كەشە اۋدانداعى قۇلاندى اۋىلدىق وكرۋگى, اقباستى ەلدى مەكەنىندە جاڭا بالىق ساقتاۋ تسەحى اشىلدى. جەرگىلىكتى كاسىپكەر جاندوس قۇلمانوۆتىڭ باستاماسىمەن ىسكە قوسىلعان بالىق ساقتاۋ تسەحىنىڭ اشىلۋ سالتاناتىنا اۋدان اكىمى مۇحتار ورازباەۆ قاتىسىپ, «ساراتس» جوباسىنىڭ ءساتتى جۇزەگە اسۋى ناتيجەسىندە قايتا تۇلەگەن بالىق شارۋاشىلىعىنىڭ دامۋىنا كەڭىنەن توقتالدى.
اۋىلدا اشىلعان تسەحتا 100 توننا بالىق ساقتالادى, الداعى ۋاقىتتا ەلۋ ادام جۇمىسپەن قامتاماسىز ەتىلەدى دەپ كۇتىلۋدە.
اۋدان باسشىسى وسى اۋىلدا جاڭادان ىسكە قوسىلعان «كوكارال» بالىق كونسەرۆىلەۋ تسەحىنىڭ جۇمىسىمەن تانىستى.
اۋىل ازاماتى ەرنار قۇلجانوۆ مەملەكەتتەن العان قايتارىمسىز قارجى ارقىلى ىسكە قوسقان تسەحتان كۇنىنە 40 دانا كونسەرۆى شىعارىلماق. بۇگىندە اۋدان بويىنشا بالىق ونىمدەرىنىڭ 13 ءتۇرى شىعارىلىپ, جىلدىق قۋاتى 20 مىڭ تونناعا جۋىق 8 بالىق وڭدەۋ زاۋىتى تۇراقتى جۇمىس ىستەپ تۇر.
