ايماقتار • 25 جەلتوقسان، 2019

شىمكەنتتە كوپبالالى انا مەن جۇمىسشى جاستار باسپانالى بولدى

45 رەت كورسەتىلدى

شىمكەنت قالاسىنىڭ اكىمى ەرلان ايتاحانوۆ تۇرعىن ءۇي كەزەگىندە تۇرعان  كوپ بالالى انالار مەن جۇمىس ىستەيتىن قالا جاستارىنا پاتەر كىلتتەرىن تابىستادى. بۇل تۋرالى شىمكەنت قالاسى اكىمدىگىنىڭ ءباسپاسوز قىزمەتى حابارلادى.

ەلباسى مەن پرەزيدەنتتىڭ جۇرگىزىپ وتىرعان ساليقالى ساياساتىنىڭ ارقاسىندا جىلدىڭ قورىتىندىسى بويىنشا قالادا جالپى  450 كوپبالالى انا مەن 904 جاس باسپانامەن قامتاماسىز ەتىلەدى.  

جاڭا جىل قارساڭىندا پاتەر كىلتىن تابىستاعان قالا اكىمى ەرلان ايتاحانوۆ جاستار مەن كوپبالالى انالاردى جاڭا قونىسىمەن قۇتتىقتادى.

«وزدەرىڭىزگە بەلگىلى، ەلباسى 2019 جىلدى «جاستار جىلى» دەپ جاريالادى. سونداي-اق، پرەزيدەنت كوپبالالى انالار مەن تۇرمىسى تومەن وتباسىلاردى باسپانامەن قامتاماسىز ەتۋ ماسەلەسىن العا قويعان بولاتىن. وسىعان وراي، بۇگىن تۇرعىن ءۇي كەزەگىندە تۇرعان كوپ بالالى انالار مەن جۇمىس ىستەيتىن قالا جاستارىنا پاتەر كىلتتەرىن تابىستاپ وتىرمىز. قونىستارىڭىز قۇتتى بولسىن! ءۇي ءىشى بەرەكە، باق پەن ىرىسقا تولى بولسىن! وسىنداي قۋانىشتى كۇندەرىمىز بەن قايىرىمدى ىستەرىمىز مول بولسىن» دەدى ەرلان قۋانىش ۇلى.     
                                                   
ايتا كەتەيىك، شىمكەنت قالاسىندا بيۋدجەت ەسەبىنەن 2019 جىلى 1554 پاتەرلى 27 كوپقاباتتى تۇرعىن ءۇي پايدالانۋعا بەرىلەدى. ونىڭ ىشىندە 656 پاتەرلى 11 نەسيەلىك تۇرعىن ءۇي، 898 پاتەرلى 16 ارەندالىق تۇرعىن ءۇي بولىپ تابىلادى. 

سوڭعى جاڭالىقتار

ساقتانساڭ – ساۋ بولارسىڭ

ايماقتار • بۇگىن، 23:00

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار