22 قاڭتارعا دەيىن سوزىلاتىن ايتۋلى جارىستا 70 مەملەكەتتەن كەلگەن 1880 ۇمىتكەر ونەر كورسەتەدى. ولار الپينيزم, بياتلون, بوبسلەي, كەرلينگ, كونكي, مانەرلەپ سىرعاناۋ, سكەلەتون, سنوۋبورد, تاۋ شاڭعىسى, فريستايل, شايبالى حوككەي, شانامەن سىرعاناۋ, شاڭعى, شاڭعى قوسسايىسى, شاڭعىمەن تۇعىردان سەكىرۋ جانە شورت-ترەك سەكىلدى سپورت تۇرلەرى بويىنشا سايىسقا تۇسەدى. باق سىناۋشىلار قاتارىندا قازاقستاننىڭ 26 جاس ورەنى بار.
وتكەنگە زەر سالساق, جاسوسپىرىمدەردىڭ قىسقى وليمپياسىنىڭ الاۋى تۇڭعىش رەت 2012 جىلى اۆستريانىڭ ينسبرۋك قالاسىندا تۇتانعان ەدى. سول جارىستىڭ جالپى كوماندالىق ەسەبىندە گەرمانيا قۇراماسى الدىنا جان سالمادى. نەمىستەر 8 التىن, 7 كۇمىس جانە 2 قولا مەدالدى جەڭىپ الدى.
كەلەسى دودا 2016 جىلى نورۆەگيانىڭ ليللەحاممەرىندە ۇيىمداستىرىلدى. سكانديناۆيا تۇبەگىندە اقش-تىڭ اسىعا الشىسىنان ءتۇستى. امەريكالىقتار 10 التىن جانە 6 كۇمىس جۇلدەنى ولجالادى.
