كەزدەسۋ بارىسىندا ت. حيتۋوۆ پرەزيدەنت ق.توقاەۆتىڭ جولداۋى بويىنشا جانە ءماسليحاتتا ۇسىنىلعان زاڭنامالار جونىندە باياندادى.⠀
ونىڭ ايتۋىنشا, 2020-2022 جىلدارعا ارنالعان بيۋدجەت كۇشىنە ەندى. «نۇرلى جەر» باعدارلاماسى جالعاسىن تاۋىپ, «اۋىلىم - التىن بەسىگىم» اتتى باعدارلاما بويىنشا اۋىلداردىڭ جاعدايىن جاقسارتۋعا بيۋدجەتتەن 90 ملرد تەڭگە بولىنگەن.⠀
دەپۋتاتتار ءسوز سوڭىندا جينالعان قاۋىمنان ءوڭىردىڭ قانداي ماسەلەلەرى بار ەكەندىگىن سۇرادى. ءوز كەزەگىندە جينالعاندار تاراپىنان بىرنەشە ۇسىنىستار ءتۇستى. بىرىنشىدەن, تاريف ماسەلەسى بويىنشا ەنەرگيامەن قامتاماسىز ەتۋشى ماەك-تەن ەنەرگيامەن جابدىقتايتىن اۋەس, «كاسپي جىلۋ سۋ ارناسى» مەكەمەسىن قالدىرىپ, «AllianceEnergoSnab» مەكەمەسىن الىپ تاستاۋدى ۇسىندى. سوندا ءتاريفتى وسىرمەي تۇراقتاندىرۋعا بولادى دەلىندى.
ەكىنشىدەن, مۇنايدان تۇسەتىن قارجىنى تۋريزم سالاسىن دامىتۋعا جۇمساۋ, اتىراۋعا قاتىنايتىن پويىزدىڭ ءجۇرۋ ۋاقىتىن قىسقارتۋ ماسەلەسى ايتىلدى.⠀
سونداي-اق كەزدەسۋگە كەلگەن مۇعالىمدەر, بالاباقشا تاربيەشىلەرى زەينەتاقى جاسىن 63 جاسقا دەيىن ۇزارتپاۋدى جانە زەينەت جاسىنداعى جۇمىسكەرلەردى زاڭ جۇزىندە رەتتەپ, جۇمىس ورىندارىن ۋاقتىلى بوساتۋدى سۇرادى.⠀
ۇسىنىستاردىڭ ىشىندە كوپقاباتتى تۇرعىن ءۇيدىڭ پاتەر يەلەرىنەن جەر سالىعىن الماۋدى جانە كووپەراتيۆ جۇمىسى ءتيىمسىز بولعاندىقتان, تاراتۋدى سۇرادى.
⠀
بۇل ۇسىنىستار بويىنشا ماجىلىسمەندەر جەكە-جەكە قاراستىرىپ, ۇكىمەتكە جەتكىزۋگە ۋادە بەردى.
