قانات دانيار ۇلى بايانداماسىندا جالپى جىل قورىتىندىسى بويىنشا وڭىردە بولعان جاعدايلاردىڭ ستاتيستيكاسىمەن تانىستىردى.
اقپاراتقا ءسۇيەنسەك, جىل قورىتىندىسى بويىنشا وڭىردە تىركەلگەن قىلمىستاردىڭ سانى 4,4%-عا, ونىڭ ىشىندە كىسى ءولتىرۋ (3,7%-عا), زورلاۋ (3,8%-عا), توناۋ (32,8%-عا), بۇزاقىلىق (33,2%-عا) جانە بوتەننىڭ م ۇلىكىن ۇرلاۋ (13,2%-عا) قىلمىستارى تومەندەگەن.
سونداي-اق, كوشە قىلمىستارى (26,6%-عا), قوعامدىق ورىندارداعى قىلمىستار (19,7%-عا), كامەلەتكە تولماعاندارمەن جاسالعان قىلمىستار (1,4%-عا) جانە قارۋ قولدانىپ جاسالعان قىلمىستار (41,2%-عا) تومەندەگەن.
جىل ىشىندە بارلىعى 3 مىڭنان استام قىلمىس اشىلدى, ونىڭ ىشىندە 565 اۋىر جانە 31 اسا اۋىر قىلمىس.
3 ۇيىمداسقان قىلمىستىق توپ قىزمەتىنىڭ جولىن كەستى, قىلمىستىق جاۋاپكەرشىلىككە ۇقت-نىڭ 10 قاتىسۋشىسى تارتىلدى. 42 بۋكمەكەر كەڭسەسىنىڭ قىزمەتى توقتاتىلدى.
ەل پرەزيدەنتى قاسىم-جومارت كەمەل ۇلى توقاەۆتىڭ وتكەن جىلدىڭ ءساۋىر ايىندا وتكەن ءىىم القا ماجىلىسىندە «... ازاماتتاردىڭ ءال-اۋقاتى, ولاردىڭ قالالار مەن اۋىلدارداعى تىنىش ءومىرى, بالالارىمىزدىڭ قاۋىپسىزدىگى, ءار ءۇيدىڭ قورعالۋى پوليتسەيلەرگە بايلانىستى» دەگەن ەدى.
ق.تايمەردەنوۆ اتاپ وتكەندەي, پوليتسياعا تۇسكەن ءاربىر ءوتىنىش مىندەتتى تۇردە قارالادى, نازاردان تىس قالمايدى.
سىرتقى قىزمەتتەرگە كەلەتىن بولساق, ءبىر جىل ىشىندە ولار 134 مىڭنان استام قۇقىق بۇزۋشىلىقتى انىقتادى, ولار بويىنشا 700 ملن.تەڭگەدەن استام ايىپپۇل سالىندى, ونىڭ 578 ملن. تەڭگەسى مەملەكەت كىرىسىنە ءوندىرىپ الىندى, ءوندىرىپ الۋ پايىزى 74,7 قۇرادى.
جىل قورىتىندىسى بويىنشا وڭىردەگى اپاتتىلىق جاعدايى جكو سانىنىڭ 2,5%-عا, سونداي-اق جكو-دا جارالانعان ازاماتتار سانىنىڭ 10,8%-عا ءوسۋى كەزىندە قايتىس بولعاندار سانىنىڭ 4,0% -عا تومەندەۋىمەن سيپاتتالادى.
كوشى-قون قىزمەتى ارقىلى ءبىزدىڭ وڭىردە شەتەلدىكتەردى تىركەۋ 40% - عا 176 مىڭنان 105 مىڭ ادامعا دەيىن تومەندەگەنى بايقالادى.
تيىسىنشە اكىمشىلىك جاۋاپكەرشىلىككە تارتىلعاندار سانى – 8 مىڭنان 5 مىڭعا دەيىن جانە ەلدەن شىعارىلعاندار سانى – مىڭنان 800 ادامعا دەيىن تومەندەدى.
جىل ىشىندە 68 مىڭ شەتەل ازاماتتارى زاڭداستىرىلدى (2018ج. – 70021), وبلىس بيۋدجەتىنە 828 ملن.تەڭگە ءتۇستى.
وتكەن جىلى وبلىستا كوپتەگەن ءىس-شارالار ءوتتى,ەڭ ماڭىزدىسى-مەملەكەت قايراتكەرى ءابىش كەكىلباەۆتىڭ 80 جىلدىعىن مەرەكەلەۋ.
