سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆتىڭ شەشىمىمەن ماڭعىستاۋ وبلىسى بويىنشا شتاب جەتەكشىسى ايسۇلۋ دۋتباەۆا بولىپ بەكىتىلگەن.
«بۇل ورتالىق - قوعامداعى وزەكتى ماسەلەلەر بويىنشا قۇقىقتىق كومەك الۋ, سونداي-اق, سىبايلاس جەمقورلىق فاكتىلەرىن بولدىرماۋ جانە جويۋ ماقساتىندا حالىقتىڭ باس قوساتىن ورتالىعى. العاشقى جيىننىڭ دا سىزدەرگە ارنالۋىنىڭ وزىندىك ءمانى بار. جۋرناليستەر حالىق پەن بيلىكتى بايلانىستىراتىن بىردەن-ءبىر كوپىر. سوندىقتان مەملەكەتتىك پەن قوعامدى جاقىنداستىرۋ, مەملەكەتتىك مەكەمەلەردىڭ ازاماتتار الدىنداعى جاۋاپكەرشىلىگى مەن قولجەتىمدىلىگىن ودان ءارى ارتتىرا تۇسۋدە سىزدەردىڭ رولدەرىڭىز ەرەكشە», دەدى ايسۇلۋ دۋتباەۆا.
جيىن سوڭىندا جۋرناليستەر ورتالىقتىڭ جۇمىسىنا قاتىستى سۇراقتارىنا جاۋاپ الدى. سونىمەن قاتار, شتاب جەتەكشىسى ا.دۋتباەۆا «پاراساتتىلىق», «ادىلدىك», «اشىقتىق» پرينتسيپىنە ساي قىزمەت كورسەتەتىن ورتالىقتىڭ جۇمىسىن جاقسارتۋ ءۇشىن ارىپتەستەرىن جۇمىلا جۇمىس اتقارۋعا شاقىردى.
ايتا كەتەيىك, ورتالىق مەملەكەت باسشىسى قاسىم-جومارت توقاەۆتىڭ حالىققا ارناعان جولداۋىندا اتاپ كورسەتىلگەن «حالىق ۇنىنە قۇلاق اساتىن مەملەكەت» تۇجىرىمداماسى نەگىزىندە جۇمىسىن باستاعان. قر سىبايلاس جەمقورلىققا قارسى ءىس-قيمىل اگەنتتىگىنىڭ نۇر-سۇلتان قالاسى بويىنشا دەپارتامەنتىنىڭ سەرۆيستىك «Antikor ortalygy» جانە اكىمشىلىك عيماراتى اشىلعان. بۇگىنگى تاڭدا نۇر-سۇلتان قالاسى بويىنشا دەپارتامەنت ەلىمىزدەگى قۇقىق قورعاۋ قىزمەتتەرىنىڭ ىشىندەگى ەڭ العاشقىسى بولىپ تولىعىمەن «Open space» فورماتىنا كوشكەن ورگان. جۇمىستىڭ جاڭا فورماتىنىڭ تانىستىرىلىمىنا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ پەن ەلوردا اكىمى التاي كولگىنوۆ سونداي-اق, شتاب جەتەكشىسى ىرزا تۇرسىنزادا قاتىسقان.
