ۇكىمەت • 20 جەلتوقسان، 2019

قازاق-قىرعىز شەكاراسىنداعى وتكىزۋ بەكەتتەرىنىڭ جۇمىسى قارالدى

11 رەت كورسەتىلدى

پارلامەنت ءماجىلىسى دەپۋتاتتارىنان قۇرالعان دەلەگاتسيا قر يدم اۆتوموبيل جولدارى كوميتەتىنىڭ، قارجى مينيسترلىگى مەملەكەتتىك كىرىستەر كوميتەتىنىڭ، «QazAvtoJol» ۇك» اق وكىلدەرىمەن، سونداي-اق شەكارا قىزمەتىنىڭ قىزمەتكەرلەرىمەن بىرلەسىپ، قازاق-قىرعىز شەكاراسىنداعى وتكىزۋ بەكەتتەرىندە بولىپ قايتتى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

حالىق قالاۋلىلارى  «سورتوبە»، «اۋقاتتى»، «قاراسۋ» جانە «قورداي» وتكىزۋ بەكەتتەرىنىڭ ينفراقۇرىلىمىمەن، ماتەريالدىق بازاسىمەن، شەكارالىق قىزمەت قىزمەتكەرلەرىنىڭ جۇمىسىمەن تانىستى. قازاق-قىرعىز شەكاراسىندا بارلىعى 7 وتكىزۋ بەكەتى جۇمىس ىستەيدى. ولاردىڭ وتكىزۋ قابىلەتتىلىگىن ارتتىرۋ ماقساتىندا يندۋستريا جانە ينفراقۇرىلىمدىق دامۋ مينيسترلىگى بەكەتتەردى جاڭعىرتۋعا، رەكونسترۋكتسيالاۋعا، سونداي-اق، بەكەتكە كىرۋ جولدارىن كەڭەيتۋگە، وتكىزۋ بەكەتىنىڭ ماڭايىنداعى اۋماقتاردى اباتتاندىرۋعا باعىتتالعان جۇمىستاردى جۇرگىزىپ جاتىر. اۆتوموبيل جولدارى كوميتەتىنىڭ توراعاسى سايرانبەك بارماقوۆتىڭ ايتۋىنا قاراعاندا، قازاقستان رەسپۋبليكاسىنىڭ يدم وتكىزۋ بەكەتىنىڭ جۇكتەمەسىن ەسكەرە، شەكارا قىزمەتىمەن بىرلەسىپ جوعارىدا اتالعان نىسانداردى 2020-2025 جىلدار ارالىعىندا كەزەڭ-كەزەڭىمەن جاڭعىرتۋدى جوسپارلاۋدا.

«بۇگىنگى تاڭدا مەردىگەر ۇيىممەن «قورداي» وتكىزۋ بەكەتىن رەكونسترۋكتسيالاۋ جونىندەگى كەلىسىم جاسالىپ، دايىندىق جۇمىستارى («دورستروي» جشس) جۇرگىزىلۋدە. جوبا جوسپارعا سايكەس كەلەسى جىلى اياقتالادى. سونىمەن قاتار، وسى جىلدىڭ 27 قاراشاسىنداعى قازاقستان مەن قىرعىزستاننىڭ مەملەكەت باسشىلارىنىڭ ەكىجاقتى كەزدەسۋىندە شۋ وزەنى ارقىلى وتەتىن «قاراسۋ» مەن اق تىلەك» وتكىزۋ بەكەتتەرىنىڭ ارالىعىنداعى كوپىرلەردى قالپىنا كەلتىرۋ بويىنشا بىرلەسكەن شارالار تۋرالى كەلىسىمگە قول قويىلعان بولاتىن» دەپ اتاپ ءوتتى ول. 

كەلىسىم اياسىندا 2020 جىلى كولىك قۇرالدارى مەن جاياۋ جۇرگىنشىلەرگە ارنالعان قوزعالىس جولاقتارىنىڭ سانىن ارتتىرا وتىرىپ، كوپىرلەردى قالپىنا كەلتىرۋ جونىندەگى جوبالىق-سمەتالىق قۇجاتتاما ازىرلەنەدى دەپ جوسپارلانۋدا. جوبا 2021 جىلعا دەيىن اياقتالماق. «قاراسۋ» وتكىزۋ بەكەتىنىڭ ءوزىن رەكونسترۋكتسيالاۋ جۇمىستارى 2020-2021 جىلدارى جۇزەگە اسىرىلادى دەپ جوسپارلانعان. سونداي-اق، كەڭەس بارىسىندا ءماجىلىس دەپۋتاتتارىنا «سورتوبە» جانە «اۋقاتتى» وتكىزۋ بەكەتتەرىنە «كوپجاقتى حالىقارالىق وتكىزۋ بەكەتى» مارتەبەسىن بەرۋگە قاتىستى قانداي جۇمىستاردىڭ قولعا الىنعاندىعى تۋرالى بايانداما جاسالدى. بۇگىنگى تاڭدا «كەگەن» وتكىزۋ بەكەتىنىڭ جۇمىس رەجيمىن وزگەرتۋ جانە «بەساعاش» وتكىزۋ بەكەتىنىڭ جۇمىسىن جاڭارتۋ جونىندەگى ماسەلەلەر قارالىپ جاتىر.

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

تىلگە قۇرمەت – ەلگە قۇرمەت

قازاقستان • بۇگىن، 08:48

ايمانوۆتىڭ مۋرالى اشىلدى

ايماقتار • بۇگىن، 08:41

باتىرلار مەن سامۋرايلار بەينەسى

قازاقستان • بۇگىن، 08:40

ءسوز سويىل: ءازىل-وسپاق

رۋحانيات • بۇگىن، 08:34

ءبىر كودتىڭ قۇنى

ايماقتار • بۇگىن، 08:28

قالدىقتان جاسالعان كارتا

ايماقتار • بۇگىن، 08:27

كومەگى كوپ كوشپەلى ەمحانا

ايماقتار • بۇگىن، 08:22

ۇقساس جاڭالىقتار