كونۆەنتسيا مەن حاتتامانىڭ ماقساتى ينۆەستيتسيالارعا قولايلى جاعدايلار جاساۋ ارقىلى قازاقستان مەن كيپر رەسپۋبليكاسى اراسىنداعى ەكونوميكالىق ىنتىماقتاستىقتى نىعايتۋ جانە كەڭەيتۋ بولىپ تابىلادى.
كونۆەنتسيا مەن حاتتاما ەكىجاقتى حالىقارالىق شارت بولىپ تابىلادى جانە قوسارلانعان سالىق سالۋدى جويۋ ماقساتىندا جاسالدى. ۋاعدالاسۋشى مەملەكەتتەردىڭ ارقايسىسى سول مەملەكەتتەردىڭ بىرىندە سالىق تولەۋشىگە تەك ءبىر رەت قانا سالىق تولەۋ مۇمكىندىگىن قامتاماسىز ەتەدى. وزگە مەملەكەت وعان تولەنگەن سالىق سوماسىن ەسەپكە الادى نەمەسە سالىق سالىناتىن جيىنتىق تابىستان باسقا مەملەكەتتە سالىق سالىنعان بولىگىن الىپ تاستايدى.
كونۆەنتسيادا تابىستىڭ پايدا بولۋ كوزى بولعان مەملەكەتتە ديۆيدەندتەرگە, پايىزدارعا جانە رويالتيگە تيىسىنشە تومەندەتىلگەن ستاۆكالار بويىنشا سالىق سالىنۋى مۇمكىن ەرەجەلەر كوزدەلىپ وتىر.
كونۆەنتسياعا حاتتامادا اقپارات الماسۋعا قاتىستى قوسىمشا ەرەجەلەر قاراستىرىلىپ وتىر.
قۇجات پالاتانىڭ قاراۋىنا بەرىلدى.
