قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ەرجان اشىقباەۆ حالىقارالىق قىزىل كرەست كوميتەتىنىڭ ورتالىق ازياداعى ايماقتىق وكىلدىگىنىڭ باسشىسى, ديپلوماتيالىق ميسسياسىن اياقتاپ جاتقان جان جەروم كاسابيانكانى قابىلدادى.
كەزدەسۋ بارىسىندا قازاقستان مەن حالىقارالىق قىزىل كرەست كوميتەتى اراسىنداعى ىنتىماقتاستىقتىڭ وزەكتى ماسەلەلەرى, سونداي-اق الداعى بىرقاتار بايلانىستار مەن ءىس-شارالار تالقىلاندى. گۋمانيتارلىق ىنتىماقتاستىقتى ودان ءارى كەڭەيتۋگە, قازاقستان مەن حقكك اراسىنداعى تىعىز جانە سەنىمدى ديالوگقا ءوزارا قىزىعۋشىلىق ءبىلدىرىلدى.
سىرتقى ىستەر ءمينيسترىنىڭ ورىنباسارى حقكك وڭىرلىك وكىلدىگىنىڭ باسشىسىنا قازاقستانمەن ىنتىماقتاستىقتى نىعايتۋعا قوسقان ۇلەس ءۇشىن العىسىن ءبىلدىردى جانە جاڭا قىزمەتىندە تابىستار تىلەدى.
