ءبىلىم جانە عىلىم ءمينيسترى ا.ايماعامبەتوۆ وتكەن كەزەڭدە قول جەتكىزىلگەن ناتيجەلەر جانە جاڭا مەملەكەتتىك باعدارلامانىڭ نەگىزگى باعىتتارى تۋرالى, كوكشەتاۋ قالاسىنداعى ات مەكتەپ-ليتسەيىنىڭ ديرەكتورى ا. بالتاشەۆا پەداگوگيكالىق قاۋىمداستىقتىڭ پوزيتسياسى تۋرالى باياندادى.
3 جىلدا مەملەكەتتىك باعدارلامانى جۇزەگە اسىرۋعا 1 ترلن 466 ملن تەڭگە ءبولىندى. مەكتەپكە دەيىنگى ۇيىمداردىڭ جەلىسى 1728 بىرلىككە ۇلعايتىلدى, 3 جاستان 6 جاسقا دەيىنگى بالالاردى مەكتەپكە دەيىنگى وقىتۋمەن قامتۋ 98%-عا دەيىن ارتتى. 1-10 سىنىپ وقۋشىلارى (95,4%) جاڭارتىلعان مازمۇنعا كوشتى. 273 مىڭ مۇعالىم (94%) جاڭارتىلعان وقۋ باعدارلاماسى بويىنشا وقىتىلىپ, 30% مولشەرىندە ۇستەمەاقى الۋدا. اتتەستاتسيادان وتكەن 123 مىڭنان استام مۇعالىم قوسىمشا تولەمدەردى 30-دان 50%-عا دەيىن الادى.
437 مەملەكەتتىك جانە 80 جەكەمەنشىك مەكتەپ جان باسىنا قارجىلاندىرۋعا كوشتى. 372 جاڭا مەكتەپ سالىندى. تاجىريبەلىك-قۇراستىرىمدىق ازىرلەمەلەر بويىنشا شىعىندار 1,6%-عا, عزتقج-عا جۇمسالاتىن بيزنەس شىعىندارىنىڭ ۇلەسى 6,6%-عا, كوممەرتسيالاندىرىلعان جوبالاردىڭ ۇلەسى 2,8%-عا ءوستى.
ء«بىلىم بەرۋدى دامىتۋ تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ ستراتەگيالىق باعىتىنىڭ باستى باسىمدىقتارىنىڭ ءبىرى. مەملەكەت باسشىسى قاسىم-جومارت كەمەل ۇلى توقاەۆ قازاقستان حالقىنا ارناعان جولداۋىندا ءبىلىم ساپاسىن ودان ءارى جاقسارتۋعا, قالا مەن اۋىل مەكتەپتەرى اراسىنداعى الشاقتىقتى ازايتۋعا جانە پەداگوگتەردىڭ مارتەبەسىن ارتتىرۋعا ەرەكشە نازار اۋداردى», دەدى ا. مامين.
ۇكىمەت باسشىسى پرەزيدەنتتىڭ تاپسىرماسىن ورىنداۋ ماقساتىندا, جاڭا مەملەكەتتىك باعدارلاما اياسىندا 2020 جىلدان باستاپ, ءتورت جىل ىشىندە پەداگوگتەردىڭ جالاقىسىن 2 ەسەگە كەزەڭ-كەزەڭىمەن ارتتىرۋ جوسپارلانعانىن اتاپ ءوتتى. سونىمەن بىرگە بالالار بالاباقشالارمەن 100% قامتاماسىز ەتىلەدى, ءۇش اۋىسىمدا وقىتۋ جانە اپاتتى جاعدايداعى مەكتەپتەر تولىعىمەن جويىلادى.
«قازاقستان PISA-نىڭ – وقۋشىلاردىڭ فۋنكتسيونالدىق ساۋاتتىلىعىنىڭ الەمدىك رەيتينگىسىنىڭ تور-40-نا كىرۋدى جوسپارلاپ وتىر. بارلىق مەكتەپتەر جاڭا موديفيكاتسياداعى ءپان كابينەتتەرىمەن جابدىقتالادى», دەدى ا. مامين.
2025 جىلعا دەيىن ەلىمىزدە 800-گە جۋىق جاڭا مەكتەپ سالىنادى. تىرەك ەلدى مەكەندەردە 114 ينتەرنات سالىنادى.
پرەمەر-مينيستر ينۆەستورلار ءۇشىن ءبىلىم بەرۋ سالاسىنىڭ ءوسىپ كەلە جاتقان تارتىمدىلىعىنىڭ ماڭىزدىلىعىن اتاپ ءوتتى. الداعى 5 جىلدا سالاعا 11,5 ترلن تەڭگە باعىتتالادى, ونىڭ ىشىندە 1,3 ترلن جەكە ينۆەستيتسيالار تارتىلادى. بۇل جەكە ينۆەستورلار ەسەبىنەن 150 مىڭ ورىنعا قوسىمشا مەكتەپتەر سالۋعا مۇمكىندىك بەرەدى.
«ەل ەكونوميكاسى ءۇشىن عىلىمنىڭ ناتيجەلىگىن ارتتىرۋ ءۇشىن عىلىمي-زەرتتەۋ قىزمەتى جەتىلدىرىلىپ, عىلىمعا جۇمسالاتىن شىعىندار كوبەيتىلەدى. ءبىلىم بەرۋدى قارجىلاندىرۋ ءجىو-ءنىڭ 7% دەڭگەيىن قۇرايدى», دەدى ا. مامين.
ۇكىمەت باسشىسى ءبىلىم جانە عىلىم مينيسترلىگىنە جىل باسىنان باعدارلامانىڭ ىسكە قوسىلۋىن جانە كوزدەگەن كورسەتكىشتەرگە قول جەتكىزۋدى قامتاماسىز ەتۋدى تاپسىردى.
