چەحيانىڭ «كلەمەنتينۋم» ۇلتتىق كىتاپحاناسىندا قازاقستاننىڭ چەحياداعى ەلشىلىگىنىڭ جانە قازاقستاننىڭ ۇلتتىق اكادەميالىق كىتاپحاناسىنىڭ باستاماسىمەن ەكى كىتاپحانا باسشىلىعىنىڭ كەزدەسۋى ۇيىمداستىرىلىپ, وعان ەلشىلىك قىزمەتكەرلەرى دە قاتىستى.
كەزدەسۋ اياسىندا ەكى ەل كىتاپحانالارىنىڭ اراسىندا ىنتىماقتاستىق تۋرالى مەموراندۋمعا قايتا قول قويىلدى. كەلىسسوز قورىتىندىسى بويىنشا تاراپتار الداعى 2020 جىلى چەحيانىڭ ۇلتتىق كىتاپحاناسىندا ۇلى قازاق اقىنى اباي قۇنانباەۆتىڭ 175 جىلدىعىنا ارنالعان مادەني-اقپاراتتىق ورتالىق اشۋ تۋرالى ۋاعدالاستى. اتالعان ادەبي ورتالىققا قازاق اقىنىنىڭ ەڭبەكتەرى, ۇلى دانىشپان ءومىرىنىڭ ءتۇرلى كەزەڭدەرىن بەينەلەيتىن كارتينالار قويىلىپ, سايت قۇرىلادى جانە وسى ورتالىقتىڭ قىزمەتى تۋرالى كەڭ كولەمدى اقپارات قامتىلعان بيۋللەتەن ورنالاستىرىلادى.
بۇل چەح جۇرتشىلىعىنا قازاقتىڭ مادەنيەتى مەن ادەبيەتىن كەڭىنەن تانىپ-بىلۋگە مۇمكىندىك بەرىپ قانا قويماي, جازۋشىلاردىڭ, مادەنيەت, ءبىلىم جانە عىلىم سالالارىنداعى قوعام قايراتكەرلەرىنىڭ شىعارماشىلىق كەزدەسۋلەرى ءۇشىن ارنايى الاڭقاي بولماق.
