زاڭ جوباسى قازاقستان رەسپۋبليكاسىنىڭ تۇڭعىش پرەزيدەنتىنىڭ 2018 جىلعى 5 قازانداعى قازاقستان حالقىنا جولداۋىن ىسكە اسىرۋ جونىندەگى جالپى ۇلتتىق جوسپاردى, «100 ناقتى قادام» ۇلت جوسپارىن, سونداي-اق قازاقستان رەسپۋبليكاسى پرەزيدەنتىنىڭ جانىنداعى شەتەلدىك ينۆەستورلار كەڭەسىنىڭ 9-شى جالپى وتىرىسىندا بەرىلگەن حاتتامالىق تاپسىرمانى ورىنداۋ ءۇشىن ازىرلەنگەن بولاتىن. حاتتاما بويىنشا احقو مەملەكەتتىك ورگاندارمەن بىرلەسە وتىرىپ, دۋباي قالاسىنداعى حالىقارالىق قارجى ورتالىعىنىڭ ۇلگىسى بويىنشا ينۆەستيتسيالىق رەزيدەنت قاعيداسىن ەنگىزۋ ماسەلەسىن قاراۋ تاپسىرىلدى.
زاڭ جوباسىن ازىرلەۋدىڭ ماقساتى ەلىمىزدىڭ نەگىزگى قارجى تۇعىرناماسى رەتىندە احقو-نىڭ جىلدام قالىپتاسۋى مەن دامۋىن قامتاماسىز ەتۋ جانە ينۆەستيتسيالاردى تارتۋ ءۇشىن ونىڭ يۋريسديكتسياسىن پايدالانۋ بولىپ تابىلادى.
زاڭ جوباسىندا «ينۆەستيتسيالىق رەزيدەنت» ۇعىمىن ەنگىزۋ كوزدەلىپ وتىر, سونداي-اق ينۆەستيتسيالىق رەزيدەنتتەرگە بەرىلەتىن تالاپتار مەن جەڭىلدىكتەردى رەتتەيدى.
«ينۆەستيتسيالىق سالىق رەزيدەنتتىگى باعدارلاماسى» ۇعىمى ەنگىزىلەدى. باعدارلامادا ينۆەستيتسيالاۋدىڭ كولەمى مەن قۇرالدارى, ينۆەستيتسيالىق سالىق رەزيدەنتتىگىن الۋ راسىمدەرى ايقىندالاتىن بولادى.
زاڭ جوباسىندا بيۋدجەتتەن احقو-نى قارجىلاندىرۋعا ارنالعان نىسانالى اۋدارىمداردى قوسىمشا قۇن سالىعىنان بوساتۋ ۇسىنىلادى. سونداي-اق رەزيدەنت ەمەستەردىڭ احقو ءۇشىن كورسەتىلگەن قىزمەتتەرى/جۇمىستارى مەن احقو قاتىسۋشىلارىنىڭ قىزمەتتەرىن قوسىمشا قۇن سالىعىن سالۋعا جاتاتىن اينالىم دەپ ەسەپتەمەۋ ۇسىنىلادى.
ودان باسقا, زاڭ جوباسىمەن «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» (سالىق كودەكسى) قازاقستان رەسپۋبليكاسى كودەكسىنىڭ ەرەجەلەرىنە سايكەس, «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنداعى جالپىعا بىردەي دەكلاراتسيالاۋدى ەنگىزۋ مەرزىمدەرىن 2020 جىلدان 2021 جىلعا اۋىستىرۋ بولىگىنە وزگەرىستەر ەنگىزىلەدى.
زاڭ جوباسى پالاتانىڭ قاراۋىنا بەرىلدى.
