2019 جىلى وبلىستىق جانە اۋداندىق ماڭىزى بار جولداردى دامىتۋعا 200 ملرد.-تان استام تەڭگە ءبولىندى. اتالعان قاراجات ەسەبىنەن 2019 جىلى رەسپۋبليكانىڭ بار اۋماعىندا 386 جوبا جۇزەگە اسىرىلدى. اتاپ ايتقاندا, 37 جوبا – جول قۇرىلىسىمەن, 34 جوبا – جولداردىڭ رەكونسترۋكتسياسىمەن, 60 جوبا – جولداردى كۇردەلى, 255 جوبا – ورتاشا جوندەۋدەن وتكىزۋمەن بايلانىستى. تۇتاستاي العاندا, جوندەۋ جۇمىستارىمەن قامتىلعان جولداردىڭ جالپى ۇزىندىعى 4 617 شاقىرىمدى قۇرادى. وسىلايشا, جىل قورىتىندىسى بويىنشا جاقسى جانە قاناعاتتاندىرارلىق جاعدايداعى وبلىستىق جانە اۋداندىق ماڭىزى بار جولداردىڭ ۇلەسى 71% -كە جەتتى.
2019 جىلى جۇزەگە اسىرىلعان جوبالاردىڭ سانى بويىنشا كوشتى ماڭعىستاۋ وبلىسى باستاپ تۇر. مۇندا جولداردى رەكونسترۋكتسيالاۋعا باعىتتالعان 5 جوبا, جولداردى سالۋعا باعىتتالعان 2 جوبا جۇزەگە اسىرىلدى. وبلىس جاقسى جاعدايداعى جەرگىلىكتى جولداردىڭ ساپاسىنا قاتىستى رەيتينگتە دە ءبىرىنشى ورىندا. وڭىردە وبلىستىق جانە اۋداندىق ماڭىزى بار اۆتوموبيل جولدارىنىڭ 92% جاقسى جانە قاناعاتتاندىرارلىق جاعدايدا.
2020 جىلى رەسپۋبليكادا جولداردىڭ 4 مىڭنان استام شاقىرىمى جوندەۋ جۇمىستارىمەن قامتىلىپ, 350 جوبا جۇزەگە اسىرىلادى دەپ جوسپارلانۋدا. سونىمەن قاتار جاقسى جانە قاناعاتتاندىرارلىق جاعدايداعى جەرگىلىكتى جولدار جەلىسىنىڭ ۇلەسى 75%-كە جەتكىزىلمەك.
ايتا كەتەيىك, الداعى 5 جىلدا قازاقستاندا 2020-2025 جىلدارعا ارنالعان مەملەكەتتىك «نۇرلى جول» باعدارلاماسىنىڭ اياسىندا جولداردىڭ 25 مىڭنان استام شاقىرىمى جوندەۋ جۇمىستارىمەن قامتىلىپ, جاقسى جانە قاناعاتتاندىرارلىق جاعدايداعى جەرگىلىكتى اۆتوموبيل جولدارىنىڭ ۇلەسى 95%-كە دەيىن جەتكىزىلەدى دەپ جوسپارلانىپ وتىر.
