ءبىرىنشى ۆيتسە-مينيستر تۇركىستان وبلىسىندا ءتۇسىندىرۋ جۇمىستارى قارساڭىندا سايرام اۋدانىنىڭ حالىقتى جۇمىسپەن قامتۋ ورتالىعىنا بارۋدان باستادى. ەرجان جىلقىباەۆ حالىقتى جۇمىسپەن قامتۋ ورتالىعى قىزمەتكەرلەرىنە ااك-ءتى جاڭا فورماتتا تاعايىنداۋ ماسەلەلەرىن ازاماتتارمەن الدىن-الا پىسىقتاۋدى ۇسىندى.
«سىزدەر بىلەسىزدەر, 2020 جىلعى 1 قاڭتاردان باستاپ اتاۋلى الەۋمەتتىك كومەك توقسان سايىن تاعايىندالاتىن بولادى. ەندى سىزدەردىڭ ەكى نەگىزگى مىندەتتەرىڭىز بار: جەلتوقسان ايىنا تولەمدەردى كەلەسى جىلعا اۋىستىرماي جىل سوڭىنا دەيىن تولەۋ جانە ازاماتتارعا قاڭتار ايىندا ااك تاعايىنداۋ ءۇشىن قۇجاتتار تاپسىرۋعا بولاتىندىعىن جانە اقپاندا الەۋمەتتىك كومەك الاتىندىعىن ءتۇسىندىرۋ. ولار جاڭا جىلدىق مەرەكەلەردەن كەيىن الاڭداپ, جۇمىسپەن قامتۋ ورتالىقتارىندا كەزەك قۇرۋدىڭ قاجەتى جوق», دەدى ول.
سونىمەن قاتار سايرام اۋدانىندا ەرجان جىلقىباەۆ ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىن ىسكە اسىرۋ اياسىندا ااك, گرانتتار مەن ميكروكرەديتتەر العاننان كەيىن ءوز ءىسىن تابىستى اشقان اۋىل تۇرعىندارىمەن كەزدەستى.
«وسى ادامداردىڭ بىرەۋى شاعىن بيزنەستى ۇيدە اشتى, بىرەۋ مەكتەپكە دەيىنگى ءبىلىم بەرۋ كۋرستارىن ۇيىمداستىردى. بۇل مەملەكەتتىڭ قولداۋىن پايدالانا وتىرىپ, وتباسىنىڭ ماتەريالدىق جاعدايىن جاقسارتۋعا عانا ەمەس, سونىمەن قاتار جاقسى تابىس تابۋعا دا مۇمكىندىك بەرەتىن مىسالدار. مەن جۇمىسسىز ادامداردى كاسىپكەرلىكتى دامىتۋ ءۇشىن جاقسى تەتىكتەر كوزدەلگەن «ەڭبەك» مەملەكەتتىك باعدارلاماسىنا بەلسەندى قاتىسۋعا شاقىرعىم كەلەدى. سونىمەن قاتار كوپبالالى انالاردى كىشى جانە شاعىن بيزنەسكە تارتۋ ءۇشىن كەلەسى جىلدان باستاپ كرەديت بەرۋ مەرزىمى ارتىپ, كرەديت بويىنشا پايىزدىق مولشەرلەمە ازايادى», دەدى ەرجان جىلقىباەۆ ءىسىن جاڭا باستاعان كاسىپكەرلەرمەن كەزدەسۋ سوڭىندا.
بۇگىن ءبىرىنشى ۆيتسە-مينيستر شىمكەنت قالاسىنىڭ تۇرعىندارىمەن كەزدەسۋ وتكىزىپ, 2020 جىلعى 1 قاڭتاردان باستاپ ەنگىزىلەتىن اتاۋلى الەۋمەتتىك كومەك كورسەتۋدىڭ جاڭا تەتىكتەرىن ەگجەي-تەگجەيلى ءتۇسىندىردى.
قالا تۇرعىندارىنىڭ الدىندا ءسوز سويلەگەن ەرجان جالقىباەۆ اعىمداعى جىلعى 12 جەلتوقساندا پارلامەنت سەناتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مىندەتتى الەۋمەتتىك ساقتاندىرۋ, الەۋمەتتىك قامسىزداندىرۋ جانە دەنساۋلىق ساقتاۋ سالاسىنداعى مەملەكەتتىك-جەكە مەنشىك ارىپتەستىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قابىلداعانىن ەسكە سالدى.
«زاڭ كوپبالالى وتباسىلارعا جاڭا مەملەكەتتىك جاردەماقى ەنگىزۋدى, ااك كورسەتۋ تەتىكتەرىن جەتىلدىرۋدى جانە تابىسى از وتباسىنان شىققان بالالارعا كەپىلدىك بەرىلگەن الەۋمەتتىك توپتاما ەنگىزۋدى كوزدەيدى», دەدى ە.جىلقىباەۆ.
سونىمەن قاتار 2020 جىلعى 1 قاڭتاردان باستاپ 4 جانە ودان دا كوپ كامەلەتكە تولماعان بالالارى بار نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنتتەرى بار وتباسىلارعا وتباسىنىڭ تابىسىنا قاراماستان سارالانعان مولشەردە: 4 بالاعا – 42 496 تەڭگە; 5 بالاعا – 53 127 تەڭگە; 6 بالاعا – 63 757 تەڭگە; 7 جانە ودان دا كوپ بالاعا – 74 388 تەڭگە مەملەكەتتىك جاردەماقى تولەنەدى.
