ايماقتار • 10 قاڭتار، 2020

ماڭعىستاۋدا پوليتسيا دەپارتامەنتى جول ينفراقۇرىلىمىنا قاتىستى جيىن وتكىزدى

186 رەتكورسەتىلدى

ماڭعىستاۋ وبلىسى پوليتسيا دەپارتامەنتىنىڭ باستىعى پوليتسيا پولكوۆنيگى قانات تايمەردەنوۆتىڭ باسشىلىعىمەن جول-كولىك وقيعاسىنىڭ الدىن-الۋ جانە جول ينفراقۇرىلىمىن جاقسارتۋ بويىنشا جيىن ءوتتى. بۇل تۋرالى اتالمىش دەپارتامەنتتىڭ ءباسپاسوز قىزمەتىنەن حابارلادى.

اتالعان شاراعا اقتاۋ قالاسىنىڭ اكىمى ع.نيازوۆ، قالا پروكۋرورى ب.قۇلماعامبەت، ماڭعىستاۋ وبلىسى جولاۋشىلار كولىگى جانە اۆتوموبيلدەر باسقارماسى باستىعىنىڭ ورىنباسارى س.مەيرمانوۆ، «قازاۆتوجول» اق ماڭعىستاۋ وبلىسى بويىنشا فيليالى ديرەكتورىنىڭ ورىنباسارى ك.سۋەباەۆ، اقتاۋ قالالىق جولاۋشىلار كولىگى جانە اۆتوموبيلدەر جولدارى ءبولىم باسشىسى ج.قۇباشەۆ، «دجەنگيز ينشاات» اق وكىلى، «اقجول قۇرىلىس» جشس ديرەكتورىنىڭ ورىنباسارى ب.ەلەشوۆ، «اقجول +ك» جشس ديرەكتورىنىڭ ورىنباسارى س.قۇسايىنوۆ، «ماڭعىستاۋ دور-سەرۆيس» باس ينجەنەرى ي.نۇراليەۆ، پد باستىعىنىڭ ورىنباسارلارى، باسقارما باسشىلارى، اقتاۋ قالاسى پب باسشىلىعى، جول جانە تەحنيكالىق ينسپەكتسيا ءبولىمىنىڭ جەكە قۇرامى قاتىستى.

پد اكىمشىلىك پوليتسيا باسقارماسىنىڭ باستىعى پوليتسيا پولكوۆنيگى جەڭىس داداەۆ جول-كولىك وقيعاسىنىڭ الدىن-الۋ جانە جول ينفراقۇرىلىمىن جاقسارتۋ ماقساتىندا اتقارىلاتىن ءىس-شارالار تۋرالى باياندادى. باياندامادا ول جول-تەحنيكالىق ينسپەكتسياسى قىزمەتىنىڭ نەگىزگى باعىتتارى اۆتوجولدارداعى  جول قوزعالىسىنا قاتىستى ۇيىمداستىرۋشىلىق ءىس-شارالار جۇرگىزۋ جانە ۇيىمداستىرۋ ەكەندىگىن كورسەتتى.

ماڭعىستاۋ وبلىسى ايماعىنداعى قولدانىستاعى جولداردىڭ ۇزىندىعى 4371 شاقىرىمدى قۇرايدى، سونىڭ ىشىندە رەسپۋبليكالىق ماڭىزداعى جولدار – 1049 شاقىرىم، جەرگىلىكتى، اۋداندىق ماڭىزداعى جولدار – 1797 شاقىرىم، شارۋاشىلىق جولدار – 718 شاقىرىم، كوشە جول جۇيەلەرى 807 شاقىرىمدى قۇرايدى.

اپاتتىلىق جاعدايلارىنا تالداۋ كورسەتكەندەي، جول-كولىك وقيعالارىنىڭ نەگىزگى سەبەپتەرى – بەلگىلەنگەن جىلدامدىقتان اسىرۋ، قيىلىستان ءوتۋ ەرەجەلەرىن بۇزۋ، قاراما-قارسى باعىتقا شىعىپ كەتۋ، جاياۋ جۇرگىنشىلەردىڭ جولدان ءوتۋ ەرەجەسىن بۇزۋ بولىپ تابىلادى.

2019 جىلدىڭ 12 ايىندا ماڭعىستاۋ وبلىسى اكىمشىلىك پوليتسيا باسقارماسى جانە قالا، اۋداندىق پوليتسيا ءبولىمى جول تەحنيكالىق ينسپەكتسيا قىزمەتكەرلەرىمەن، ماڭعىستاۋ وبلىسى جولاۋشىلار كولىگى جانە اۆتوموبيل جولدارى جانە «قازاۆتوجول» اق قىزمەتكەرلەرىمەن بىرلەسىپ، جول جۇيەلەرىن 13113 شاقىرىمدى قامتىپ، تەكسەرىس جۇرگىزىپ، انىقتالعان كەمشىلىكتەردى جويۋعا 1122 جازباشا نۇسقاما بەرىلدى.

جولداردى جانە تەحنيكالىق قۇرالداردى كۇتىپ ۇستاۋ ەرەجەسىن بۇزعان، ءتيىستى دارەجەدە ورىنداماعانى ءۇشىن قر اقبتك-ءنىڭ 630، 631، 632-باپتارىنىڭ 1-تارماعى  بويىنشا 146 جاۋاپتى تۇلعا اكىمشىلىك جاۋاپكەرشىلىككە تارتىلىپ، 3 ملن 152 مىڭ 500 تەڭگە ايىپپۇل سالىنىپ، ونىڭ 1 ملن 517 مىڭ 477 تەڭگەسى ءوندىرىلدى. جازباشا نۇسقامانى ورىنداماعان ءۇشىن جولاۋشىلار كولىگى جانە ابتوموبيل جولدارى بولىمشەسىنىڭ ءبىرىنشى باسشىسىنا جانە جاڭاوزەن قالالىق تۇرعىن ءۇي كوممۋنالدىق شارۋاشىلىعى بولىمشەسىنە اكىمشىلىك قۇقىق بۇزۋشى تۋرالى كودەكسىنىڭ 462-بابىنىڭ 3-تارماعى بويىنشا 2 اكىمشىلىك حاتتاما تولتىرىلىپ سوتقا جولداندى.

