بۇل قوسىمشا اقى ارنايى قىزمەتتەردى تىكەلەي ۇسىناتىن جۇمىسشىلاردىڭ ەڭبەگىنىڭ كۇردەلىلىگى مەن جوعارى قارقىندىلىعىنا بايلانىستى سارالانادى.
اتاپ ايتقاندا, ستاتسيونارلىق جانە جارتىلاي ستاتسيونارلىق ۇلگىدەگى مەديتسينالىق-الەۋمەتتىك مەكەمەلەردە (پاللياتيۆتىك كومەك بولىمشەلەرىن (پالاتالارىن) قوسپاعاندا): باسقارۋ پەرسونالىنا – لاۋازىمدىق جالاقىدان (بۇدان ءارى - لج) 30%; نەگىزگى پەرسونال قىزمەتكەرلەرىنە (الەۋمەتتىك قىزمەتكەردى قوسپاعاندا) – لج-دان 35%; الەۋمەتتىك قىزمەتكەرلەرگە, سانيتارلارعا – لج-دان 40%.
ستاتسيونارلىق جانە جارتىلاي ستاتسيونارلىق ۇلگىدەگى مەديتسينالىق-الەۋمەتتىك مەكەمەلەردىڭ پاللياتيۆتىك كومەك بولىمشەلەرىندە (پالاتالارىندا): بارلىق ماماندىقتاعى تاربيەشىلەرگە, مەدبيكەلەرگە, سانيتارلارعا – لج-دان 60%.
ۇيدە قىزمەت كورسەتۋ, ۋاقىتشا بولۋ ۇيىمدارىنىڭ قىزمەتكەرلەرىنە: باسقارۋشى پەرسونالعا –لج-دان 15%; نەگىزگى پەرسونال قىزمەتكەرلەرىنە (الەۋمەتتىك قىزمەتكەردى قوسپاعاندا) – لج-دان 20%; الەۋمەتتىك قىزمەتكەرلەرگە – لج-دان 35%; سانيتارلارعا – لج-دان 20%.
جوعارىدا كورسەتىلگەن ساناتتاعى قىزمەتكەرلەردىڭ جالاقىسىن ارتتىرۋدى قارجىلاندىرۋ ءۇشىن 2020-2022 جىلدارعا ارنالعان رەسپۋبليكالىق بيۋدجەتتە جىل سايىن 8,4 ملرد تەڭگە كوزدەلگەن.
