«ازىرگە تەرگەۋ ءجۇرىپ جاتىر. تەرگەۋ ناتيجەسى ءبىزدىڭ جاققا بەرىلگەن جوق. سوندىقتان, كۇتە تۇرايىق. ولار ء(ىس-ماتەريالدارى) قازىر ەگيپەتتىڭ باس پروكۋراتۋراسىندا, سول ەلدىڭ سىرتقى ىستەر مينيسترلىگى ارقىلى بىزگە بەرىلەدى. جاڭا جىلعا دەيىن, وسى اپتانىڭ سوڭى نەمەسە كەلەسى اپتادا مارقۇمنىڭ دەنەسى ەلگە جەتكىزىلەدى دەپ كۇتۋدەمىز», - دەيدى مۇحتار تىلەۋبەردى ۇكىمەت وتىرىسىنان كەيىن.
مۇحتار تىلەۋبەردىنىڭ ايتۋىنشا, سۋيتسيد - ەڭ ءبىرىنشى نۇسقا رەتىندە قاراستىرىلىپ جاتىر.
ەستەرىڭىزگە سالا كەتەيىك, بۇعان دەيىن ءسىم ەگيپەتتە ءوز قىزمەتكەرىنىڭ قايتىس بولعانىن راستاعان بولاتىن. كەيبىر اقپارات قۇرالدارى قازاقستاندىق ديپلوماتتىڭ ءولىمىنىڭ جۇمباق ءمان-جايى تۋرالى حابارلاعان ەدى.
اتاپ ايتقاندا, ە. جولداسوۆتىڭ كىرەبەرىستە قولدارى ارتىنا بايلانىپ, ءولى كۇيىندە تابىلعانى تۋرالى اقپارات جاريالاندى. ال سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان رەسپۋبليكاسىنىڭ ەگيپەتتەگى ەلشىلىگىنىڭ قىزمەتكەرى ەلامان جولداسوۆتىڭ قازاسىنا قاتىستى قاۋەسەتكە تۇسىنىك بەردى. ونىڭ ايتۋىنشا, مارقۇمنىڭ دەنەسىندە ەشقانداي داق, كوگەرۋ, قانداي دا ءبىر جاراقات بولماعان. اياق-قولى بايلانباعان.
