مەديتسينا • 10 قاڭتار، 2020

تۇپقاراعان اۋدانى ءمامس جۇيەسى بويىنشا جۇمىس جاساۋعا دايىن

145 رەتكورسەتىلدى

ايماقتاردىڭ مىندەتتى الەۋمەتتىك ساقتاندىرۋدى ەنگىزۋگە دايىندىعىن قامتاماسىز ەتۋ ءۇشىن جەدەل ءوزارا ءىس-قيمىل جونىندەگى رەسپۋبليكالىق شتاب وكىلدەرى بۇگىن تۇپقاراعان اۋدانىنىڭ ورتالىعى فورت-شەۆچەنكو قالاسىندا بولدى. جۇمىس توبىنا توراعالىق ەتۋ دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ توراعاسىنىڭ ورىنباسارى نۇرلىبەك اسىلبەكوۆكە جۇكتەلگەن. بۇل تۋرالى ماڭعىستاۋ وبلىسى دەنساۋلىق ساقتاۋ باسقارماسى ءباسپاسوز قىزمەتى حابارلادى.

توپ قۇرامىندا «الەۋمەتتىك مەديتسينالىق ساقتاندىرۋ قورى» كەاق IT بويىنشا باسقارۋشى ديرەكتورى نۇربول ءجۇمادىلدا، مارات وسپانوۆ اتىنداعى باتىس قازاقستان ۋنيۆەرسيتەتى رەكتورىنىڭ ستراتەگيالىق دامۋ جانە حالىقارالىق سەرىكتەستىك جونىندەگى پرورەكتورى باقتيار سەرىك، ماڭعىستاۋ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ءلاززات ەسەنعاليەۆا، «الەۋمەتتىك مەديتسينالىق ساقتاندىرۋ قورى» كەاق ماڭعىستاۋ فيليالىنىڭ ديرەكتورى رۋسلان بەكتۋباەۆ بولدى.

ولار اۋداندىق اۋرۋحانادا جانە ەمحانادا بولىپ، مىندەتتى الەۋمەتتىك مەديتسينالىق ساقتاندىرۋ جۇيەسىنىڭ جۇزەگە اسىرىلۋ بارىسىمەن تانىستى. بيىلدان باستاپ اۋدان تۇرعىندارى ەكى ءتۇرلى مەديتسينالىق پاكەت بويىنشا كومەك الادى. بيىلدان باستاپ كەپىلدەندىرىلگەن مەديتسينالىق كومەكپەن بىرگە قوسىمشا مىندەتتى الەۋمەتتىك مەديتسينالىق ساقتاندىرۋ جۇيەسى جۇرەدى. ەسكە سالا كەتەيىك، ءمامس ازاماتتاردىڭ ارنايى شوتىنا جينالعان قارجى ەسەبىنەن جۇزەگە اسىرىلادى. ال كەپىلدەندىرىلگەن كومەك بولسا مەملەكەت تاراپىنان قارجىلاندىرىلادى. اۋدان تۇرعىندارى ءۇشىن بارلىق جاعداي جاسالعان. ءار ادام ەمحاناعا نەمەسە اۋرۋحاناعا بارىپ، جەكە باسىن كۋالاندىراتىن قۇجاتى ارقىلى بازاداعى ستاتۋسىن انىقتاپ، سوعان سايكەس قىزمەتتەر الۋىنا بولادى. 30 000-نان استاپ حالقى بار اۋدان بويىنشا، بۇگىندە ستاتۋسى انىقتالماعان 150 ادام عانا قالىپ تۇر.

