ايماقتار • 10 قاڭتار، 2020

بەينەۋدە براكونەرلەر قولعا ءتۇستى

56 رەتكورسەتىلدى

«براكونەر» جەدەل-الدىن الۋ ءىس-شاراسى بارىسىندا بەينەۋ اۋدانىندا پوليتسيا قىزمەتكەرلەرى ەكى ەر ادامدى ۇستادى. بۇل تۋرالى ماڭعىستاۋ وبلىسى پوليتسيا دەپارتامەنتى ءباسپاسوز قىزمەتى حابارلادى.

ولاردىڭ باسقارۋىنداعى موتوتسيكلدەن قازاقستان رەسپۋبليكاسىنىڭ قىزىل كىتابىنا جويىلىپ بارا جاتقان ءتۇر رەتىندە كىرەتىن قاراقۇيرىقتىڭ ەتى، سونداي-اق 16 كاليبرلى ەكىاۋىزدىق تەگىس ۇڭعىلى مىلتىق، 23 وق-ءدارى، پىشاق تابىلىپ، تاركىلەندى. وزدەرىمەن بىرگە موتوكولىكتى باسقارۋعا قۇجاتتار بولعان جوق. قازىر ۇستالعاندارعا قاتىستى «زاڭسىز اڭ اۋلاۋ» فاكتىسى بويىنشا قىلمىستىق ءىس قوزعالدى.

بۇل فاكت قازاقستان رەسپۋبليكاسىنىڭ قك-ءنىڭ 337-بابىنىڭ 4-بولىگى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلگەن. اڭعا وق جاۋدىرعان كۇدىكتىنىڭ بىرەۋى ۋاقىتشا قاماۋ اباقتىسىنا جابىلدى. سوت-كريميناليستيكالىق ساراپتاما تاعايىندالىپ، موتوتسيكل ايىپ تۇراعىنا قويىلدى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار