كوميسسيا شەشىمىمەن ماگيستراتۋرا مەن دوكتورانتۋرادا ءبىلىم الۋ ءۇشىن 234 ۇمىتكەرگە ستيپەنديا تاعايىندالىپ, ولار الەمنىڭ جەتەكشى عىلىمي جانە وندىرىستىك ۇيىمدارىنا تاعىلىمداماعا جىبەرىلەتىنى ايتىلعان.
وتىرىس قورىتىندىسى بويىنشا كوميسسيا «بولاشاق» حالىقارالىق ستيپەندياسىنىڭ تيىمدىلىگى مەن اشىقتىعىن ارتتىرۋ ءۇشىن بىرقاتار ناقتى تاپسىرما بەرىلگەن. اسىرەسە, ەكونوميكا سالاسىن دامىتۋدىڭ پەرسپەكتيۆالارى نەگىزىندە ەڭبەك رەسۋرسى بالانسىنداعى وزگەرىستەردى ەسكەرۋ جايى ايتىلدى.
اتاپ ايتقاندا, بيىلدان باستاپ «بولاشاق» حالىقارالىق ستيپەندياسىن ىسكە اسىرۋدىڭ جاڭا تاسىلدەرى ەنگىزىلەتىن بولادى. بۇل كونكۋرستىق ىرىكتەۋدى جۇرگىزۋ تەتىكتەرىن جەتىلدىرۋدى جانە اۆتوماتتاندىرۋدى, ونىڭ كەزەڭدەرىن قىسقارتۋدى, شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ جۇمىسىن وڭتايلاندىرۋدى, جۇمىس ورگانىنىڭ جاۋاپكەرشىلىگىن ارتتىرۋدى كوزدەيدى. سونىمەن قاتار ستيپەندياتتاردى وقىتۋعا بايلانىستى بارلىق اكادەميالىق ۇدەرىستەر قوسىمشا رەتتەلەدى.
