۇرەس بويىنشا KNCV وكىلەتتىگى تاراپىنان سيم-كارتاسى جانە جادى-كارتاسىمەن بىرگە سوماسى 1 840 000 تەڭگەگە 20 دانا پلانشەت ساتىپ الىندى. پلانشەتتەر ببە (ۆنل) جۇرگىزۋ ءۇشىن قالا/اۋداننىڭ تىكەلەي باقىلاۋلى ەم كورسەتەتىن بولىمدەرىنە تاراتىلىپ بەرىلدى.

ناۋقاستار تۋبەركۋلەزگە قارسى ءدارى-دارمەكتەرمەن 100%-عا قامتاماسىز ەتىلەدى. جاڭا جاعداي، سەزىمتالدىعى ساقتالعان تۋبەركۋلەزبەن اۋىراتىن ناۋقاستاردى ەمدەۋ تيىمدىلىگى 2019 جىلى 93،5% قۇرادى، 2018 جىلى - 97،1% (دۇنيەجۇزىلىك دەنساۋلىق ساقتاۋ ۇيىمى ستاندارتى - 85%). 2016 جىلى تىركەلگەن كوپ دارىگە ءتوزىمدى تۋبەركۋلەزبەن اۋىراتىن ناۋقاستاردى ەمدەۋدىڭ تيىمدىلىگى 84،5% قۇرادى (2014 جىلى - 78،5%، 2015 جىلى - 79،6%،)، دۇنيەجۇزىلىك دەنساۋلىق ساقتاۋ ۇيىمى ستاندارتى - 75% -دى قۇرايدى.

 

ماڭعىستاۋ وبلىسى

 

 

 

 

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار