تەننيس • 09 قاڭتار، 2020

تەننيس: زارينا دياس شيرەك فينالدا ۇتىلدى

26 رەتكورسەتىلدى

قازاقستاندىق تەننيسشى زارينا دياس قىتايدىڭ شەنچجەن قالاسىندا ءوتىپ جاتقان جۇلدە قورى 750 مىڭ اقش دوللارىن قۇرايتىن جارىستىڭ شيرەك فينالىنا دەيىن جەتتى. 

تۇساۋكەسەر كەزدەسۋدە قىتايلىق دۋان ين يننەن، ىلە-شالا رەسەيلىك اننا بلينكوۆادان ايلاسىن اسىرعان جەرلەسىمىز شيرەك فينالدا WTA رەيتينگىندە وزىنەن 40 ساتى جوعارعان گاربينيا مۋگۋرۋسامەن شەبەرلىك بايقاستى. 26 جاستاعى يسپانيا تەننيسشىسىنىڭ وتە قارۋلى ەكەنىن جانكۇيەرلەر جاقسى بىلەدى. وسىدان ەكى-ءۇش جىل بۇرىن عانا ول الەمنىڭ ءبىرىنشى راكەتكاسى اتانىپ، رولان گارروس پەن ۋيمبلدون دودالارىنىڭ جەڭىمپازى اتاندى. اۆستراليانىڭ اشىق بىرىنشىلىگىنىڭ شيرەك فينالىنا دەيىن جەتىپ، WTA تۋرنيرلەرىندە جەتى رەت توپ جاردى. 2 ساعات 8 مينۋتقا سوزىلعان بۇل باسەكە 6:4، 2:6، 6:4 ەسەبىمەن مۋگۋرۋسانىڭ پايداسىنا شەشىلدى.    

ەستەرىڭىزگە سالا كەتەيىك، وتكەن اپتانىڭ اياعىندا زارينا دياس گونكونگتا وتكەن تۋرنيردە توپ جارىپ، ITF ساناتىنداعى ءوزىنىڭ 10-تيتۋلىنا قول جەتكىزگەن ەدى.

 

 

 

 

 

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار