سونداي-اق بۇگىندە ورتالىق ەمحانادا ماماندار تاپشىلىعى سەزىلىپ وتىر. اتاپ ايتقاندا 23 دارىگەر جەتىسپەيدى. ال ەمحانا قۇرامىندا 7 دارىگەرلىك-امبۋلاتوريا جانە 4 باستاپقى مەديتسينالىق-سانيتارلىق كومەك كورسەتۋ ورتالىعى جۇمىس جاسايدى. بارلىق ەلدى-مەكەندى قامتىلعان, ونىڭ ىشىندە اتامەكەن, قىزىلتوبە, باتىر, باياندى, داۋلەت, باسقۇدىق جانە ماڭعىستاۋ.
بۇدان كەيىن ولجاس ابىشەۆ ماڭعىستاۋ وبلىستىق «انا مەن بالا» پەريناتالدىق ورتالىعىنا بارىپ, دارىگەرلەرىمەن جۇزدەستى جانە مەكەمەنىڭ مىندەتتى الەۋمەتتىك مەديتسينالىق ساقتاندىرۋ جۇيەسىنە دايىندىعىن تەكسەردى. ورتالىق ديرەكتورى جامال جامانباەۆا ماتەريالدىق-تەحنيكالىق جابدىقتالۋى مەن دارىگەرلەردىڭ دايىندىعى جاعىنان جان-جاقتى جۇمىس ىستەۋىنە بارلىق جاعداي جاسالعاندىعىن تىلگە تيەك ەتتى. ماڭعىستاۋ ءوڭىرى رەسپۋبليكادا تۋ كورسەتكىشى بويىنشا الدىڭعى قاتاردا. وتكەن جىلى وڭىردە 20000 جۋىق بالا دۇينەگە كەلگەن.
ولجاس ابىشەۆ «نەيرون» ەمحاناسىندا دا بولدى. مەكەمە ديرەكتورى نينا ساماليكوۆانىڭ ايتۋىنشا, بۇگىندە «نەيرون» ەمحاناسىندا تىركەلگەن حالىق سانى 19191. ونىڭ ىشىندە بالالار سانى - 6474, ەرەسەكتەر سانى - 12444. جۇكتى ايەلدەر - 253. رەسمي تىركەلگەن 19191 تۇرعىننىڭ بارلىعى ساقتاندىرىلعان. ەمحانا ەلەكتروندىق جۇيەمەن جۇمىس جاسايدى, كومپيۋتەرلىك تەحنيكا 100 پايىز ورناتىلىپ, عالامتورمەن تولىقتاي قامتىلعان. بارلىق قىزمەتكەرلەر ءمامس بويىنشا وقىتىلىپ, تەستىلەۋدەن تولىقتاي وتكەن, ورتا پايىز 98,2 قۇرايدى. ەمحانادا وتكەن جىلدىڭ قاراشا ايىندا IV كاتەگوريا بويىنشا جەدەل جاردەم ءبولىمى اشىلدى. وندا 2 اۆتوكولىك, ماماندىرىلعان 12 قىزمەتكەر جۋمىس جاسايدى.
اقتاۋ قالالىق № 1 ەمحانا مىندەتتى الەۋمەتتىك مەديتسينالىق ساقتاندىرۋ جۇيەسى بويىنشا جۇمىستاردى باستاپ كەتتى. ەمحانا ديرەكتورىنىڭ مىندەتىن اتقارۋشى ەلدەش قوسماعامبەتوۆ, نەگىزگى باسىم باعىتتار ءاربىر تۇرعىندى قامتي وتىرىپ, تولىققاندى اقپاراتتىق-ءتۇسىندىرۋ جۇمىستارىن كەڭىنەن جۇرگىزۋ بولىپ تابىلاتىندىعىن ايتىپ ءوتتى. ال ۆيتسە-مينيستر ولجاس ابىشەۆ بولسا مەديتسينالىق ساقتاندىرۋدىڭ ءاربىر اسپەكتىسى كەڭىنەن تۇسىندىرىلسە عانا, بەلگىلى ءبىر ناتيجەگە قول جەكىزۋگە بولاتىنىن ايتادى. سوندىقتان دا وسى جۇمىستاردى ءالى دە بولسا جانداندىرا ءتۇسۋ قاجەت.
اقتاۋ قالاسىنداعى 4 مەكەمە جانە مۇنايلى اۋدانىنداعى ورتالىق ەمحانا جۇمىسىمەن تانىسقان ولجاس ابىشەۆ, وبلىس اكىمىنىڭ ورىنباسارى قانىبەك جۇماشەۆتىڭ قاتسۋىمەن وتكەن مىندەتتى الەۋمەتتىك مەديتسينالىق ساقتاندىرۋدى ەنگىزۋ بويىنشا دايىندىقتى قامتاماسىز ەتۋ جونىندەگى جەدەل ءوزارا ءىس-قيمىل جونىندەگى وڭىرلىك شتابتىڭ وتىرىسىنا قاتىستى.