ااك ۇسىنۋدىڭ جاڭا تاسىلدەرى مىنالاردى كوزدەيدى: ءار توقسان سايىن اتاۋلى الەۋمەتتىك كومەك تاعايىنداۋ; ااك تاعايىنداۋدىڭ قازىرگى شەكتى كريتەريىن ساقتاۋ - وتباسىنىڭ جان باسىنا شاققانداعى ورتاشا تابىس كۇنكورىس دەڭگەيىنىڭ 70%-ىنان كەم بولۋى كەرەك; وتباسىنىڭ بارلىق مۇشەلەرى ءۇشىن ااك مولشەرىن جان باسىنا شاققانداعى كىرىستەر مەن كەدەيلىك شەگىنىڭ اراسىنداعى ايىرماشىلىق رەتىندە انىقتاۋ; ەڭبەككە قابىلەتتى ازاماتتارعا قويىلاتىن تالاپتاردى كۇشەيتۋ, ەگەر ولار جۇمىسقا ورنالاسۋدان باس تارتقان جاعدايدا, ااك تولەۋ بارلىق وتباسى ءۇشىن توقتاتىلادى; ۋچاسكەلىك كوميسسيالاردىڭ وسى پروتسەستەگى ءرولىنىڭ كۇشەيۋىمەن وتباسىنىڭ ماتەريالدىق جاعدايىنا زەرتتەۋ جۇرگىزۋ مەرزىمىن 3 كۇننەن 7 كۇنگە دەيىن ۇلعايتۋ.
كەپىلدىك بەرىلگەن الەۋمەتتىك توپتامانى ۇسىنۋ اياسىندا 1 جاستان 6 جاسقا دەيىنگى تابىسى از وتباسىلاردىڭ بالالارى ازىق-ت ۇلىك جيىنتىعىمەن جانە گيگيەنالىق زاتتارىمەن قامتاماسىز ەتىلەدى, 6 جاستان 18 جاسقا دەيىن ولار مەكتەپتەردە ىستىق تاماقپەن, وقۋ قۇرالدارى مەن مەكتەپ كيىمدەرىمەن قامتاماسىز ەتىلەدى, سونداي-اق مەكتەپكە دەيىنگى جول ءجۇرۋ شىعىندارى وتەلەدى. 18 جاسقا دەيىنگى بالالارعا مەديتسينالىق كومەك, ونىڭ ىشىندە ستوماتولوگيالىق كومەك اقىسىز مەديتسينالىق كومەكتىڭ جانە مىندەتتى الەۋمەتتىك مەديتسينالىق ساقتاندىرۋدىڭ كەپىلدەندىرىلگەن كولەمى اياسىندا كورسەتىلەدى.
ءسوز سوڭىندا ە.جىلقىباەۆ زاڭعا سايكەس, اعىمداعى جىلى تاعايىندالعان ااك جارتى جىلعا تاعايىندالعانى نەمەسە ءبىر جىلعا تاعايىندالعانى ماڭىزدى ەمەس, 31 جەلتوقسانعا دەيىن ارەكەت ەتەتىنىن اتاپ ءوتتى.
جۇمىس ساپارى بارىسىندا ءبىرىنشى ۆيتسە-مينيستر سونداي-اق حقكو-عا, حجقو-عا جانە شىمكەنت قالاسىنىڭ حالىقتى جۇمىسپەن قامتۋدىڭ ءموبيلدى ورتالىعىنا بارادى, وندا قىزمەتكەرلەرمەن قاجەتتى ءتۇسىندىرۋ جۇمىستارىن جۇرگىزەدى, سونداي-اق ااك العاننان كەيىن بيزنەس اشقان قالا تۇرعىندارىمەن كەزدەسەدى.
وسىنداي ءتۇسىندىرۋ جۇمىستارىن 26-27 جەلتوقساندا تۇركىستان وبلىسىندا ەڭبەك جانە حالىقتى الەۋمەتتىك قورعاۋ مينيسترلىگى ەڭبەك, الەۋمەتتىك قورعاۋ جانە كوشى-قون كوميتەتىنىڭ توراعاسى ەربول نۇرعاليەۆ جۇرگىزەدى.
ەستەرىڭىزگە سالا كەتەيىك, 24-25 جەلتوقسان ارالىعىندا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ناريمان مۇكىشەۆ قاراعاندى وبلىسىندا ااك-ءتىڭ جاڭا تەتىكتەرىن ەنگىزۋ بويىنشا حالىققا جانە حالىقتى جۇمىسپەن قامتۋ ورتالىعىنىڭ قىزمەتكەرلەرىنە ءتۇسىندىرۋ جۇمىستارىن جۇرگىزدى.
بۇرىن حابارلانعانداي, پرەمەر-ءمينيستردىڭ ورىنباسارى بەردىبەك ساپارباەۆتىڭ وڭىرلەرگە جۇمىس ساپارى بارىسىندا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ شىعىس قازاقستان, قاراعاندى, قىزىلوردا, اتىراۋ, باتىس قازاقستان, تۇركىستان, اقتوبە, پاۆلودار, اقمولا, الماتى, سولتۇستىك قازاقستان, قوستاناي جانە ماڭعىستاۋ وبلىستارىنىڭ, سونىمەن قاتار الماتى, شىمكەنت قالالارىنىڭ تۇرعىندارىنا ااك تاعايىنداۋدىڭ جاڭا تەتىكتەرى بويىنشا تۇسىندىرمە جۇمىستارىن جۇرگىزدى.
