اۋماقتىق دەپارتامەنت باسشىسى, ادەپ جونىندەگى كەڭەسىنىڭ توراعاسى نۇرگۇل جاننازاروۆا ءوزىنىڭ قۇتتىقتاۋ سوزىندە مەملەكەتتىك قىزمەتشىلەر تاراپىنان اعا بۋىن قاريالارعا دەگەن ىستىق ءىلتيپاتىن ءبىلدىرۋدى وزدەرىنىڭ قاسيەتتى پارىزى سانايتىندىعىن جانە وسىنداي كەزدەسۋ ءىس-شارالارى ارقىلى جاس ۇرپاقتىڭ بويىندا ادامگەرشىلىك قاسيەتتەرىن دارىتۋدى مىندەت دەپ ەسەپتەيتىندىگىن جەتكىزىپ, ۇجىم اتىنان ۇستەل ويىندارى مەن ءتۇرلى كىتاپتار, جەمىس-جيدەكتەردى تارتۋ ەتتى.
كوڭىلدى كەشتى جۇرگىزگەن وڭىرىمىزگە بەلگىلى اسابا ءارى شوۋ-مەن رۋستەم تاڭاتاروۆ پەن وتباسىلىق «ارنا» ءانسامبلى جانە «پاديشاح» بي توبى ءوز ونەرلەرىمەن كورەرمەندەردى ءتانتى ەتتى. بالاشا قۋانعان قاريالار ويىن ويناپ, كەڭەستىك ءداۋىر فيلمدەرىنەن پوپۋرري, اۋەزدى ءان مەن ىرعاقتى ءبيدى تاماشالاپ,ۇيىمداستىرۋشىلارعا العىستارىن ءبىلدىرىپ, يگى تىلەكتەرىن جەتكىزدى.
ايتا كەتەيىك, وبلىستىق قارتتار ۇيىنە دەپارتامەنت ۇجىمى 2017 جىلدىڭ 1 قازانىنان باستاپ, مەرەكەلىك اتاۋلى كۇندەردە قۇتتىقتاپ, ءتۇرلى كونتسەرتتەر مەن تەاترلىق كورىنىستەرگە شاقىرىپ تۇرادى.
ماڭعىستاۋ وبلىسى
