ءمينيستردىڭ ايتۋىنشا, بۇگىندە قازاقستاندا 690 مىڭ مۇمكىندىگى شەكتەۋلى ادام تۇرادى. ولاردىڭ 424 مىڭى ەڭبەككە جارامدى جاستا, ونىڭ ىشىندە 224 مىڭ ادام جۇمىسقا قابىلەتتى.
«224 مىڭ مۇگەدەكتىگى بار ادامنىڭ 106 مىڭى جۇمىس ىستەيدى. ءبىز ولاردىڭ ەكونوميكالىق بەلسەندىلىگىن ارتتىرۋ بويىنشا شارالار كەشەنىن قابىلداۋ تۋرالى الدىمىزعا مىندەت قويىپ وتىرمىز, ويتكەنى مۇمكىندىگى شەكتەۋلى جانداردى جۇمىسقا الماۋ ماسەلەسى دە بار ەكەنى راس» دەدى ب. نۇرىمبەتوۆ.
مينيستر بۇگىندە زاڭناماعا سايكەس جەرگىلىكتى اتقارۋشى ورگاندار وسىنداي ازاماتتار ءۇشىن كاسىپورىنداردا كۆوتالار بەلگىلەي الاتىنىن اتاپ ءوتتى.
«كۆوتا 2-دەن 4%-عا دەيىن بەلگىلەنەدى. قازىرگى تاڭدا ولاردىڭ سانى 14,5 مىڭ بىرلىكتى قۇرايدى, ولار ورىندالىپ جاتقان جوق, جۇمىس بەرۋشىلەر قابىلدامايدى» دەدى ۆەدومستۆو باسشىسى.
مۇگەدەكتىگى بار ازاماتتاردى جۇمىسپەن قامتۋ جۇيەسىن جەتىلدىرۋ ماقساتىندا الەمدىك تاجىريبە زەردەلەندى.
ء«تۇرلى ەلدەردىڭ تاسىلدەرى دە ءارتۇرلى. ماسەلەن, كانادادا, ەگەر كاسىپورىن كۆوتانى ورىنداماسا, وندا ول مەملەكەتتىك ساتىپ الۋلارعا قاتىسا المايدى. گەرمانيا مەن جاپونيادا مۇمكىندىكتەرى شەكتەۋلى جانداردى جۇمىسقا الۋدان باس تارتقان كومپانيالار مەملەكەتكە وتەماقى تولەيدى. سوندىقتان ءبىز بۇل يدەيانى ۇلگى رەتىندە الدىق, ونى بارىنشا پىسىقتايمىز, تەتىكتەرىن ويلاستىرامىز: مۇگەدەكتىگى بار ادامدى وقىتىپ, باسقا جۇمىسقا ورنالاستىرۋ ءۇشىن قانداي مولشەردە كۆوتا بەلگىلەۋ كەرەك ەكەنىن قاراستىرامىز» دەدى ب. نۇرىمبەتوۆ.
ونىڭ ايتۋىنشا, قازىر بۇل ماسەلە ازىرگە يدەيا دەڭگەيىندە, دەگەنمەن, 2020 جىلى قابىلدانۋى ءتيىس زاڭ جوباسىنىڭ تۇجىرىمداماسى ازىرلەندى.
سونىمەن قاتار مينيستر كەلەسى جىلى ەرەكشە قاجەتتىلىكتەرى بار ادامدارعا ارنالعان الەۋمەتتىك قىزمەتتەر پورتالى ىسكە قوسىلاتىنىن اتاپ ءوتتى.
«بۇگىنگى تاڭدا مۇمكىندىكتەرى شەكتەۋلى جاندار وڭالتۋدىڭ ءارتۇرلى قىزمەتتەرى مەن تاۋارلارىن الادى. بۇل ارنايى الەۋمەتتىك قىزمەتتەر, وڭالتۋ قۇرالدارى, ىمداۋ ءتىلىنىڭ ماماندارى, جەكە كومەكشىلەر جانە شيپاجايلىق-كۋرورتتىق ەمدەۋ. قازىر مۇنىڭ ءبارى مەملەكەتتىك ساتىپ الۋ ارقىلى جۇزەگە اسىرىلادى, بۇل قىزمەت كورسەتۋ مەن تاۋارلاردى ۇسىنۋ مەرزىمىن اسا ۇزاققا سوزىپ جىبەرەدى» دەدى مينيستر.
جاڭا پورتالدىڭ ءمانى مىنادا — ەندى مۇگەدەكتىگى بار ادام جەتكىزۋشىنى ءوزى تاڭداي الادى.
ء«بىز مەملەكەتتىك ساتىپ الۋ جۇيەسىنەن شىعامىز, بۇل اقپاراتتىق ينتەرنەت الاڭ بولادى, وندا ءبىر جاعىنان بارلىق تاۋارلار مەن قىزمەتتەردى جەتكىزۋشىلەر بولادى, ال ەكىنشى جاعىنان مۇمكىندىكتەرى شەكتەۋلى جانداردىڭ وزدەرى بولادى» دەپ تۇيىندەدى مينيستر.