كوماندالىق جارىستا باق سىناعان قازاقستان ايەلدەر قۇراماسى جالپى ەسەپتە 1209 ۇپايمەن 18-ورىنعا جايعاستى. ءۇش كەزەڭ قورىتىندىسى بويىنشا كوش باسىندا نورۆەگيا (2815 ۇپاي), ەكىنشى ورىندا شۆەتسيا (2484), ۇزدىك ۇشتىكتى رەسەي (2482) بياتلونشىلارى تۇيىندەپ تۇر.
ال قازاقستان ەرلەر قۇراماسى بۇگىنگى باسەكەدەن كەيىن 876 ۇپاي جيناپ, 22-ورىنعا تۇراقتادى. ءبىرىنشى ورىندا نورۆەگيا (2926 ۇپاي), ەكىنشى فرانتسيا (2684), ءۇشىنشى رەسەي مەن گەرمانيا (2453 ۇپاي) سپورتشىلارى تۇر.
ايتا كەتەيىك, 2019-2020 جىلعى بياتلوننان الەم كۋبوگى 9 كەزەڭگە سوزىلادى. سوسىن سپورتشىلار يتاليانىڭ انتحولتس-انتەرسەلۆا قالاسىندا وتەتىن الەم بىرىنشىلىگىنە اتتانادى. ەندى الەم كۋبوگىنىڭ 4-كەزەڭى 2020 جىلى 9-12 قاڭتار ارالىعىندا گەرمانيانىڭ وبەرحوف قالاسىندا وتەدى.
