ايماقتار • 20 جەلتوقسان، 2019

پارتيالىق باقىلاۋ – تيىمدىلىك كەپىلى

28 رەتكورسەتىلدى

Nur Otan پارتياسىنىڭ وبلىستىق فيليالىندا پارتيا­لىق اكتيۆتىڭ وتىرىسى ءوتتى. جيىندا ەلباسىنىڭ وڭىرلىك فيليالدار وكىلدەرىنىڭ قاتىسۋىمەن وتكەن كەڭەستە بەرگەن تاپسىرمالارى ءتۇسىندىرىلدى. پارتيانىڭ وبلىستىق فيليالى توراعاسى، وبلىس اكىمى بولات باقاۋوۆ نۇروتاندىقتار الدىندا تۇرعان مىندەتتەرگە توقتالدى.

فيليال توراعاسىنىڭ ءبىرىنشى ورىنباسارى يليا تەرەنچەنكونىڭ ايتۋىنشا، بۇل كۇندەرى پارتيا جۇمىسىن جانداندىرۋعا باعىتتالعان جۇمىستار باستالىپ كەتىپتى. وبلىس ورتالىعىندا ەلىمىزدە «قاناتتى جوبا» اياسىندا العاش رەت پارتيالىق كادرلىق رەزەرۆكە ىرىكتەۋ وتكىزىلۋدە.

بۇل كۇندەرى Nur Otan پارتي­ياسى­نىڭ وبلىستىق جانە اۋماقتىق فيليالدارىندا 59060 مۇشەسى بار. بيىل پارتيا بەدەلىنە نۇقسان كەلتىرگەن ادامداردان «تازالاۋ» ماقساتىندا 11 مۇشەسى جاۋاپكەرشىلىككە تارتىلىپتى.

قازىرگى كۇندەرى پارتيانىڭ بەدەلى مەن ابىرويىنا نۇقسان كەلتىرەتىن مۇشەلەرىنە شارا قولدانۋ ماقساتىندا باق پەن الەۋمەتتىك جەلىلەرگە مونيتورينگ جۇرگىزىلەدى. جانە «تازا سەسسيا» رەسپۋبليكالىق شاراسى اياسىندا جوعارى وقۋ ورىندارىندا 13 سەنىم جاشىگى ورناتىلدى.

سونىمەن قاتار وبلىستىق فيليال­دىڭ باقىلاۋ-تەكسەرۋ كوميسسياسى جەلەزين، ماي، شارباقتى اۋداندارى مەن ەكىباستۇز قالاسىندا اۋماقتىق فيليالداردىڭ پارتيا جارعىسىن بۇز­عانى انىقتالدى.

ال پارتيالىق باقىلاۋدىڭ قاجەت­تىگى – ءتيىمدى جۇمىس كەپىلى. مەملەكەت قار­­­جىسىن پايدالانۋعا پارتيالىق با­قى­­لاۋ ورناتىپ، اكىمدەردىڭ پارتيا ال­دىن­­داعى جاۋاپكەرشىلىگىن ارتتىرۋ مىندەت.

Nur Otan وبلىستىق فيليالىنىڭ باسشىسى بولات باقاۋوۆ ءماسليحات دەپۋتاتتارى، پارتيا مۇشەلەرىنىڭ بەلسەن­دىلىكتى ارتتىرىپ، قاراپايىم حالىق­پەن بىرلەسە جۇمىس ىستەۋگە شاقىردى. پارتيا مۇشەلەرىنىڭ ساپالىق تا، ساندىق تا جاعىنان كوبەيگەنى بەدەلىن ارتتىرارى ءسوزسىز.

وبلىستىق فيليالدىڭ باقى­لاۋ-تەكسەرۋ كوميسسياسى جۇرگىزگەن تەكسەرىس بارىسىندا پارتيا مۇشە­لەرىنەن ەسەپ جۇرگىزۋ جانە جارنا جيناۋ كەزىندە ولقىلىقتارعا جول بەرگەن ەكىباستۇز قالالىق پارتيا فيليالى توراعاسىنىڭ ءبىرىنشى ورىنباسارى نياز ماقراەۆقا، تەمىرجول اۋىلدىق اۋماعىنىڭ اكىمى ەرلان كىسەنالينگە سوگىس جاريالاندى. كەيبىر اۋداندىق ماسليحاتتاعى دەپۋتاتتىق فراكتسيا جەتەكشىلەرى اۋىستىرىلعانى اتاپ ءوتىلدى.

ال اۋىل، اۋدان، قالا اكىمدەرىنىڭ تۇر­عىندارمەن كەرى بايلانىسى جوق­تىعى بايقالۋدا، قوعامدىق قابىل­داۋلار دا سيرەك وتكىزىلەدى. الەۋمەتتىك جەلىدەگى جەكە پاراقشالارى، اۋدان اكىمدىكتەرىنىڭ سايتتارى ءتيىستى دەڭ­گەيدە تۇسىنىكتى جۇرگىزىلمەۋدە.

 جالپى، يليا تەرەنچەنكونىڭ ايتۋىنشا، بيىل پارتيانىڭ وبلىستىق جانە اۋماقتىق فيليالدارىنىڭ قوعام­دىق قابىلداۋ بولمەلەرىنە بار­لىعى 3835 ءوتىنىش كەلىپ تۇسكەن. پار­تيا­نىڭ وڭىردەگى بارلىق قوعامدىق قابىل­داۋ بولمەلەرىندە جالپى سانى 1390 قابىلداۋ ءوتىپ، 2268 ادامنىڭ وتىنىش­تەرى قارالدى. تۇرعىنداردىڭ مۇڭ-مۇق­تاجدارى «ارداگەرلەردى ارداقتايىق»، «باقىتتى وتباسى»، «حالىققا كومەك»، «كەدەرگىسىز كەلەشەك»، «قۇتتى مەكەن»، «جاستار جولى» سياقتى پارتيالىق الەۋمەتتىك جوبالاردى جۇزەگە اسىرۋ بارىسىندا نازارعا الىنۋدا.

ەندى قالا، اۋداندىق دەڭگەيدە پارتيا فيليالى توراعاسىنىڭ قىزمەتىن جەر­­گى­لىكتى اكىمدەر ەمەس، ەلگە سىيلى، ءسوزى ءوتىمدى ازاماتتار اتقارادى. قا­زىر بۇل جاڭاشىلدىق قاناتقاقتى تۇر­دە پاۆ­­لودار اۋدانىندا جۇزەگە اسىرىلۋدا.

جۇمىستا بەلسەندىلىك تانىت­پاي­تىن، جارنا تولەمەيتىن، قۇقىق بۇزۋ­شى­لىققا جول بەرگەن ازاماتتار پارتيا مۇشەلىگىنەن شىعارىلۋى ءتيىس.

وبلىستىق فيليال توراعاسى، وبلىس اكىمى بولات باقاۋوۆتىڭ پارتيا فيليالىنداعى اپتا سايىنعى قابىل­داۋلارىن تۇرعىندار قولداۋدا.

– قازىرگى تاڭدا پارتيالىقتار الدىندا قوعامدى بىرىكتىرىپ، وزەكتى ماسە­لە­لەردى قوعامدىق قابىلداۋلار ارقى­لى شەشۋ مىندەتى تۇر. بيىل وسىنداي جەكە قابىلداۋلاردىڭ 18-ءى ءوتىپ، ولارعا 246 ادام قاتىستى. وبلىستاعى بارلىق اۋماق­تىق فيليالدار ءدال وسىنداي جەكە قابىلداۋلار وتكىزۋدە، – دەيدى ي.تەرەنچەنكو.

جالپى، Nur Otan پارتياسى پار­تيا­لىق كادرلىق رەزەرۆىن قالىپ­تاستىرۋ ەلىمىزدە 2016 جىلى باس­تال­عانى بەلگىلى. سول جىلدارى پار­تيا­نىڭ وبلىستىق فيليالىنىڭ پارتيالىق كادرلىق رەزەرۆىندە بولعان 106 ادام ەلباسىنىڭ «100 ناقتى قادام» ۇلت جوس­­پارىندا ايتىلعان، مەملەكەتتىك باع­­دارلامالاردى ناسيحاتتاۋ، پارتيا­لىق جوبالار اياسىندا جۇمىس اتقارۋ سەكىلدى مىندەتتەردى ورىنداي الماعان.

– سوندىقتان قايتادان قوسىمشا ىرىكتەۋ جۇرگىزىلدى، – دەيدى فيليال باسشىسىنىڭ ورىنباسارى جۇلدىز تايكەباەۆا.

بيىل قاراشا ايىندا Nur Otan پار­تياسىنىڭ كادرلىق رەزەرۆىنە ۇمىت­كەرلەر سايلاۋىنا داۋىس بەرۋگە 18 مىڭ پارتيا مۇشەسى قاتىستى. پار­تيالىق ىرىك­تەۋ قۇرامىنا ءبىر جىلدان كوپ ۋا­قىت پارتيا مۇشەسى بولعان، جوعارى ءبى­لى­مى جانە ەكى جىل جۇمىس ءوتىلى بولۋ دەگەن تالاپتار بويىنشا الىنادى.

ىرىكتەۋدى ەڭ الدىمەن اۋداندىق جانە قالالىق فيليالدار جۇرگىزىپ، مالىمەتتەردى ورتالىق اپپاراتقا جولدايدى. پارتيا فيليالدارىنا مامان كەرەك بولسا، ىرىكتەلگەن ءتىزىم ىشىنەن تاڭدالادى.

ەلىم، جەرىم، وتانىم دەگەن جاستار از ەمەس. تاڭداۋ دۇرىس بولۋ كەرەك. تاڭ­داۋ دۇرىس بولماسا، پاتريوت جاس­تار شەتتە قالا بەرەدى. سوندىقتان قاي جۇمىس بولماسىن كادرلىق ساياسات – ماڭىزدى. ەل ىسىنە – وتانشىل جاستار كەلگەنى قاجەت-اق.

 

پاۆلودار وبلىسى

 

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار