ولار قازاقستان مەن يۋنەسكو اراسىنداعى مادەني-گۋمانيتارلىق ءوزارا ءىس-قيمىلدار جانە الداعى ۋاقىتتاعى ىنتىماقتاستىقتىڭ پەرسپەكتيۆالارىنا قاتىستى كوپتەگەن ماسەلەنى تالقىلادى.
قىرىمبەك كوشەرباەۆ يۋنەسكو جەتەكشىسىنە ءال-ءفارابيدىڭ 1150 جىلدىعى مەن شىمكەنت قالاسىنىڭ 2200 جىلدىعىن يۋنەسكو-نىڭ اتاۋلى كۇندەرى مەن وقيعالارىنىڭ حالىقارالىق كۇنتىزبەسىنە ەنگىزۋ جونىندەگى قازاقستان باستاماسىنا قولداۋ كورسەتكەنى ءۇشىن ريزاشىلىق ءبىلدىردى.
سونداي-اق كەلەسى جىلى قازاقستاندا قازاقتىڭ ۇلى اقىنى جانە اعارتۋشىسى اباي قۇنانباي ۇلىنىڭ 175 جىلدىعى كەڭ كولەمدە اتاپ وتىلەدى. بۇل ورايدا, 2020 جىلى يۋنەسكو-نىڭ شتاب-پاتەرىندە ارنايى مادەني باعدارلامالار ۇيىمداستىرۋ ۇسىنىلدى.
كەزدەسۋدە بۇكىلالەمدىك مادەني مۇراعا جاتاتىن ەسكەرتكىشتەردى قورعاۋ بويىنشا قوجا احمەت ءياساۋيدىڭ كەسەنەسى ورنالاسقان تۇركىستان قالاسىنىڭ قازىرگى زامانعا ساي دامۋ تاقىرىبى قوزعالدى. تاراپتار «جىبەك جولىنىڭ فەرعانا-سىرداريا ءدالىزىنىڭ جەلىلەرى» ترانسۇلتتىق نوميناتسياسىنا قاتىستى جانە تاياۋ جىلدارى يۋنەسكو-نىڭ بۇكىلالەمدىك مۇرالار تىزىمىنە سەريالىق نوميناتسيالاردى ەنگىزۋگە قاتىستى ۇستانىمدارىمەن كەلىستى.
كەزدەسۋ سوڭىندا پرەزيدەنت ق.توقاەۆتىڭ قازاقستانعا شاقىرۋ قاعازى يۋنەسكو باس حاتشىسى و.ازۋلەگە تابىستالدى. ول شاقىرۋدى ريزاشىلىقپەن قابىلدادى.