تەمىر جول وتكەلدەرى بويىنشا تەكسەرىس جۇمىستارى جۇرگىزىلىپ، انىقتالعان كەمشىلىكتەردى جويۋ بويىنشا جازباشا نۇسقاما بەرىلىپ، تەمىر جول وتپەسىن كۇتىپ ۇستاۋ قاعيدالارىن بۇزعان 18 جاۋاپتى تۇلعا اقبتك-ءنىڭ 630، 631، 632-باپتارىنىڭ 1-تارماعى بويىنشا اكىمشىلىك جاۋاپكەرشىلىككە تارتىلدى.

ماڭعىستاۋ وبلىسى اكىمدىگى، جولاۋشىلار كولىگى جانە اۆتوموبيل جولدارى باسقارماسى جانە «قازاۆتوجول» اق، جەرگىلىكتى اتقارۋشى ورگاندارعا جول جۇيەلەرىن ساپالى ۇستاۋ جانە بەلگىلەنگەن قۇرىلىس نورمالارى مەن ەرەجەلەرىنە ساي قالىپقا كەلتىرىپ، اۆتوكولىك قۇرالدارى قوزعالىسىنىڭ قاۋىپسىز جانە قالىپتى جاعدايلارىن قامتاماسىز ەتۋ، جول جۇيەلەرىنە وزگەرىستەر ەنگىزىپ، جول بەلگىلەرىن ورناتىپ، جول قوزعالىسى قاۋىپسىزدىگىن قامتاماسىز ەتۋ ماقساتىندا 79 اقپارات جولداندى.

ماڭعىستاۋ وبلىسى اۋماعىندا قولدانىستا بارلىعى 130 باعدارشام بار. رەسپۋبليكالىق، وبلىستىق ماڭىزداعى تاس جولدارعا اعىمداعى جىلى جول قوزعالىسى قاۋىپسىزدىگىن قامتاماسىز ەتۋ، جول-كولىك وقيعاسىن بولدىرماۋ، ەسكەرتۋ  ماقساتىندا 13 بيلبورد، جول-كولىك وقيعاسىنان زارداپ شەكەن 2 اۆتوكولىكتىڭ ماكەتى، 144 شارشى مەتر شۋلى جولاقتار، 1203 شاقىرىم جول تاڭبالارىن جاڭارتىپ سالۋ، اۆتوجولداردىڭ ءبولۋ وسىندە، ايىرىقتاردا، كوپىرلەر مەن بۇرىلۋ الاڭدارىندا 10 دانا جول بۋفەرلەرى، 238  جول بەلگىلەرى ، 6 (پانو) اقپاراتتىق جول بەلگىلەرى، 506 سيگنال باعانالارى، 640 شارشى مەتر جول قورشاۋلارى، 6 جارىق ديودتتى جاياۋ جۇرگىنشى جول بەلگىلەرى ورناتىلدى.

اقتاۋ قالاسىندا 28 رەتتەلمەگەن جاياۋ وتپەگە شۋ جولاقتارى سالىنىپ، 3 جاياۋ وتپەگە باعدارشام ورناتىلدى.

ق. تايمەردەنوۆ اتاپ وتكەندەي، قالانىڭ جاعالاۋ ايماعىنداعى جولداردا 14 شاعىن اۋداننىڭ 19 ۇيىنەن مەن 15 شاعىن اۋداننىڭ 37 ۇيگە دەيىن 5 جاساندى كەدىر-بۇدىرلىقتىڭ ورناتىلۋىنا بايلانىستى وسى ايماقتا بىردە-ءبىر جول-كولىك وقيعاسى تىركەلمەگەن.

تاۋلىكتىڭ تۇنگى مەزگىلدەرىندە جول-كولىك وقيعاسىنىڭ الدىن الۋ ماقساتىندا پوليتسيا تاراپىنان اقتاۋ قالاسىنىڭ كەيبىر ۋچاسكەلەردى جارىقتاندىرۋ قۇرالدارىمەن جابدىقتاۋ شارالارىن قابىلداۋ قاجەتتىلىگىنە بايلانىستى ۇسىنىستار بەرىلدى.

سونداي-اق جەر ءۇستى جاياۋ جۇرگىنشىلەر وتكەلدەرىن ورناتۋ قاجەتتىلىگى تۋرالى بىرلەسكەن شەشىم قابىلداندى. سونىمەن قاتار، جاياۋ جۇرگىنشىلەر وتكەلدەرىنىڭ جارىقتاندىرىلۋىن بارلىق جەردە زەرتتەۋ جوسپارلانعان. جكو ءجيى بولاتىن ۋچاسكەلەردە شۋ جولاقتارىن ورناتۋ ماسەلەسى قاراستىرىلۋدا. جول-كولىك وقيعالارىنىڭ الدىن الۋ جانە جول لوينفراقۇرىلىمىن جاقسارتۋ جونىندەگى كەڭەستى سول قۇرام توقسانىنا ءبىر رەت وبلىس اكىمى سەرىكباي ترۇموۆتىڭ توراعالىعىمەن وتەدى.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار