ونىڭ ىشىندە اقتاۋ قالاسى بويىنشا - 316, ال اۋداندار بويىنشا - 511. اۋرۋحانالارعا بارلىعى 76 ادام جەتكىزىلگەن. اتاپ ايتقاندا, ماڭعىستاۋ وبلىستىق «انا مەن بالا» ورتالىعىنا 12, اقتاۋ قالالىق پەريناتالدىق ورتالىعىنا 6, وبلىستىق پسيحيكالىق دەنساۋلىق ورتالىعى 1, ينفەكتسيالىق بولىمشەگە 4, وبلىستىق كوپبەيىندى بالالار اۋرۋحاناسىنا 25 جانە ت.ب.
ەكى جاعدايدا ادام ءولىمى تىركەلگەن.
ءبىرىنشىسى - 1942 جىلى تۋعان كىسى, ءوزى اۋىرىپ ۇيىندە توسەكتە كوز جۇمعان. ەكىنشى جاعداي - تەڭىز پورتى اۋماعىندا ەر ادام سۋيتسيد جاساعان, ياعني دارعا اسىلىپ قالعان. ونىڭ سەبەبىن قازىرگى تاڭدا پوليتسيا انىقتاۋ ءۇستىندە.
4 جول-كولىك وقيعاسى ورىن العان. جەڭىل تۇردە جاراقات العان جولاۋشىعا العاشقى مەديتسينالىق كومەك كورسەتىلىپ, ۇيلەرىنە قايتارىلدى.
سونىمەن قاتار, «103» قىزمەتىنە تەلەفون شاقىرتۋ جاساپ, سوڭىنان باس باس تارتقان 13 جاعداي بولدى جانە 5 جاعدايدا قايتا شاقىرتۋ بەرىلگەن. جۇكتىلىكپەن بايلانىستى 27 شاقىرتۋ بولدى, ونىڭ 24 بويىنشا اياعى اۋىر ايەلدەر پەريناتالدىق ورتالىقتارعا جەتكىزىلدى. ال 13 ايەل ورتالىققا جاتقىزىلدى.
«جەدەل جاردەم» قىزمەتى ماڭعىستاۋ وبلىستىق اۋرۋحاناعا 20 ادام جەتكىزگەن.
اتاپ ايتقاندا, 1 ادام ميوكارد ينفارتىمەن كارديورەانيماتسياعا جەتكىزىلدى. نەۆرولوگيا بولىمشەسىنە 1 پاتسيەنت, تاعى 1 ازامات پۋلمونولوگياعا جاتقىزىلعان. سونداي-اق, تراۆموتولوگياعا ءتۇرلى جاراقاتپەن تۇسكەندەر دە بولدى, ونىڭ ىشىندە جول-كولىك وقيعاسىنا تۇسكەن 2 ادام بار.
اقتاۋ قالاسى بويىنشا سپريتتىك ىشىمدىك ىشكەننەن كەيىن وزدەرىن جايسىز سەزىنۋ بويىنشا جەدەل جاردەم ستانتسياسىنا 8 رەت تەلەفون شالعاندار بولدى. ونىڭ ىشىندە سۋرروگاتتىق الكوگولمەن ۋلانعان 2 تۇرعىن ماڭعىستاۋ وبلىستىق اۋرۋحاناسىنا جەتكىزىلدى.
سونىمەن بىرگە 1978 جىلى تۋعان تاعى ءبىر قالا تۇرعىنى 2019 جىلى جەلتوقساننىڭ 31 كۇنى تۇنگى ساعات 23:00 شاماسىندا پيروتەحنيكالىق بۇيىمدى پايدالانۋ كەزىندە قاۋىپسىزدىك ەرەجەسىن ساقتاماي, قولىنان جاراقات العان. اۋرۋحانادا جاتىپ ەم الۋ قاجەتتىگى جوق بولعاندىقتان, العاشقى مەديتسينالىق كومەك كورسەتىلىپ, ۇيىنە جىبەرىلگەن.
ماڭعىستاۋ وبلىسى
