سوت وتىرىسى بۇعان دەيىن باستالىپ, قارسى تاراپتىڭ كەلمەي قالۋى سەبەپتى كەيىنگە شەگەرىلگەن بولاتىن. بۇگىن سوتقا جينالعان بەس جۇزدەن استام ادام ءىستىڭ ادىلەتتى ءوتىپ, ازاماتتاردى قىلمىستىق جاۋاپكەرشلىكتەن بوساتۋدى تالاپ ەتتى. سوت عيماراتى الدىنا جينالعان كوپشىلىكتىڭ تالابىنا قۇقىق قورعاۋشىلار مەن قوعام بەلسەندىلەرى باسۋ ايتىپ, ءىس بارىسىندا زاڭ تالاپتارى ساقتالاتىنىن ايتتى. سوت شەشىمى ەرتەڭ, 23 جەلتوقساندا جاريا ەتىلەدى. سوتتالۋشىلاردىڭ قورعاۋشىسى جانار بالعاباەۆانىڭ ايتۋىنا قاراعاندا, قاماۋداعى 5 جىگىت پروكۋرورمەن پروتسەسسۋالدىق كەلىسىمگە كەلگەن. الايدا, ناقتى شەشىمدى سوت ايتادى.
- ايىپكەر ورىندىعىندا وتىرعان بەرىكبول رىسالدينوۆ, بەيبىت مۇحامەتالين, نۇربول مۇحامەتالين, سارقىت سالقانوۆ جانە ەركىن سالقانوۆ ەسىمدى ازاماتتارمەن پروتسەسسۋالدىق كەلىسىم جاسالدى. سوت مۇنى ەسكەرىپ, ولاردى بوساتۋى مۇمكىن. اقتىق شەشىمدى سوت شىعارادى. ماسەلە ەرتەڭ شەشىمىن تابادى. تۇرعىنداردىڭ سابىر ساقتاۋىن سۇراپ, تارتىپسىزدىككە جول بەرمەۋدى سۇرايمىز, - دەدى اقسۋ اۋدانى پروكۋرورىنىڭ ورىنباسارى ادىلەت اسقار ۇلى.
ايتپاقشى, 5 جىگىتتىڭ قاماۋعا الىنۋىنا بيىل, 7 قازاندا الماتى – وسكەمەن اۆتوجولىنىڭ 303-شاقىرىمىندا بولعان كيكىلجىڭ سەبەپ بولدى. كۋاگەرلەردىڭ ايتۋىنشا, جول قۇرىلىسىندا جۇمىس ىستەپ جاتقان قىتايلىق «CITIC Construction Co LTD» كومپانياسىنىڭ بىرنەشە جۇمىسشىسى جەرگىلىكتى جۇمىسشى قانات جامبىلدى سوققىعا جىققان. وقيعادا كەيىن قىزىلاعاش اۋىلىنىڭ 5 تۇرعىنى قىتاي جۇمىسشىلارىمەن كەزدەسۋگە بارىپ, سوڭى توبەلەسكە ۇلاسقان ەكەن. ناتيجەسىندە بىرنەشە شەتەلدىكتەر جۇمىسشى جەڭىل جاراقات الدى. ال كيكىلجىڭنىڭ شىعۋىنا سەبەپكەر بولعان 3 قىتاي ازاماتى اكىمشىلىك ءىس بويىنشا جازالانعان ەدى.
