تاياۋدا ول وڭتۇستىك كورەيادا ۇيىمداستىرىلعان «Miss World University-2019» اتتى سۇلۋلىق سايىسىندا ەلىمىزدىڭ ەڭ كورىكتى قىزدارىنىڭ نامىسىن قورعاپ, «Miss National» اتالىمى بويىنشا جەڭىسكە جەتتى.
سۇلۋلاردىڭ اتالعان سايىسىنا الەمنىڭ 50 ەلىنەن ۇمىتكەرلەر قاتىسىپ, ولار بىرنەشە كەزەڭنەن تۇراتىن كونكۋرستا ءوزارا جارىسقا تۇسكەن ەكەن. جالپى, «Miss World University-2019» بايقاۋىنا جولداما الۋ ءۇشىن سۇلۋلار اۋەلى وزدەرىنىڭ فوتوسۋرەتتەرى مەن بەينەروليكتەرىن وڭتۇستىك كورەياعا جىبەرىپ, تالابى قاتاڭ كاستينگ بويىنشا ىرىكتەلىپ الىنعان كورىنەدى.
ال جەرلەسىمىز ايسۇلۋ ەربولوۆاعا كەلسەك, ول ءوزىنىڭ بەينەروليگىن كەنشىلەر استاناسىندا ءتۇسىردى. وندا جاس ارۋ ءوزىنىڭ ومىردە نەمەن اينالىساتىنىن قىسقا دا نۇسقا ەتىپ ايتىپ بەرىپتى. مىسالى, ول بەينەروليكتە جاسىنان بيمەن ءسۇيىپ شۇعىلداناتىنىن, سونىمەن قاتار بوس ۋاقىتىندا قولىنا فوتواپپارات الىپ, سۋرەتكە تۇسىرگەندى جاقسى كورەتىنىن تازا اعىلشىن تىلىندە اسەرلى جەتكىزە بىلگەن.
بايقاۋ بارىسىندا ايسۇلۋ اۋەلى ۇزدىك ون قىزدىڭ, ودان كەيىن توپ-5 فيناليستەر قاتارىنان ويىپ ورىن الىپ, ءوزىنىڭ تابيعي سۇلۋلىعىمەن جانە جان-جاقتى ونەرىمەن قازىلار القاسىنىڭ كوڭىلىنەن شىعىپتى. كونكۋرستىڭ شەشۋشى كەزەڭىندە ساحنا تورىنە قازاقتىڭ ۇلتتىق كيىمىمەن كوتەرىلگەن سۇلۋ قىز كورەرمەن قاۋىمدى سىمباتتى مۇسىنىمەن, اسەم جۇرىسىمەن ءتانتى ەتكەن. ءسويتىپ ول بايقاۋدىڭ «Miss National» اتالىمى بويىنشا ۇزدىك شىعىپ, ارنايى سىيلىق پەن اقشالاي سەرتيفيكاتپەن ماراپاتتالعان. بۇعان قوسا, ايسۇلۋ الداعى ۋاقىتتا وڭتۇستىك كورەيادا تەگىن ءبىلىم الاتىن بولىپتى.
ال ازىرگە ايى وڭىنان تۋعان ارۋ قىز ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ەكونوميكا فاكۋلتەتىندە وقىپ ءجۇر.
قاراعاندى
