اق جايىق وڭىرىنەن تاڭداۋلىلار قاتارىنا ەنگەن ازاماتتار – باتىس قازاقستان وبلىستىق ونكولوگيالىق ديسپانسەر ديرەكتورىنىڭ مەديتسينالىق قىزمەت ساپاسىن باقىلاۋ جونىندەگى ورىنباسارى اجعاليەۆ تيمۋر راپحات ۇلى, باتىس قازاقستان وبلىسى اقپاراتتاندىرۋ, مەملەكەتتىك كورسەتىلەتىن قىزمەتتەر جانە ارحيۆتەر باسقارماسىنىڭ باسشىسى نۇرتازاەۆ ساكەن رۇستەم ۇلى جانە شەتەلدىك كومپانيانىڭ باس ينجەنەرى تاجەكەنوۆ ميرجان امانگەلدى ۇلى.
جالپى, وڭىردە جاستاردىڭ كاسىبي بىلىكتىلىگىن ارتتىرۋ, بىلىمگە ۇمتىلىسىن قولداۋ جاقسى جولعا قويىلعان.
- 2019 جىلى جاستار جىلى اياسىندا جاستارعا قولداۋ كورسەتۋ ماقساتىندا «جاڭا تالاپ» مەملەكەتتىك قىزمەت مەكتەبى جاڭا فورماتتا جۇمىسىن جالعاستىردى. وبلىستاعى ءاربىر جوعارى وقۋ ورنىندا توپتار اشىلىپ, 80-گە جۋىق تىڭداۋشى تىركەلدى, سونىمەن قاتار مەكتەپكە «جاستار پراكتيكاسىن» ءوتىپ جۇرگەن تۇلەكتەر دە ەنگىزىلدى. دارىستەر مەن ترەنينگتەردى مەملەكەتتىك جانە قۇقىق قورعاۋ ورگاندارى ماماندارى مەن فيليال وقىتۋشىلارى جۇرگىزدى.تىڭداۋشىلار قاڭتار-مامىر ارالىعىندا مەملەكەتتىك ورگانداردا تاعىلىمدامادان وتەدى. وقىتۋ سوڭىندا تىڭداۋشىلارعا سەريتفيكاتتار بەرىلەدى, دەدى عالىم سۇلتان ۇلى.
«پرەزيدەنتتىك جاستار كادر رەزەرۆىنە وبلىستان ءۇش-اق ادامنىڭ ءوتۋى – وڭىردەگى جاس كادرلاردىڭ بىلىكتىلىك دەڭگەيى تومەندىگىن كورسەتپەي مە؟» دەگەن ساۋالىمىزعا عالىم تۇرسىنباەۆ حالىق سانىنا شاققاندا قالىپتى جاعداي ەكەندىگىن ايتتى. جالپى, ىرىكتەلگەن 300 جاس ماماننىڭ ىشىندە 7 ادام – باتىس قازاقستان وبلىسىندا تۋعان ەكەن. رەزەرۆكە وڭىرلەر اراسىنان ەڭ كوپ ادام نۇر-سۇلتان قالاسىنان وتكەن.
ايتا كەتەيىك, قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەگىنشە, باتىس قازاقستان وبلىسىندا 2019 جىلدىڭ 1 جەلتوقسانىندا 656,6 مىڭ حالىق تۇرعان. بۇل - رەسپۋبليكا حالقىنىڭ 3,5 پايىزى.
