باق وكىلدەرىنىڭ قاتىسۋىمەن وتكەن بريفينگتە سىبايلاس جەمقورلىققا قارسى ءىس-قيمىل اگەنتتىگى وبلىس بويىنشا دەپارتامەنتىنىڭ باسقارما باسشىسى عاليا الىمقۇلوۆا, «مەكتەپتە دەيىنگى ۇيىمداردىڭ قازاقستاندىق اسسوتسياتسياسى» وبلىستىق فيليالىنىڭ ديرەكتورى, مونيتورينگتىك توپ جەتەكشىسى ناتاليا ميشۋكوۆا جانە قازاقستان حالىقتىق كوممۋنيستىك پارتياسى وبلىستىق فيليالىنىڭ جەتەكشىسى, توپ مۇشەسى تالعات تەلەۋباەۆ جىل بويى اتقارىلعان جۇمىستى سارالادى.
وسى جىلى مونيتورينگتىك توپ مۇشەلەرى بەكىتىلگەن جۇمىس جوسپارىنا سايكەس 8 وتىرىس وتكىزىپ, ناتيجەسىندە ءتيىستى ورىندارعا 18 ۇسىنىس بەرگەن. توپ مۇشەلەرى جالپىعا مىندەتتى وقۋ قورىنىڭ قىزمەتىنە مونيتورينگ جۇرگىزىپ, ءبىلىم باسقارماسىنا قوردان قاراجات ءبولۋدىڭ بىرىڭعاي ستاندارتتارىن جاساۋ, جالپى ءبىلىم بەرەتىن مەكتەپتەردىڭ قىزمەتى تۋرالى اقپاراتتى قامتيتىن بىرىڭعاي ينتەرنەت-رەسۋرس ازىرلەۋ, وندا اقپاراتتاردىڭ تولىق ورنالاستىرىپ وتىرۋىن قامتاماسىز ەتۋ, بىرەگەي ەسەپ بەرۋ ۇلگىسىن ازىرلەپ, قولجەتىمدى نىساندا ينتەرنەت رەسۋرسقا ورنالاستىرۋ تۋرالى ۇسىنىس جولداعان بولاتىن. وسىعان وراي ءبىلىم باسقارماسى تاراپىنان قارجى ءبولىنىپ, بىرىڭعاي ينتەرنەت-رەسۋرس بيىلعى قازان ايىندا جۇمىسىن باستادى.
توپ مۇشەلەرىنىڭ قاتىسىمەن رەسپۋبليكالىق جانە جەرگىلىكتى ماڭىزى بار جولداردىڭ جاعدايى, جۇرگىزىلگەن جوندەۋ جۇمىستارىنىڭ ساپاسى باقىلاۋعا الىندى. سونىمەن قاتار, مەملەكەتتىك الەۋمەتتىك تاپسىرىستاردى قالىپتاستىرۋ, اتاۋلى الەۋمەتتىك كومەك كورسەتۋ باعىتىندا مونيتورينگتەر جۇرگىزىلىپ, انىقتالعان كەمشىلىكتەر بويىنشا ءتيىستى سالا باسشىلارىنا ۇسىنىستار جولداندى, ونىڭ ورىندالۋى باقىلاۋعا الىندى, دەدى ن. ميشۋكوۆا.
ارنايى مونيتورينگتىك توپ مۇشەلەرى مەن «اقمەشىت ادالدىق الاڭى» جوبالىق كەڭسە قىزمەتكەرلەرى بىرلەسىپ, وسى جىلدىڭ 10-14 تامىز ارالىعىندا قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە وتكەن ماگيستراتۋرا ءبىلىم بەرۋ باعدارلامالارى بويىنشا كەشەندى تەستىلەۋگە قاتىسىپ, مەملەكەتتىك گرانتتاردى ءبولۋ بارىسىندا سىبايلاس جەمقورلىق تاۋەكەلدەرىنىڭ الدىن الۋ شارالارىن جۇرگىزدى.
التى ءجۇز ءبىر ۇمىتكەردىڭ 588-ءى قاتىسقان تەستىلەۋ بارىسىندا 437 ۇيالى تەلەفون الىنىپ, 38 ۇمىتكەردىڭ تىيىم سالىنعان زاتتاردى (ۇيالى تەلەفون, شپارگالكا) قولدانعانى انىقتالىپ, اۋديتوريادان شىعارىلدى.
«ادال جول» جوباسى اياسىندا جۇرگىزىلگەن ءىس-شارالار بارىسىندا پوەزعا بيلەتسىز مىنگەن 41 جولاۋشى انىقتالىپ, كولىكتىك باقىلاۋ ينسپەكتسياسى ماماندارى جولسەرىكتەرگە قاتىستى اكىمشىلىك قۇقىق بۇزۋشىلىق تۋرالى 30 حاتتاما تولتىردى.
«ساپالى جول – ادالدىق الاڭى» جوباسى اياسىندا دەپارتامەنت قىزمەتكەرلەرىمەن بىرلەسە وتىرىپ, اۆتوموبيل جولدارىنىڭ پروبلەمالىق ۋچاسكەلەرىنە شىقتى جانە انىقتالعان كەمشىلىكتەر بويىنشا ارنايى مونيتورينگتىڭ توپتىڭ كەزەكتى وتىرىسىندا سالا باسشىلارىنا ۇسىنىستار بەرىلدى. سوعان سايكەس, قازىر 4 ۋچاسكەنى قايتا جوندەۋ جۇمىستارى جۇرگىزىلۋدە.