قازان ايىندا دەپارتامەنتكە ىشكى ىستەر ءمينيسترى كەلىپ, جەكە قۇراممەن كەزدەسۋ وتكىزىپ, بولىمشەلەردىڭ قىزمەتىمەن تانىستى.
قىركۇيەك ايىندا اقتاۋ قالاسىندا ءىىم-ءنىڭ «پاراساتتى پوليتسەي-2019» رەسپۋبليكالىق بايقاۋى وتكىزىلدى.
سونىمەن قاتار, ءبىر جىل ىشىندە وبلىس اۋماعىندا 100-دەن استام مادەني-كوپشىلىك, سپورتتىق جانە باسقا دا قوعامدىق-ساياسي ءىس-شارالار وتكىزىلدى, سوعان قوعامدىق ءتارتىپتى ساقتاۋدى قامتاماسىز ەتۋ ءۇشىن پوليتسيا دەپارتامەنتىنىڭ جەكە قۇرامى جۇمىلدىرىلدى.
ق.تايمەردەنوۆ جىل بويى ءار ءتۇرلى كۇردەلىلىكتەگى ءۇش جۇزدەن استام تاپسىرما بەرىپ, ولاردىڭ بارلىعى دەرلىك ورىندالدى, ولاردىڭ نەگىزگىلەرىن عانا ايتاتىن بولساق:
- اقتاۋ قالاسىنىڭ 3 شاعىن اۋدانىندا پوليتسيا قىزمەتكەرلەرى ءۇشىن تۇرعىن ءۇي قۇرىلىسى باستالدى;
- بولاشاقتا اقتاۋ قالاسىنىڭ 20 شاعىن اۋدانىندا وسىنداي تاعى ەكى ءۇي, ەكىنشىسى جاڭاوزەن قالاسىنىڭ «شاڭىراق» شاعىن اۋدانىندا سالۋ جوسپارلانۋدا;
- بارلىق قالالىق جانە اۋداندىق بولىمشەلەردە 6 فرونت-كەڭسە اشىلدى;
- اقتاۋ قالاسىندا 600 بەينەباقىلاۋ كامەراسىنورناتۋ باستالدى. جاڭاوزەن قالاسىندا قوسىمشا180 كامەرا ورناتىلدى;
- وتكەن جىلى 300-دەن استام بەينەباقىلاۋكامەرالارى ورناتىلعان پاتەر يەلەرىمەن ءتۇسىندىرۋجۇمىستارى جالعاستىرىلدى;
- بارلىق پاترۋلدىك اۆتوكولىكتەر ادامداردىقۇتقارۋ ءۇشىن ارنايى قۇرالدارمەن تولىقجابدىقتالعان;
- ءمينيستردىڭ نۇسقاۋىنا سايكەس بۇگىنگى كۇنىبەينەتىركەگىشسىز قىزمەتكە بىردە-ءبىر پوليتسەيكىرىسپەيدى.
قىزمەتكەرلەردىڭ بەينەتىركەگىشتەردى اجىراتۋ فاكتىلەرىن بولدىرماۋ, سونداي-اق, «ونلاين» رەجيمىندە جەدەل باسقارۋ ورتالىعىنان تىركەۋىشتەردەن بەينەتىركەگىشتەردى قاشىقتىقتان قاراۋ, سونداي-اق «wi-fi» پورتالدارى ارقىلى بەينەتىركەگىشتەردى جاناسپاي جۇكتەۋ فاكتىلەرىن بولدىرماۋ ماقساتىندا وسى جىلى «Hytera»/ «حيتەرا» ماركالى جاڭا بەينەتىركەگىشتەردىڭ سانى 100 بىرلىك قۇرايتىن ءبىرىنشى پارتياسى ساتىپ الىنادى.
قازاقستان پرەزيدەنتى قاسىم-جومارت توقاەۆ 2020 جىلدى ەرىكتىلەر جىلى دەپ جاريالادى.وسىنى ەسكەرە وتىرىپ, سونداي-اق, ءمينيستردىڭ تاپسىرمالارىن ورىنداۋ ءۇشىن پوليتسيا باسشىسى ءبىزدىڭ وڭىردە ۆولونتەرلەردى قولداۋدى ۇيىمداستىرۋ قاجەتتىلىگىن ايتىپ ءوتتى. ەرىكتىلەرمەن ءوزارا ءىس-قيمىل, قوعامدىق ءتارتىپتى ساقتاۋدى قامتاماسىز ەتۋدە ەرىكتىلەر كۇشتەرىن پايدالانۋ ماسەلەلەرىن ويلاستىرۋدى تاپسىردى.