تۇپقاراعان اۋداندىق اۋرۋحاناسىنىڭ ديرەكتورى باقىت شالاباەۆانىڭ ايتۋىنشا، اۋدان ءمامس بويىنشا جۇمىس جاساۋعا تولىققاندى دايىن. ايتا كەتۋ كەرەك، بۇگىندە ورتالىق اۋداندىق اۋرۋحانا 30617 حالىققا قىزمەت كورسەتەدى. اۋدان بويىنشا ەمدەۋ-ساۋىقتىرۋ مەكەمەلەر سانى – 7. اتاپ ايتقاندا ورتالىق اۋرۋحانا، ەمحانا، تاۋشىق دارىگەرلىك امبۋلاتورياسى، اقشۇقىر  دارىگەرلىك امبۋلاتورياسى، باۋتين دارىگەرلىك امبۋلاتورياسى، قىزىل-وزەن اۋىلى فەلدشەرلىك-اكۋشەرلىك پۋنكتى جانە سايىن شاپاعاتوۆ دارىگەرلىك امبۋلاتورياسى. 2019 جىلدىڭ قورىتىندىسى بويىنشا 76066 قاتىسۋ جاسالىپ (پوسەششەنيە)، 1145 ناۋقاس ستاتسيوناردان ەم الىپ شىققان. 2473 ناۋقاس كۇندىزگى ستاتسيوناردان ەم السا، 34 ناۋقاس ۇيدەگى ستاتسيوناردان ەم العان.

مىندەتتى الەۋمەتتىك مەديتسينالىق ساقتاندىرۋ بويىنشا اقپاراتتىق-تۇسىندىرمە جۇمىستارى بارىسىندا ماڭعىستاۋ وبلىسى بويىنشا مىندەتتى الەۋمەتتىك مەديتسينالىق ساقتاندىرۋ قورىمەن بىرلەسىپ كەستەلىك جوسپار قۇرىلعان. تۇپقاراعان ورتالىق اۋداندىق اۋرۋحاناسى قىزمەتكەرلەرى قاتارىنان، سونىڭ ىشىندە ديرەكتوردى قوسا العاندا حالىق اراسىندا اقپاراتتىق-تۇسىندىرمە جۇمىستارى بويىنشا جاۋاپتى تۇلعالار بەكىتىلىپ، ەلدى مەكەندەر بويىنشا بولىنگەن. بەكىتىلگەن كەستەگە ساي فورت-شەۆچەنكو قالاسى، تاۋشىق، باۋتينو، اتاش، قىزىل-وزەن، سايىن شاپاعاتوۆ، اقشۇكىر اۋىلدارىنىڭ تۇرعىندارى، مەملەكەتتىك ۇيىمدار قىزمەتكەرلەرى جانە جەكە سەكتور وكىلدەرىمەن كەزدەسۋلەر وتكىزىلگەن.

كەزدەسۋ بارىسىندا دەنساۋلىق ساقتاۋ سالاسىندا مىندەتتى مەديتسينالىق ساقتاندىرۋ، حالىق دەنساۋلىعىن قورعاۋداعى مەملەكەتتىك ساياسات، الەۋمەتتىك مەديتسينالىق ساقتاندىرۋ جۇيەسىنىڭ نەگىزگى ماقساتى مەن مىندەتتەرىنە قاتىستى بولاشاقتاعى جۇمىستار تۋرالى ايتىلدى. سونىمەن بىرگە «قالامقاس» كەڭورنىنداعى وندىرىستىك كومپانيا قىزمەتكەرلەرىمەن كەزدەسۋ وتكىزىلگەن.

ءمامس تۋرالى تۇرعىنداردى اقپاراتتاندىرۋ ماقساتىندا اقپارات تاراتۋدىڭ بارلىق قۇرالدارى قولدانىلۋدا. اۋداندىق اۋرۋحانا بازاسىندا ءمامس بۇرىشى قۇرىلعان، فورت-شەۆچەنكو قالاسىندا 2 بيلبورد ورناتىلعان، اۋداندىق گازەت بەتتەرىندە بىرنەشە ماقالالار جاريالانعان. قوسىمشا «real time» رەجيمىندە، ياعني حالىق بانكى بولىمشەسىندە، حالىققا قىزمەت كورسەتۋ ورتالىعىندا، جۇمىسپەن قامتۋ ورتالىعى جانە باسقا حالىق كوپ شوعىرلاناتىن ورىنداردا اقپاراتتار بەرىلگەن.

سونداي-اق اۋداندىق اۋرۋحانا قىزمەتكەرلەرىنىڭ ءمامس بويىنشا نەگىزگى سۇراقتارىن تۇسىندىرە الۋ قابىلەتتىلىكتتەرى مەن ءبىلىم دەڭگەيىن انىقتاۋ ماقساتىندا اتتەستاتسيا جۇرگىزىلگەن.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار