قازاقستان رەسپۋبليكاسىنىڭ ءبىلىم بەرۋدى جانە عىلىمدى دامىتۋدىڭ 2020-2025 جىلدارعا ارنالعان جاڭا مەملەكەتتىك باعدارلاماسىن ىسكە اسىرۋ اياسىندا كاسىپتىك ستاندارتتار نەگىزىندە ءبىلىم بەرۋ باعدارلامالارىن 100% جاڭارتۋ مىندەتى تۇر.
«بىزگە كوللەدجدەر مەن جوو-لارداعى ءبىلىم بەرۋ باعدارلامالارىن جاڭارتۋ قاجەت. بۇل وتە ماڭىزدى. ءبىلىم ساپاسى دەگەنىمىز – ءونىمنىڭ قانداي دا ءبىر ستاندارتقا ساي بولۋى. بۇل جاعدايدا ءبىلىم بەرۋ باعدارلامالارىنا جۇمىس بەرۋشىلەر قالىپتاستىراتىن كاسىبي ستاندارتتار قاجەت», دەدى ءبىلىم جانە عىلىم ءمينيسترى.
سونىمەن قازىرگى ۋاقىتتا ۇكىمەت كاسىبي ستاندارتتاردى دايىنداۋ بويىنشا اۋقىمدى جۇمىستار جۇرگىزۋدە.
«بۇل جاعدايدا جۇمىس بەرۋشىلەردىڭ وزدەرى جوعارى وقۋ ورىندارىنىڭ تۇلەكتەرىنەن قانداي-دا ءبىر ماماندىق بويىنشا قانداي بىلىكتىلىكتەرگە يە بولعاندارىن كۇتەتىنىن ايتادى جانە قالىپتاستىرادى. قازىرگى ۋاقىتتا كوپتەگەن كاسىبي ستاندارتتار دايىندالدى, ال ءبىزدىڭ مىندەتىمىز – ولاردى تالداۋ جانە ءبىلىم بەرۋ باعدارلامالارىنا كوشىرۋ», دەدى ا. ايماعامبەتوۆ.
ءمينيستردىڭ ايتۋىنشا, بۇگىندە 100 كاسىبي ستاندارت دايىن. جىل سوڭىنا دەيىن 400-گە جۋىق كاسىبي ستاندارتتار دايىندالۋى ءتيىس. ەندى كوللەدجدەر مەن جوو-لاردىڭ بارلىق باعدارلامالارى جۇمىس بەرۋشىلەردىڭ تالاپتارىن قاناعاتتاندىرۋى كەرەك.
«ماسەلەن, ەگەر جۇمىس بەرۋشى اT مامانى ءۇشىن قازىرگى تاڭدا قانداي باعدارلامالاۋ تىلدەرى ەڭ قاجەتتىسى دەپ ايتسا, وندا ءبىز وسى باعدارلامالاۋ تىلدەرىن ءبىزدىڭ وقۋ ورىندارىمىزعا ەنگىزۋىمىز كەرەك. وسى تۇرعىدان ءبىزدى كاسىبي ستاندارتتار قىزىقتىرادى. تاياۋ ۋاقىتتا بۇل باعدارلامالار جاڭارتىلادى دەپ جوسپارلاپ وتىرمىز», دەدى مينيستر.
ايتا كەتۋ كەرەك, «جاس مامان» جوباسى اياسىندا 180 كوللەدجدىڭ ماتەريالدىق-تەحنيكالىق بازاسى جاڭارتىلادى, وعان بيۋدجەتتەن 58 ملرد تەڭگە قاراستىرىلعان. تەگىن كاسىپتىك-تەحنيكالىق ءبىلىم بەرۋ باعدارلاماسى جىل سايىن 100 مىڭ ستۋدەنتتى قامتيدى. ال قوسارلى ءبىلىم بەرۋمەن قامتىلعان ستۋدەنتتەردىڭ سانى 35%-عا جەتەدى. كوللەدج تۇلەكتەرىنىڭ جۇمىسپەن قامتىلۋ دەڭگەيى 63%-دان 75%-عا دەيىن ارتادى.
سونىمەن قاتار ءبىلىم جانە عىلىم ءمينيسترى بالالاردى ۇيدەن وقىتۋدىڭ شارتتارى تۋرالى ايتتى.
«ارەكەت ەتىپ تۇرعان زاڭناما اياسىندا بىزدە دەنساۋلىعى تۋرالى ءتيىستى كورسەتكىشتەرى بار بالالارعا ۇيدە ءبىلىم بەرۋ مۇمكىندىگى قاراستىرىلعان. ول ءۇشىن جاعدايلار جاسالادى: مۇعالىم كەلەدى, جەكە باعدارلاما جاسالادى. جالپى, ءبىز بالالاردىڭ ماماندانعانىن, قۇرداستارىمەن بىرگە ءبىلىم الىپ, قوعامداعى ومىرلىك ماڭىزدى داعدىلارعا يە بولعانىن قالايمىز, مەكتەپتە ءبىلىم الۋ وتە قاجەت جانە ومىرلىك ماڭىزدى دەپ سانايمىز, سوندىقتان بالانىڭ مەكتەپتە باقىتتى بولۋىنا جاعداي جاسايمىز», دەدى ۆەدومستۆو باسشىسى.
ايتا كەتۋ كەرەك, جاڭا مەملەكەتتىك باعدارلاما اياسىندا مەكتەپتەردە بالالاردىڭ اتا-انالارىمەن جانە مۇعالىمدەرىمەن قارىم-قاتىناسى ماسەلەلەرى قامتىلعان ءبىلىم مادەنيەتى كۇشەيتىلەدى.
اتاپ ايتقاندا, مينيستر بالانىڭ پسيحيكالىق دەنساۋلىعىن ساقتاۋ ماقساتىندا مەكتەپتەردە اتا-انالار مەن بالالاردىڭ وزدەرىن قاتىستىرا وتىرىپ, كەشەندى جۇمىستار جۇرگىزىلەتىنىن اتاپ ءوتتى. اتا-انالار بالانىڭ پسيحولوگيالىق جاعدايىندا جانە ونىڭ قوعامدى قابىلداۋىندا ماڭىزدى ءرول اتقارادى.
بۇل جۇمىستى كۇشەيتۋ ءۇشىن قازاقستاندىق ءبىلىم بەرۋ ۇيىمدارىندا مەكتەپ پسيحولوگتارىنا بىلىكتىلىك جوعارىلاتىلادى, الەۋمەتتىك-پسيحولوگيالىق قىزمەت كۇشەيتىلەدى.
