ازاماتتىق حال اكتىلەرىن تىركەۋ سالاسىنداعى مەملەكەتتىك قىزمەتتەردى وڭتايلاندىرۋ ماقساتىندا «نەكە (ەرلى-زايىپتىلىق) جانە وتباسى تۋرالى» كودەكستىڭ (بۇدان ءارى – كودەكس) 50-دەن استام بابىنا وزگەرىستەر ەنگىزىلدى.
ازاماتتارعا ىڭعايلى بولۋ ءۇشىن ازاماتتىق حال اكتىلەرىن تىركەۋدىڭ بارلىق ءتۇرىن تىركەۋ, قايتالاما كۋالىكتەر مەن انىقتامالار الۋ بويىنشا ەكساۋماقتىق قاعيدات ەنگىزىلدى. ەندى قايتالاما تۋ تۋرالى كۋالىك قاجەت بولعان جاعدايدا ازامات قاي ايماقتا تۋعانىنا قاراماستان, كەز كەلگەن تىركەۋشى ورگانعا بارىپ, قايتالاما تۋ تۋرالى كۋالىگىن الا الادى.
اتا-انالاردىڭ تاڭداۋى بويىنشا سمس-حابارلاما ارقىلى تۋدى پرواكتيۆتى جولمەن تىركەۋگە بولادى.
اناسىنىڭ جەكە باسىن كۋالاندىراتىن قۇجاتىنىڭ بولماۋىنا قاراماستان, بالانىڭ تۋىن تىركەۋ جانە تۋ تۋرالى كۋالىك بەرۋ مۇمكىندىگى قاراستىرىلعان. وسى ورايدا, بالالاردا تۋعان كەزىنەن باستاپ ازاماتتىقتىڭ بولماۋى ماسەلەسى شەشىلەدى.
سونىمەن قاتار دەفيس ارقىلى قوسارلانعان ەسىمدەر مەن اكەسىنىڭ اتىن جازۋ مۇمكىنشىلىگى قاراستىرىلعان. مىسالى: ەگەر اكەسىنىڭ اتى ءالي-اسقار بولسا, بالانىڭ اكەسىنىڭ اتىن الي-اسكاروۆيچ نەمەسە ءالي-اسقار ۇلى دەپ كورسەتۋگە بولادى.
بالا قازاقستان رەسپۋبليكاسىنان تىس جەردە تۋعان جانە سول مەملەكەتتىڭ تۋ تۋرالى كۋالىگى بولعان جاعدايدا تۋۋىن تىركەۋگە نەگىز بولاتىن قۇجاتتاردىڭ ءتىزىمى كەڭەيتىلدى.
مىسالى, بالاعا وزبەكستان رەسپۋبليكاسىندا تۋعان جەرى بويىنشا تۋ تۋرالى كۋالىگى بەرىلگەن بولسا, جاڭا تۇزەتۋلەرگە سايكەس ناقتى تۋعان جەرى كورسەتىلگەن قازاقستاندىق ۇلگىدەگى تۋ تۋرالى كۋالىكتى بالانىڭ اتا-اناسى تىركەۋشى ورگاننان الۋىنا بولادى.
اتالعان نوۆەللا اتا-انالارعا مەكتەپكە دەيىنگى ءبىلىم بەرۋ ۇيىمدارىنا كەزەككە تۇرۋ, دەنساۋلىق ساقتاۋ ۇيىمدارىنا تىركەلۋ, جاردەماقى الۋ, قارىز جۇكتەمەسىن الىپ تاستاۋ جانە ت.ب. مەملەكەتتىك قىزمەتتەردى ەلەكتروندى تۇردە الۋعا مۇمكىندىك بەرەدى.
ازاماتتىق حال اكتىلەرىن تىركەۋدىڭ كەيبىر تۇرلەرى ولاردىڭ اۆتوماتتاندىرىلۋىنا بايلانىستى الىنىپ تاستالدى.
ەكى كۋالىكتىڭ: اسىراپ الۋ نەمەسە اكە بولۋدى انىقتاۋ جانە تۋ تۋرالى كۋالىكتىڭ ورنىنا تىركەۋشى ورگان بالانىڭ جەكە جانە اتا-اناسى تۋرالى مالىمەتتەرى كورسەتىلگەن تۋ تۋرالى كۋالىك قانا بەرەدى.
سوت شەشىمى نەگىزىندە نەكە بۇزۋدى تىركەۋ ءتارتىبى اۆتوماتتاندىرىلدى. اتالعان مالىمەتتەر ادىلەت مينيسترلىگىنىڭ اقپاراتتىق جۇيەسىنە اۆتوماتتى تۇردە تۇسەدى جانە نەكە قيۋ تۋرالى اكت جازباسىنا نەكەنىڭ بۇزىلعاندىعى تۋرالى بەلگى قويىلادى.
ازاماتتاردىڭ مەملەكەتتىك ورگانداردىڭ اقپاراتتىق جۇيەلەرىنەن الۋعا بولاتىن قۇجاتتاردى (سوت شەشىمدەرى, مەديتسينالىق انىقتامالار, قازاقستان رەسپۋبليكاسىندا تىركەلگەن اكتىلەر تۋرالى اقپارات جانە ت.ب.) مەملەكەتتىك ورگاندارعا ۇسىنۋ قاجەتتىلىگى جويىلدى.
جوعارىدا اتالعان بارلىق نوۆەللالار ازاماتتاردىڭ ۋاقىت جانە قاراجات شىعىندارىن قىسقارتۋ, سونىمەن قاتار مەملەكەتتىك قىزمەت كورسەتۋ پروتسەسىن تسيفرلى فورماتقا كوشىرۋ مۇمكىندىگىن بەرەدى.
