ايەلدەر اراسىندا ەڭ ءتاۋىر كورسەتكىش 55 كيلو سالماق دارەجەسىندە ونەر كورسەتەتىن ءزۇلفيا چينشانلوعا تيەسىلى. الەمنىڭ ءۇش دۇركىن چەمپيونى, ازيا ويىندارىنىڭ ەكى دۇركىن جۇلدەگەرى دەگەن دارداي اتاعى بار وتانداسىمىز مىقتىلار تىزىمىندە 26 ورىندا تۇر.
ەرلەر اراسىندا ەڭ جاقسى ناتيجەگە نيجات راگيموۆ قول جەتكىزىپ وتىر. ريو وليمپياداسىنىڭ جەڭىمپازى, الەم چەمپيونى 81 كيلو سالماقتا كۇش سىناسىپ جۇرگەن زىلتەمىرشىلەر اراسىندا نەبارى 61 ورىندى قاناعات تۇتۋدا.
ال قالعان جىگىتتەرىمىزدىڭ جاعدايى ودان دا ناشار. ماسەلەن, دەنيس ۋلانوۆ – 120, يبراگيم بەرسانوۆ – 145 جانە يليا يلين – 201 ساتىعا تابان تىرەدى. ءيا, وسىلاي تىزبەكتەي بەرسەك, قازاقستاندىق جانكۇيەرلەردىڭ كوڭىلى قۇلازي تۇسەتىنى انىق.
دەسەك تە, الدا ءبىزدى تاعى ەكى بىردەي ليتسەنزيالىق جارىس كۇتىپ تۇر. ولار – اقپاندا تاشكەنتتە تۇساۋى كەسىلەتىن حالىقارالىق تۋرنير جانە ساۋىردە نۇر-سۇلتاندا جالاۋى جەلبىرەيتىن ازيا چەمپيوناتى. وسى ءدۇبىرلى دودالاردا جاعدايىمىزدى تۇزەۋگە تاماشا مۇمكىندىك تۋىندايدى.
