«ۇزدىك جىلدىق ەسەپ» نوميناتسياسىندا جىلدىق ەسەپ پەن تۇراقتى دامۋ تۋرالى ەسەپ بىرگە باعالانادى. ساراپتامالىق كوميسسيا ەسەپتىڭ اقپاراتتىق تولىقتىعىن, ونىڭ قۇرىلىمى مەن وقىلىمىن سارالايدى. بۇعان قوسا, قمگ «جىلدىق ەسەپتە ESG-اقپاراتىنىڭ تولىق اشىلۋى» اتتىقوسىمشا نوميناتسيانى دا (تۇراقتى دامۋ تۋرالى ەسەپ) يەلەندى. بۇل نوميناتسيادا كورپوراتيۆتىك باسقارۋ مەن تۇراقتى دامۋ ماسەلەلەرى بويىنشا (سونىڭ ىشىندە الەۋمەتتىك ساياسات پەن قىزمەتكەرلەردى باسقارۋ, قورشاعان ورتانى قورعاۋ جانە باسقا) اقپاراتتىڭ اشىلۋىنا باعا بەرىلدى.
سونداي-اق بىرقاتار نوميناتسيادا قمگ-نىڭ ەنشىلەس جانە تاۋەلدى ۇيىمدارىنىڭ جىلدىق ەسەپتەرى مەن تۇراقتى دامۋ تۋرالى ەسەپتەرى ۇزدىك تانىلعانىن اتاپ وتكەن ءجون. اتاپ ايتقاندا, «قازترانسويل» اق «جىلدىق ەسەپتە ستراتەگيانىڭ ۇزدىك اشىلۋى» نوميناتسياسىن جەڭىپ الدى. «ەمبىمۇنايگاز» اق «جىلدىق ەسەپتىڭ ۇزدىك ينتەراكتيۆتى نۇسقاسى» ساناتىندا جەڭىمپاز اتاندى. ال «قاراشىعاناق پەترولەۋم وپەرەيتينگ ب.ۆ.» تۇراقتى دامۋدى باسقارۋ ماسەلەلەرىن ۇزدىك كورسەتىپ اشقانى ءۇشىن ماراپاتقا يە بولدى.
بيىلعى بايقاۋدىڭ بارىسىندا قازاقستاندىق كومپانيالاردىڭ, ونىڭ ىشىندە 35 قارجى ۇيىمى مەن 69 قارجىلىق ەمەس ۇيىمنىڭ 111 جىلدىق ەسەبى مەن تۇراقتى دامۋ تۋرالى ەسەپتەرى تالداندى. باستى ماقسات – كومپانيالاردىڭ مۇددەلى تاراپتارى ءۇشىن اقپاراتتى ءتيىمدى اشۋىنا ىقپال ەتۋ. بايقاۋدىڭ ناتيجەسىن ساراپتامالىق كوميسسيا قورىتىندىلادى. ونىڭ قۇرامىنا كورپوراتيۆتىك باسقارۋ جانە ەسەپتىلىكتى دايىنداۋ سالاسىنداعى كاسىبي ماماندار كىردى.
