اۋەسقوي رينگتە 30 جاستاعى ايتۋلى بوكسشى ەلەۋلى تابىستارعا قول جەتكىزە العان جوق. دەسەك تە 2010 جىلى پولشادا وتكەن فەليكس شتامدى ەسكە تۇسىرۋگە ارنالعان ءداستۇرلى ءتۋرنيردىڭ فينالىندا قازاقتىڭ ماقتانىشى سەرىك ساپيەۆكە سان سوقتىرعانىن ءدۇيىم جۇرت ۇمىتا قويعان جوق.
وسى وقيعادان كەيىن اراعا ەكى جىل سالىپ ول كاسىپقويلار اراسىندا باق سىناۋعا بەل بۋدى. سول كەزدەن بەرى 21 كەزدەسۋ وتكىزىپ, بارلىعىندا جەڭىسكە جەتتى. بەس قارسىلاسىن ايقىن باسىمدىقپەن ۇتتى.
ءبىر ايتا كەتەرلىگى, يتاليا, فرانتسيا جانە اقش-تا ءبىر رەتتەن عانا بوي كورسەتكەنى بولماسا, كاميل شەرەمەتا ءوز باسەكەلەرىنىڭ دەنىن ءوز وتانىندا وتكىزدى.
شىنى كەرەك, ونىڭ جولى ازىرگە ەسىمدەرى تورتكۇل دۇنيەگە ءماشھۇر بوكسشىلارمەن قيىسقان جوق. سوندىقتان دا شەرەمەتانى ۇتۋ گولوۆكينگە ەش قيىندىق تۋعىزا قويماس دەگەن ويدامىز.
