-قازاقستان تاۋەلسىزدىگىن العاننان بەرى ءبىزدىڭ قارىم-قاتىناسىمىز وتە قارقىندى دامىپ كەلەدى. ءبىز ءاردايىم ءباا باسشىلىعىمەن تىعىز بايلانىستا بولدىق. وسىنىڭ ارقاسىندا ەلدەرىمىز اراسىنداعى ۆيزاسىز رەجيم ماسەلەسىن شەشتىك, رەيستەردىڭ سانىن كوبەيتتىك. بۇل تۋريستەردىڭ ارتۋىنا جول اشىپ, تۇتاستاي ەكونوميكالىق قاتىناستاردىڭ كەڭەيۋىنە اسەر ەتتى, دەدى نۇرسۇلتان نازارباەۆ.
ءوز كەزەگىندە مۇحاممەد ال-دجابەر ءباا باسشىلىعى اتىنان قازاقستاننىڭ ودان ءارى تابىستى دامۋى مەن وركەندەۋىن تىلەي وتىرىپ, نۇرسۇلتان نازارباەۆتى جانە قازاقستان حالقىن تاۋەلسىزدىك كۇنىمەن قۇتتىقتادى.
-قازاقستان ورتالىق ازياداعى ماڭىزدى سەرىكتەستەردىڭ ءبىرى. ءبىز ۆيزاسىز رەجيم تۋرالى كەلىسىمگە قول جەتكىزۋدى وڭ باعالايمىز. بۇل كاسىپكەرلەر اراسىنداعى بايلانىستاردى جەڭىلدەتۋگە جانە ينۆەستيتسيالىق بەلسەندىلىككە ىقپال ەتەدى, دەدى ەلشى.
سونىمەن قاتار ديپلومات نۇرسۇلتان نازارباەۆقا مارتەبەلى شەيح فاتيما بينت مۇحاممەد بين ءزايدتىڭ گۋمانيتارلىق جوباسى اياسىندا جاسالعان «بەيبىتشىلىك كىلەمىن» تابىستادى.
