ءاربىر قىلمىستىق ءىس بويىنشا تەرگەۋشىلەر اسكەري بولىمدەر مەن قۇرامالاردىڭ قولباسشىلىعىنا قىلمىس جاساۋعا جانە باسقا دا زاڭ بۇزۋشىلىقتارعا ىقپال ەتكەن ءمان-جايلاردى جويۋ جونىندە ۇسىنىستار ەنگىزەدى. سوڭعى جىلدارى اسكەرلەر مەن اسكەري قۇرالىمدارداعى تىركەلگەن قىلمىستار سانىنىڭ تۇراقتى تومەندەۋ ءۇردىسى بايقالادى.
- ەگەر 2018 جىلمەن سالىستىرساق, 2019 جىلى اسكەري قىزمەتشىلەر جاساعان قىلمىستار سانى 33,4% -عا ازايدى,اۋىر قىلمىستار سانى بىرنەشە ەسەگە ازايدى. سونداي-اق اسكەري قىزمەتشىلەردىڭ قاتىسۋىمەن توپتىق قىلمىستار جويىلعانىن اتاپ وتۋگە بولادى. قاساقانا اۋىر دەنە جاراقاتىن كەلتىرۋ فاكتىلەرى سياقتى قوعامدىق قاۋىپتى قىلمىستاردىڭ سانى قىسقاردى, -دەدى ءىىم شىعىس وڭىرلىك اسكەري-تەرگەۋ باسقارماسىنىڭ باسشىسى مۇحامەد-قالي قارسىبەكوۆ
مۇحامەد-قالي قارسىبەكوۆتىڭ ايتۋىنشا, اسكەري-تەرگەۋ ورگاندارىنىڭ نەگىزگى مىندەتتەرى, قۇزىرەتى جانە وكىلەتتىكتەرى مىناداي, ياعني ىشكى ىستەر ورگاندارىنىڭ تەرگەۋىنە جاتاتىن اسكەري قىلمىستار مەن اسكەري قىزمەتشىلەر جاساعان قىلمىستاردى انىقتاۋ, الدىن الۋ, جولىن كەسۋ, اشۋ جانە تەرگەۋ بولىپ تابىلادى.
سەمەي
