قازاقستان • 08 قاڭتار، 2020

ارالتۇز: الەۋمەتتىك جەلىدەگى اقپارات شىندىققا جاناسپايدى

1354 رەت كورسەتىلدى

سوڭعى ۋاقىتتارى الەۋمەتتىك جەلىلەردە «ارالتۇز» اق ءونىمىنىڭ ساپاسىنا قاتىستى ءتۇرلى اقپارات جەلدەي ەسىپ جۇرگەنى راس. وسىعان وراي كومپانيا پرەزيدەنتى ايدىنبەك تاۋاساروۆ فەيسبۋكتەگى پاراقشاسىندا ماسەلەگە قاتىستى پىكىرىن ءبىلدىرىپتى. ول قىزىلوردا وبلىستىق ىشكى ساياسات باسقارماسىنىڭ فەيسبۋكتەگى پاراقشاسىندا جاريالاندى.

«ارالتۇز» تۇزى قۇرامىندا تابيعي مينەرالداردان – ەپسوميتتەردەن جانە استراحانيتتەردەن تۇراتىن تابيعي ەرىمەيتىن تۇنبا بار، ولار اعزا ءۇشىن ابسوليۋت بەيتاراپ بولىپ تابىلادى. وڭدەۋگە كەلىپ تۇسەتىن شيكىزات – ەكولوگيالىق تازا. «ارالتۇز» اق بارلىق ونىمدەرىن ەاەق اۋماعىندا اككرەديتتەلگەن تاۋەلسىز زەرتحانالار تەكسەرەدى، وسى زەرتحانا تيىسىنشە سايكەستىك دەكلاراتسياسىن بەرگەن. ءبىز «ارالتۇز» اق اس تۇزىنىڭ ەكولوگيالىق تازا بولىپ تابىلاتىنىن جانە الەمدىك ستاندارتتارعا سايكەس كەلەتىنىن سەنىمدىلىكپەن مالىمدەي الامىز» - دەدى ا. تاۋاساروۆ.

1925 جىلدان باستاپ اس تۇزىن ءوندىرىپ كەلە جاتقان كومپانيا ءونىمى قازاقستانمەن قاتار تمد ەلدەرىندە سۇرانىسقا يە. قازىر كاسىپورىندا 1200-دەن استام جەرگىلىكتى تۇرعىن ەڭبەك ەتەدى.

ايدىنبەك تاۋاساروۆ «ارالتۇزدىڭ» مەنشىك يەلەرى كومپانيا قۇرىلعاننان بەرى قازاقستاندىق كاسىپكەرلەر بولىپ كەلە جاتقاندىعىن اتاپ وتكەن. قازىرگى تاڭدا دا كاسىپورىننىڭ 100 پايىز اكتسياسى قازاقستاندىق كاسىپكەرلەرگە تيەسىلى. كاسىپورىن ەشقانداي قىتايلىق تاراپقا ساتىلماعان جانە ۇلەسىنە قىتايلىقتار قوسىلماعان.

وسىعان سايكەس، «ارالتۇز» اق سوڭعى ۋاقىتتا الەۋمەتتىك جەلىلەردە تاراتىلىپ جاتقان اقپاراتتىڭ شىندىققا سايكەس كەلمەيتىنىن رەسمي مالىمدەيدى.    

«ارالتۇز» اق ونىمدەرى قر ست مەمست ر 51574- 2003 «قايناتىلعان اس تۇزى. تەحنيكالىق شارتتار» ستاندارتىنا قاتاڭ سايكەستىكتە شىعارىلادى. كومپانيا ISO 9001، ISO 22000، HACCP جانە حالال سەرتيفيكاتتارىنا يە.

ونىمدەردى اۋىسىم-اۋىسىممەن شىعارۋ كەزىندە، جوعارىدا كورسەتىلگەن ستاندارتتىڭ 5.9 ت. سايكەس كەم دەگەندە 6 ساعاتتا ءبىر رەت سەرتيفيكاتتالعان زەرتحانادا تۇزدىڭ ساپاسى تەكسەرىلەدى. كومپانيا تۇزدىڭ ورگانيكالىق جانە فيزيكالىق-حيميالىق كورسەتكىشتەرى سىناقتارىنىڭ ناتيجەلەرىن تۇراقتى تۇردە تىركەپ وتىرادى. سونىمەن قاتار، «ارالتۇز» اق بارلىق ونىمدەرىن ەاەق اۋماعىندا اككرەديتتەلگەن تاۋەلسىز زەرتحانالار تەكسەرەدى، وسى زەرتحانا سايكەستىك دەكلاراتسياسىن بەرگەن.

«ارالتۇز» اق وندىرەتىن اس تۇزى ەكولوگيالىق جاعىنان تازا جانە الەمدىك ستاندارتتارعا سايكەس ءونىم بولىپ تابىلادى.

 

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار