قازاقستان مەن رۋمىنيا اراسىنداعى ديپلوماتيالىق قارىم-قاتىناستار 27 جىل بۇرىن قالانعان. سول كەزدەن باستاپ ەكىجاقتى ساياسي, ەكونوميكالىق جانە مادەني-گۋمانيتارلىق سالاداعى ىنتىماقتاستىقتىڭ بەرىك ىرگەتاسى قالاندى. ەكى ەلدىڭ حالىقارالىق باستامالارىن تۇراقتى تۇردە ءوزارا قولداۋى ەرەكشە قۋانتادى. ەلشى 2019 جىلدىڭ ءبىرىنشى جارتىسىندا رۋمىنيانىڭ ەو كەڭەسىندە توراعالىق ەتۋى بارىسىندا ەو-وا كۇن ءتارتىبىنىڭ بارلىق سپەكترى بويىنشا ىنتىماقتاستىققا جاڭا سەرپىن بەرۋگە باعىتتالعان ورتالىق ازيا بويىنشا ەو-نىڭ جاڭارتىلعان ستراتەگياسى قابىلدانعانىن اتاپ ءوتتى.
رۋمىنيا قازاقستاننىڭ وڭتۇستىك-شىعىس ەۋروپاداعى ماڭىزدى ساۋدا سەرىكتەسى بولىپ تابىلادى. 2019 جىلدىڭ 9 ايىندا ەلدەر اراسىنداعى ساۋدا اينالىمى 1,337 ملرد. اقش دوللارىن قۇرادى. ونىڭ باسىم بولىگىن قازاقستاننان شيكى مۇناي ەكسپورتى قۇرايدى. ەنەرگەتيكالىق ارىپتەستىكتى دامىتۋعا «قازمۇنايگاز ينتەرنەيشنل» («رومپەترول») كومپانياسى ەلەۋلى ۇلەس قوسۋدا. ن. رۇستەموۆ رۋمىن تاراپىنىڭ قازاقستانمەن سەنىمدى جانە دوستىق قارىم-قاتىناستاردى نىعايتۋعا نيەتى وسى جىلدىڭ 5 جەلتوقسانىندا رۋمىن بيلىگىنىڭ «رومپەترول» كومپانياسىنىڭ بۇرىنعى يەلەرىنەن قالعان قارىز بويىنشا شەشىمىن قابىلداۋىمەن راستالاتىنىن اتاپ ءوتتى.
سونىمەن قاتار قازاقستان ساۋدا-ەكونوميكالىق ىنتىماقتاستىقتى ءارتاراپتاندىرۋ جونىندەگى جۇمىستى جانداندىرماق. بۇل ءۇشىن بىرقاتار باعىتتار بويىنشا پەرسپەكتيۆالار بار. اتاپ ايتقاندا, وڭتۇستىك-شىعىس ەۋروپاداعى ءىرى جەكە تەمىر جول كولىك كومپانياسى «گرامپەت گرۋپ» قازاقستان اۋماعىندا جۇك تەمىر جول ۆاگوندارىن ءوندىرۋ جانە جوندەۋ بويىنشا بىرلەسكەن كاسىپورىن سالۋدى ينۆەستيتسيالاۋعا مۇددەلى. سونداي-اق 2018 جىلدىڭ قىركۇيەگىندە «گرامپەت گرۋپ» كومپانياسىنىڭ ترانسكاسپي حالىقارالىق كولىك باعىتىنا قوسىلعان العاشقى ەۋروپالىق كومپانياسى بولعانى دا ماڭىزدى.
بۇدان باسقا, بۋحارەست قالاسىنىڭ ساۋدا-ونەركاسىپ پالاتاسىمەن جۇرگىزىلگەن كەلىسسوزدەر قورىتىندىسى بويىنشا قازاقستان اۋماعىندا ماشينا جاساۋ جانە تەمىر جول سالاسى ءۇشىن قوسالقى بولشەكتەر ءوندىرىسى سالاسىندا بىرلەسكەن كاسىپورىندار قۇرۋ تۋرالى كەلىسىمگە قول جەتكىزىلدى.
سونداي-اق قازاقستاندىق «قازاتومونەركاسىپ» كومپانياسى مەن رۋمىندىق «نۋكلەارەلەكتريكا» اراسىندا ۇزاق مەرزىمدى ىنتىماقتاستىق ورناتۋ تۋرالى كەلىسىمگە قول جەتكىزىلدى.
ەكىجاقتى قاتىناستاردى, ونىڭ ىشىندە ءتۋريزمدى جانداندىرۋدى دامىتۋ ماقساتىندا رۋمىندىق «Blue Air» اۆياكومپانياسىمەن تىكەلەي اۆيارەيستەردى اشۋ ماسەلەسى بويىنشا كەلىسسوزدەر باستالدى. رۋمىن تاراپى 2020 جىلى نۇر-سۇلتان مەن بۋحارەست اراسىندا تەستىلىك ۇشۋلاردى وتكىزۋدى ۇسىندى.
قازاقستان مەن رۋمىنيانىڭ مادەني-گۋمانيتارلىق بايلانىستارى دا وڭ قارقىنمەن دامۋدا. رۋمىنيا 2016 جىلدان باستاپ جىل سايىن جاراتىلىستانۋ جانە گۋمانيتارلىق عىلىمدار جانە عىلىمي-تەحنيكالىق ماماندىقتار بويىنشا قازاقستاندىق ستۋدەنتتەردى وقىتۋ ءۇشىن گرانتتار ۇسىنادى.
ەكى ەل حالىقتارىنىڭ اراسىندا سەنىمدى جانە دوستىق قارىم-قاتىناس ورناتۋعا «شتەفان ۆەليكي» (الماتى), «داچيا» (قاراعاندى), «بۋكوۆينا» (پاۆلودار) ۇلتتىق-مادەني قوعامدارى ەلەۋلى ۇلەس قوسۋدا.
بۋحارەست, كونستانتسە جانە كلۋجە قالالارىندا قازاق كينوسىنىڭ جىل سايىنعى كۇندەرىن وتكىزۋ داستۇرگە اينالدى. بيىلعى جىلى رۋمىن كورەرمەندەرى «قازاق حاندىعى. التىن ترون», «شىنىراۋ» جانە تاعى باسقالارى سەكىلدى قازاق كينوماتوگرافياسىنىڭ تۋىندىلارىمەن تانىستى.
2019 جىلدىڭ شىلدە-تامىز ايلارىندا قاراعاندى قالاسىنىڭ تاتتىمبەت اتىنداعى اكادەميالىق حالىق اسپاپتار وركەسترى رۋمىنيانىڭ ءىرى قالالارىندا – بۋحارەست, كونستانتسە جانە ۆاسلۋي كونتسەرتتىك تۋرنە وتكىزدى. تاۋەلسىزدىك كۇنگە وراي, ءبىزدىڭ رەسپۋبليكامىزدىڭ تانىمال مادەنيەت قايراتكەرلەرى-كومپوزيتور تولەگەن مۇحامەدجانوۆ, وپەرا ءانشىسى نۇرجامال ۇسەنباەۆا, تەنور نۇرجان باجەكەنوۆ رۋمىن تەنورى كالين براتەسكۋمەن بىرگە ونەر كورسەتتى.
